Жақсылық жолымен жүреміз ашық сабағы 1 сынып

Қызылорда облысы,Шиелі ауданы,Ақмая ауылы

№49 орта мектебі

Мектеп_№49 КММ

Өзін-өзі тану пәнінің мұғалімі Султанова Оразгуль Турсыновна

Тақырыбы:Жақсылық жолымен жүреміз.

Құндылық: дұрыс әрекет

Қасиеттер: ізеттілік,риясыздық,кешірімшілдік

1 сыныпқа арналған сабақ жоспары

Сабақ мақсаты: Оқушыларға адам өміріндегі жақсылықтың маңыздылығын жеткізу арқылы дұрыс әрекет құндылығының мәнін ашу.

Міндеттері :

Білімділік: Оқушыларға жақсылықтың мәнін ұғындыра отырып,ізеттілік қасиеті туралы түсінік беру.

-оқушыларды ізгі қарым-қатынас жасауға баулу.

- оқушыларды ізеттілік,риясыздық,саналылық қасиеттеріне тәрбиелеу.

Ресурстар:

оқулық,дәптер,

үнтаспа, суреттер

Сабақ барысы:1.Ұйымдастыру кезеңi. Сәлемдесу, оқушылардың көңіл-күйін сұрау, сабаққа қатысуды тексеру.

2.Үй тапсырмасын тексеру. «Бір жұлдызды құтқару» аңыз әңгімесі

Баланың жасағаніс-әрекетін қалай сипаттар едіңдер?

Жасаған жақсылықты неліктен міндет етпеу керек?

Өзің қандай жақсылық жасап жүрсің?

Сабақ барысын талқылау:

3.Дана сөздер: «Жақсылық-жан азығы»Жақсы болуды басқа біреуден іздеудің қажетті жоқ.Жақсы істер, жақсы әрекеттерге ұмтылуы,сыйлы қарым-қатынастар жасауы,өтірік айтпауы,сөзінде тұруы,жақсылардан үйренуі өзіне байланысты.

4.Әңгiмелесу (сұхбат)

Мұғалім жақсылықты,жамандықтан ажырата білуді үйрету мақсатында әңгімелесу жүргізіледі.Төмендегідей сұрақтар беріледі:

Жақсы іс деген не?

«Жаман » дегенде ойларыңа не түседі?

Мұғалім сыйы: Жақсылық пен жамандық ертегісін мазмұндау

5.Ойын-жаттығу.

Жұмбақ өлең: Не жақсы, не жаман екенін ажыратып айту.

Үйдің ішін тазалап, Ата-ананың ақылын

Үстіне де қарайлап, Ала білмей кезінде,

Үлгере алсаң сол?? (Жақсы) Ақымақ болсаң сол-?? (жаман)

6.Жақсылық жасайық:Дәптермен жұмыс 1тапсырма «Жақсылық» деген сөздің әрбір әрпінен басталатын адами қасиетті білдіретін сөз жазу.

Ж-

А-

Қ-

С-

Ы-

Л-

Ы-

Қ-

2 тапсырмаСуреттерді мұқият қарау.Мұндай жағдайда қандай жақсылық жасауға болатынын айтып беру.Көмектесу,жақсылық жасау,риясыз қызмет ету.

7.Шығармашылық жұмыс.

Балаларға қағаздан екіге бүктеліп жасалған,сыртқы бетіне «Жақсы бала»деп әдемі жазуларымен жазылған,ішкі беті жолдарға бөлінген кітапшалар таратып беріледі.-Балалар,кітапшаның бірінші жолына өзіңмен қатар отырған сыныптасыңның есімін,келесі жолдарға оның жақсы әрекеттерін (сәлемдеседі,кешікпейді,өтірік айтпайды,сөзінде тұрады,тапсырманы орындайды,үлкенді сыйлайды,кішіге қамқор,кешірімді және т.б) және соңынан өз есімдеріңді жазыңдар. Тапсырма орындалып біткен соң балалар кезегімен кітапша ішіне жазғандарын жария етеді .

8.Топпен ән айту.

Балалар мұғаліммен бірге шеңберге жиналып, «Біз өмірдің гүліміз»әнін барлығы қосылып айтады.

9.Үй тапсырмасы. «Қамқорлық» әңгімесін оқу