Жастардың шетелге қызығушылығы туралы мақала, 11 сынып

«Жастардың шетелге көшуі:Себептері мен салдары»

Қазіргі Қазақстан жастары шекарадан арғы өмірге үлкен қызығушылықпен қарап ғана қоймай,соған қарай нақты қадамдар жасап жатыр.Шетелде оқу,жұмыс істеп,тұрақты қоныс аудару - бүгінгі таңда көптеген жас қазақстандықтардың таңдау жолы.Бірақ бұл өзіндік шешім бе немесе қоғамдағы жүйелі мәселелердің салдары ма?

2024 жылғы дерек бойынша,Қазақстаннан шетелге 12 784 адам көшіп кеткен.Таңғаларлығы - олардың 25%-дан астамы жастар болып табылады.2023 жылы елден кеткендердің үштен бір бөлігі жоғары білімді мамандар болған.Сонымен қатар,шетелде білім алып жүрген қазақстандық студенттер саны 78 мыңнан асып,еліміз бұл көрсеткіш бойынша әлемде ТОП-15 елдің біріне енді.Бұл жәй ғана статистика емес - бұл ащы шындық.

Жастардың шетелге қызығуының басты себебі -мүмкіндіктің шектеулілігі.Қазақстанда көп жастар өз мүмкіндігін толық жүзеген асыра алмайды.Білім беру жүйесіне көңілі толмайтындар өте көп.Менің ойымша жастардың шетелге жетелейтін тағы бір себеп - әлеуметтік еркіндік.Жастар пікір айту еркіндігіне,тең құқыққа,әділетті қоғамға ұмтылады.Олар өзін еркін сезінетін,заң үстемдік ететін елде өмір сүргісі келеді.

Ал шетелде қалу үрдісі жайында айта кетсек,көптеген жастар шетелге «оқуға ғана барады».Бірақ бір рет барған соң,сол жақтағы тыныш өмірге,жоғары жалақыға,таза көшелер мен мәдениеттін өзгешелігіне үйреніп қалады.Нәтижесінде,оқу бітірген соң қайтуға ниеті мүлдем болмайды.Тіпті кейбірі отбасын құрып,азаматтық алып,толықтай қоныс аударады.Бұл - «кері қайтпайтын көші-қон» деп аталады.

Ел болашағы - жастар.Егер болашағымыз кетіп жатса,елдің өз болашағы күмән туғызады.Ғылым,инновация және мәдени өркендеу - мұның бәрі білімді жастарға байланысты.Ал жастар кетсе елде жаңа идеялар пайда болмайды,қоғам тоқырайды.Сондықтанда жастарды қызықтырып ғана қоймай,оларды дамытатындай деңгейге жеткеніміз жөн.

Қорытындылай келе,біз жастардың шетелге кетуі - олардың өз елімізге қойған бағасы екенін түсіндік.Бұл баға үнсіздік,бірақ анық.Бұл билікке де,қоғамға да ойланатын сәт.Жастарға сеніп артып,қолдайтын жүйе болмаса -олар кете береді.Ал біз артынан қол бұлғап қала береміз.

Болатова Инабат Ерболовна

Жезқазған қаласы

№1 жалпы білім беретін мектептің

11-сынып оқушысы