Жас химиктер сайысына арналған сабақ, 8-сынып

Тақырыбы: «Жас химиктер» сайысы Мақсаты:1. Білімдік. Оқушылардың теориялық білімдерін тексеру, олардың пәнді игеруге деген қажеттіліктерін туғызу, ынтасын арттыру.2. Дамытушылық.Химия ғылымының қоғамдағы космосты игеру, атом энергиясын бейбітшілік мақсатта қолдану, жасанды заттарды синтездеу, ауыл шаруашылығы өнімдерін арттыру, жаңа энергия көздерін табу, табиғи шикізат көздерін игеру, тұрмыста, медицинада т.б жерлерде қолданылатын химия өнімдерінің маңызын оқыту.3. Тәрбиелік. Химия пәнінің қажеттілігі мен өзектілігін, маңызын айтып, оқушылардың химиялық білімдерін дамыту.

Мұғалім сөзі: Құрметті ұстаздар мен оқушылар! Сайыс десе белсене араласатын көрермен қауым! Елбасымыз өз жолдауында Қазақстанда адами капиталдың сапалы өсуі ең біріншіден білім беру саласына қатысты екендігін қадап айтқан болатын. Алдыңғы қатарлы елдермен бәсекеге қабілетті болу үшін де сапалы білім болуға тиіс екендігі бұлжымас заңдылық. Сапалы білім – саналы ұрпақ. Ендеше, осы мақсатта Сіздерге «ЖАС ХИМИКТЕР» атты химия пәнінен 8 «Ә» сыныбында өткізілетін сайысымызға қош келіпсіздер! деп,Ақыл –тон, аңдығанға тозбайтұғын,Білім –кен, қанша болса азбайтұғын.Қатарың оза шауып бара жатса,Арқаңның ауруы не қозбайтұғын,-деп Тұрмағамбет Ізтілеуов айтқандай, білімдік сайысқа белсене,құлшына араласатын сайыскер топтарымызды таныстырып өтейін:

1-ші тобымыз – «Протон» тобы

2- ші тобымыз– «Нейтрон» тобы

Сайыскерлеріміздің біліміне, шеберлігіне әділ бағасын беретін әділ-қазылар алқасымен таныстырып өтемін.Енді сайысымыздың негізгі бөлімдерімен таныстырар болсам:Сайысымыз 6 кезеңнен тұрады:1 кезең «Таныстыру» топтың аты, ұраны,төс белгілері. (3 мин)2 кезең «Мықты болсаң, тауып көр» сұрақтар (10 мин)3 кезең «Зерек болсаң шешіп көр» есептер шығару(10 мин)4 кезең «Полиглот» жеті жұрттың тілін біл (4 мин)5 кезең «Ойлы болсаң озып көр» топ басшыларының сайысы (3 мин)

6 кезең «Химия ғажайыптары» атты топтардың тәжірибелері

Тапқыр,білгір,дарындыЖарыс бар бүгін арындыХимия пәнін сүйсең сенОртаға сал барыңды-деп, сайысқа қатысушы топтарға сәттілік тілей отырып, сайысымыздың алғашқы кезеңін бастасақ.

1 кезең «Таныстыру» кезеңі әрбір топ өздерінің топ атын, ұранын, төс белгілерімен таныстырады. Таныстырудың мазмұнына, эмблеманың топ атына сай келетіндігі ескеріліп жоғары ұпай 5 ұпай беріледі. Ендеше іске сәт.«Протон» тобы «Нейтрон» тобы

2- кезең «Мықты болсаң, тауып көр» кезеңінде 3 тақырып және 10,20,30 ұпай сандары беріледі. Әрбір топ тақырып таңдап, өздеріне ұпай қояды. Берілген сұраққа дұрыс жауап берсе, қойылған ұпайды алады, ал дұрыс жауап берілмесе сол ұпай жинаған ұпайынан шегеріледі. Алғашқы болып протон тобы таңдайды.

Химия 10 20 30

Элемент 10 20 30

Қызықты сұрақтар 10 20 30

10 ұпай Химия ұяшығы : Атом –молекулалық ілімді ұсынған? (М.В.Ломоносов)

20 ұпай Химия ұяшығы: Химиялық құбылысқа 3 мысал келтір: (темірдің тат басуы, ағаштың жануы, сүттің ашуы)

30ұпай Химия ұяшығы: Периодтық кестені кім және қай жылы ашты? (1869жылы Д.И. Менделеев)

10 ұпай Элемент ұяшығы : Сүйекті қаптайтын элемент? (кальций)

20 ұпай Элемент ұяшығы: Алғашқы көмекке пайдаланылатын бейметалл . ( иод)