Жасыл шырша жанында ертеңгілігі мектепке дейінгі балаларға

«Жасыл шырша жанында!»

Сабақтың мақсаты: Балаларға бұл мерекенің дүние жүзі бойынша барлық халықтың үлкен көңілмен қарсы алатын ерекше мереке екенін түсіндіру. Жаңа әндер , тақпақтар жаттату, би үйрету.

Сабақтың көрнекілігі : Жаңа жылдық шырша, түрлі –түсті шарлар, жылтыр жіпшелер, жаңа жылдық суреттер, фетрадан жасалған шырша.

Қатысушылар : әр түрлі маскарад киімін киген балалар , Аяз ата, Ақшақар, Ескі жыл ,Жаңа жыл, жүргізуші.

Өтілу барысы: Балалар залға музыкамен кіреді.

Жүргізуші : Құрметті, ата-аналар, балалар, Жаңа жыл мерекесі құтты болсын! Келе жатқан доңыз жылы бәріңізге

бақыт, шаттық әкелсін. «Жасыл шырша жанында!» атты ертеңгілігіне қош келдіңіздер!

Жаңа жылдың таңы неткен арайлы,

Ақ мамыққа орап алып маңайын.

Жаңа жыл мен құттықтаймын деген үн,

Қанаттана кең алқапқа тарайды,- дей келе құттықтау сөзімізді мектебіміздің директорының міндетін атқарушы

Рапиева Мөлдірге береміз.

Жүргізуші: Балалар , мен қардың сылдырын естіп тұрмын бұл не болды екен, қарайықшы? Қане балалар,айтайықшы Жаңа жылдың маңызды қонақтары кімдер?

Балалар: Аяз ата мен Ақшақар.

Жүргізуші :Аяз атамен Ақшақар бізді несімен қуантады?

Балалар : Сыйлығымен.

Жүргізуші : Олай болса барлығымыз дауыстап Аяз ата мен Ақшақарды шақырайық.

Барлығы хормен : Аяз ата, Ақшақар ...Аяз ата. Ақшақар... Аяз ата, Ақшақар...

Аяз ата: Амансыңдар ма, балаларым!

Ақшақар: Армысыңдар ағайын, бармысыңдар балақайлар?

Қош келдіңіздер ата-аналар,

Міне , келді Аяз атамыз

Ән салыңдар , балақайлар.

Би билеңдер бізге еріп.

«Ақшақардың биі»

Жүргізуші : -Енді балалар, құрметті қонақтар, бізбен бірге жыл бойы бірге болған, бар қызықты бірге өткізген, ескі жылымызға рахметімізді айтып, шығарып салайық.

Аяз ата: -Ескі жыл қайдасың?

Ақшақар:- Әне, өзі де келе жатыр.

Бәрі: Хош келдің, Ескі жыл!

Ескі жыл: Бүгінен ертең ғаламат,

Алдыңғы сапта боларсың.

Келер жыл саған аманат,

Қош сау болыңдар, балалар!

Жүргізуші :Жуытар бойға жамандық

Біз емес нашар балақан.

Өнермен біздер атандық,

Әнші де биші балапан.

Ескі жылға арнап «Ара биі»

Жүргізуші :- Қанекей, балалар, ескі жылмен қоштасайық, енді Жаңа жыл деп дауыстап шақырайық.

Жаңа жыл: Сәлеметсіңдер ме балалар! Рахмет, сендерге балалар, мені бөтенсітпей қарсы алғандарыңа. Өнерлі, ақылды, балалар екенсіңдер. Енді мен сендермен бір жыл бойы бірге боламын. Балардың тақпақтарын тыңдайық.

Кербез: Жаңа жылға сәніміз

Біздің айтар әніміз

Келдің бе аман алыстан

Сәлем , Аяз атамыз.

Едіге : Шыршамыз да керемет

Ойыншықтар тағылған

Алыс жақтан келіп тұр

Аяз ата сағынған.

Ернұр : Кезектесіп балалар

Тақпақ айтып береміз

Сұрақ қойса Ақшақар

Ойланып жауап береміз.