Желтоқсан – тәуелсіздіктің белгісі, 5 сынып тәрбие сағаты

Тақырыбы: Желтоқсан- тәуелсіздіктің белгісі.

Мақсаты: Оқушылардың өз Отанын Тәуелсіз Қазақстан туралы білімдерін кеңейту, ел тарихындағы оқиғалардың маңыздылығын ажырата білуге баулу, еліміз Тәуелсіздік алғалы жеткен жетістіктерімізбен таныстыру.Сондай-ақ Отанды сүюге, байлығын қорғауға, елжандылыққа, әсемдікке, жауапкершілікке тәрбиелеу, ұлттық мінез, ұлттық намыс қалыптастыру. Елге , жерге, тілге деген патриоттық сезімдерін ояту, болашақта Отанымыз Қазақстанды өркендетуге білімді де саналы , жігерлі жастардың керек екенін түсіндіру.

Көрнекілік: Видео, Тәуелсіздік туралы слайд көрсетіледі.

Армысыздар, ардақты да аяулы, құрметті де қадірменді қонақтар, ұстаздар, тәуелсіз еліміздің ұлағатты ұрпақтары. Бүгінгі Тәуелсіздік күніне арналған «Желтоқсан- Тәуелсіздіктің белгісі » атты кешімізді ашық,- деп жариялаймыз.

Қазақ дейтін, бастау үшін бар көшті,

Елі үшін жорық жасап қан кешті.

Бөгенбай да, Қабанбай да, Абылай

Тәуелсіздік жолын іздеп жан кешті.

Қазақстан Республикасының тәуелсіздік алған мерекесі құтты болсын! Еліміздің егемендік алуы, мемлекеттік тәуелсіздігі халқымыздың тарихында жаңа дәуірдің бетін ашты, Қазақстан Республикасының тәуелсіздік алған күні, 1991 жылдың 16 желтоқсанда жер жаһанға жария етілді. Ол бүгінде Қазақстанда мемлекеті дүние жүзінің көптеген елдерімен достық байланыс орнатқан,бүкіл әлем таныған елге айналды. Жалпы атамекеніміздің жер көлемі 2717 мың шаршы шақырымды құрайды. Осынау кең-байтақ қасиетті топырақта өніп-өсіп өркен жайған халқымыздың бүгінгі таңдағы саны 17 миллионнан асып отыр.Кең байтақ Отанымыздың жүрегі-Астана қаласы. 16- желтоқсан –Қазақстан Республикасының мейрамы. Бұл күні қазақ халқы үшін теңдесі жоқ қасиетті де қастерлі мереке, қазақ елінің шежіресінде алтын әріппен жазылған күн. Міне,бүгінде азат Қазақстанның ең қастерлі құндылығы- тұғырлы тәуелсіздігімізге 16-желтоқсанда, тура 27-жыл толып отыр. 27-жыл ішіндегі табыстарымыз ұшан теңіз. Бүгінгі Қазақстанымыз қашанда мақтанышымыз. Өзіміз ғана емес,елімізде тұратын 130-ұлт өкілдері де республикамызды айрықша мақтан етеді,Ұлан-байтақ жеріміз –ұлттар достығының ынтымақ пен бірліктің бесігі, бақытты ордасы.

Дүниені дүр сілкіндірген 1986 жылғы желтоқсан оқиғасы қанша ызғарлы естілсе де, жанымызға нұр септі. Ең алғаш қазақ жастары қарсы шықты.

Қайрат Рысқұлов,Ербол Сыпатаев, Ләззат Асанова, Сәбира Мұхаметжановалар тәуелсіздік жолында күресті. Бірақ өздері бұл күнді көре алмады. Тарих парақтарында есімдері мәңгілікке қалды. Мәңгілік егемендікті алып келді.