Жақсылық жасай білейік тақырыбындағы психологиялық мақала

Жақсылық жасауды өзіңнен баста!

Кошанова Меруерт Кайратовна

Педагог-психолог.

Өзін-өзі тану мұғалімі

М.Жұмабаев атындағы №39 гимназия

Қарағанды қаласы

«Шынайы жақсылық адамдарға

деген шексіз мейірімділіктен көрінеді»

(Жан Жак Руссо).

Өмірде өзен ағысында небір өзгерістер болып жатады. Десек те қоғамның әрбір мүшесінің қандай адам болатыны үшін күрес бәрінен маңызды. Өмірдегі жетістік, өз-өзіне сенімділік көптеген факторларға байланысты. Расында, адамның қоршаған ортадағы ұстамдылығы, этикет әдебі – осының дәлелі.

Жұрттың бәрінің жақсылыққа жаны құмар. Қазақ халқы не нәрсе болсын ырымдап, тек жақсыға жорып, болашаққа үлкен үміт артқаны белгілі.

Адамға қойылатын басты талап — асыл да ізгі адамгершілік қасиеттерді бойына сіңірген, ұлағатты азамат болып шығу. Өйткені адам — өзінің адамгершілігімен, қайырымдылығымен, адалдығымен және әділеттігімен ардақты. Адамгершілік — адамның рухани арқауы.Өмірдің мәні өзіміздің айналамыздағы жандарға жақсылық істегенде ғана біліне бастайды. Біз кейде айналамыздан жаман әдетті, жаман мінезді көріп қаламыз. Оны болдырмаудың бір ғана амалы бар, ол – қандай да бір жақсылық жасау.

Жақсылық жасау дегеніміз тек қана көшеден ұшыратқан жүгі ауыр кісіге көмектесу немесе қария адамның үйін жинастыру, құстарға жем шашып, гүлге су құю ғана емес, науқас кісінің көңіл сұрап, жақсы сөз айту да жақсылықтың үлкені. Жақсы сөздер жазылған кітаптың бір бетін оқысақ та жақсылыққа үлес қосқанымыз болмақ.

Уақыты келе, біздер өзіміз жайлы немесе өзгелерге қаратып айтылған мадақ-мақтауларды естіп жатамыз:"...сен жақсысың!". Әйтпесе, тіптен керісінше болып жататын кездер болады. Міне, сол уақытта адалдығың мен жақсылығыңа қарамастан, кінәлап жататындар кездеседі. Осындай уақыттарда жақсылық пен жамандық туралы қарама-қарсы ұғымдардың төңірегінде ойға шомыларыңыз сөзсіз.

Адамның асыл қасиетінің бір—жақсылық жасай білу. Адам кешіре білуі керек. Кейбір адамдардың жамандық жасауға, қастандық етуге ниеттері болады. Тіпті жануарлар да жақсылық жасап жатады. Мысалға, «Кірпі баласын жұмсағым, қарға баласын аппағым дейді». Олар өз баласына мейірімділікпен қарайды. Адамдарда бір-біріне мейірімді, жанашыр болса, нұр үстіне нұр болар еді.

Адам жақсылық жасау үшін жаралған. Жақсылық пен игілікті іс жасау-үлкен адамгершіліктің белгісі. Басқа адамдарға көмектесіп жүрген көптеген абзал жандар бар. Егер адам басқаларға жақсылық жасап, қиын кезеңде жақсылық көрсетсе, ол да оған жанашырлық танытады. Жақсылық жасау әрбір адамның міндеті.

«Адам болам десеңіз…» тақырып төңірегінде ой қозғасақ, еңбекқорлықты еріншектіктен ажырата білуді, ашуды ақылға жеңдіруді, сабырлы болуды, қуаныш сыйлауды, талаптана білсек, төзімділік, табандылық батылдық, өжеттік ұғымдарын түсіне аламыз. Ал осы ойларымыз бізді жақсылық жасауға жетелейді.

Жақсылық–адамдықтың белгісі. Мейірімді, қайырымды, сезімтал адам әрдайым жақсылық жасауға дайын тұрады. Ақ ниетпен жақсылық жасау адамның ішкі дүниесінің байлығын, жан сұлулығын көрсетеді.

Өмірде кездесетін әр түрлі жағдайларда басқаларға зиян келтірмей, ой мен істің бірлігін сақтай отырып, байыпты шешім қабылдай алу – жақсылықтың нышаны.

Жақсылық жасағысы келген адам ешкімнің сұрағанын күтпей, көмек етудің мүмкіндіктерін өзі іздейді.