Жасыл шырша төрімде мектепке дейінгі мерекелік сценарий

«Жасыл шырша төрімде»

Мақсаты: Балалардың жаңа жыл мерекесі туралы түсініктерін

қалыптастыру. Мерекелік көңіл-күй ортасын ұйымдастыру. Хормен және ән айту шеберліктерін арттыру. Би қимылдарын қызығушылықпен,

ырғақты сақтай отырып, билету. Бір-біріне мерекелік көңіл-күй сыйлауға, құрметтеуге тәрбиелеу.

Жүргізуші: Ақ тілектер ақ қардай,

Ұқсас бейне арайға.

Жаңа жылдық жарқын кеш,

Басталды бұл сарайда .

Ой балалар, мына жер қандай әдемі болып кеткен!

Түлкі: Мен түлкімін,түлкімін

Тұнып тұрған күлкімін

Аяз ата мұнда келмейді,

Сендерге сыйлық бермейді.

Балалар: Қалайша?

Түлкі: Аяз аталарың адасып кетіпті,

Сендерді таба алмай

Үйіне қайтып кетіпті.

Жргізуші: Бұл қалай болды? Шырша тойымыз Аяз атасыз қалай өтпек?

Түлкі: Білмеймін ол жағын?! Жарайды, мен кетейін (билей басып кетеді)

Жргізуші: Балалар, уайымдамаңдар. Аяз атамыз келеді, сендерге сыйлық

Береді. Бұл түлкінің кезекті бір қулығы болар.

Мұның артында бір шикілік бар сияқты.

Сықырлаған қардың дыбысы естіледі.

Тәрбиеші тың-тыңдап: Балалар, Аяз атамыз келе жатқанға ұқсайды.Қардың

сықырын естідіңдер ме?

Балалар: Иә, естіп тұрмыз.

Жргізуші: Енді қарап тұрмайық

Бәріміз бірге дауыстап

Аяз ата мен Ақшақарды шақырайық!

Балалар: Аяз ата, Ақшақар!

Әуен ойналады. Залға Аяз ата мен Ақшақар кіреді. Балалар қошеметтеп қарсы алады.

Аяз ата: Амансың ба, ұлдарым,

Амансың ба, қыздарым

Қандай әсем жүздерің

Қандай мөлдір көздерің

Керемет бір ән тыңдап,

Келіп тұр-ау демалғым.

Аяз ата: Шырша шамын жағады. Балалар, сендердің шыршаларың көңілсіз сияқты ғой. Менің сиқырлы таяғыммен шырша шамын жағып, мына жерді одан әрі әдемілеп жіберсем қайтеді. Сендер маған көмектесіңдер.

Балалар хормен: Бір, екі, үш

Шырша жан!

Жргізуші: Құтты болсын жаңа жыл!

Құтты болсын жаңа жыр!

Қуантайық баршаны,

Ән салайық жаңадан.

Хор: «Аяз ата, Ақшақар»

Жұргізуші: Жаңа жылды тойлайық,

Ойнап, асыр салайық.

Атамыздың сиқырлы,

Қолғабымен ойнайық.

Ойын: «Аяз ата қолғабы»

Аяз ата: Балалар, шынында менің қолғабым сиқырлы.

Қолғабымның сиқыры – ойын шарты бойынша қолғап кімнің қолында

қалып қойса, сол бала менің тапсырмамды орындайды. (Жылдың қай мезгілі? Қыстың қандай белгілерін білесің? Қыста аю не істейді? Қыстап қалатын қандай құстарды білесің? Қыста қандай оын ойналады?)

Жргізуші: Ескі жылмен қоштасып, жаңа жылмен достасатын

кез келді. (Ит жылы мен Доңыз жылы ортаға келеді)

Тілектерін айтады. Ит: Мен ақылды итпін,

Өзім сондай сұлумын.

Жаңа жыл кілтін табыстап,

Доңызға сеніп берейік.

Жргізуші: Қуантып елді

Жаңа жыл келді

Өсетін болдық

Бір жасқа енді.

Доңыз: Тілек айтып, құттықтайды. Ескі жылды шығарып салып, көңілді күшіктер биін билейікші.

Би: «Көңілді күшіктер»

Жргізуші: Әкелсін жыл ырыс-құт,

Әлемде болсын тыныштық.

Жаңа жылым тамаша

Ән салайық жаңаша!

Хор: «Қыс елді»

Жргізуші: Қабағын еш түймейді,

Аяғы жерге тимейді.

Мерекеде шаттана

«Кішкентай шыршалар» билейді – деп Ақшақармен кішкентай шыршалар биін билейікші.

Би: «Кішкентай шыршалар»

Жргізуші: Ән салыңдар күліңдер,

Бақытты өмір сріңдер.

Шырша тойын тойлайық,

«Қонжық» биін билейік. Ұйқыда жатқан аюлардың кішкентай қонжықтары оянып кеткен екен. Қонжықтар биге келсін.

Би: «Қонжықтар»

Жргізуші: Жаңа жылда жаңаша Тақпақтар айтамыз. Болсын риза балаша, Әппақ Аяз атамыз.