Желтоқсан ызғары оқиғасына арналған бастауыш сынып сценарийі

Күні: Сабақтың тақырыбы:«Желтоқсан ызғары» Сабақтың мақсаты: оқушылардың туған жеріне, атамекенінене де деген сүйіспеншіліктерін арттыру, өз елінің тарихын сыйлауға үйрету, оқушыларды патриоттық рухта тәрбиелеу.

Сабақтың көрнекілігі: слайдтар, үнтаспа, бейнеклип.

Мұғалім:

- Қанша жыл, қанша ғасыр өтсе де, ұмытылмайтын оқиғалар болады. Ұмытылмайтын себебі - ол оқиғалардың халық тағдырымен байланыстылығында. 1986 жыл ,

16 желтоқсан. Бұл ерлік пен өрлік, қайғы мен қасірет мидай араласқан қаралы да, қасіретті күн еді.

Слайдтар топтамасы көрсетіліп («Желтоқсан желі ызғарлы»), Жұмаш Кенебаевтың өлеңі оқылады. Көрініс:

Ортаға бір топ қыз жігіттер шығады.

- Қыздар, мен газет әкелдім - Қане, не жаңалық бар екен? - Пленум болыпты. - Қонаевты орнынан алды дейді. - Онысы несі? - Орнына кім болыпты? - Колбин деген. Ульяновтан келіпті. - Қазақтан-ақ біреу қойсашы! - Т.б. Жастар шуласып кетеді.

- Пленум шешіміне қарсымыз! - Әр ұлтқа өз басшысы! - Колбинді әкетсін! - Қонаевтің өзі сөйлесін! Оларды екінші топ ОМОН, милиция киімін кигендер қуып таратады. 1-2 адамдарды ұстап алады.

- Қайрат! - Қайрат! – деп топ шуласып тарайды. Қайратты тергеуге әкеледі.

Үнтаспада Эннио Морриконенің «Ветер, плачь» музыкасы қойылады.

Әкімжан: «Қайрат деген атым бар».

Жания: «Ар, намысым, қасіретім –Желтоқсан!»

Ақназ: «Бір уыс шаш».

Бекзат:

Мұз жастанып азаттықтың жолында, Тәуелсіздік туы тұрды қолында. Сойыл таяқ ойнаса да жанында. Отан үшін жанын қиды ұлдарың, Аз болған жоқ азап шеккен қыздарың.

Раушан: Күйініштен ауырады жүрегім,

Естігенде желтоқсанның ызғарын. Желтоқсан-ау, ұмытылмайсың жүректе, Ұрпақ өсер айналатын тірекке, Егемендік тиді бүгін еншіме, Желтоқсаным,жеткіздің ақ тілекке.

Бейнеклип: Ә.Тінәлі «Желтоқсан желі».

Мұғалім:

- Желтоқсан көтерілісінің арқасында 1991 жылы еліміз өз алдына егемендік алып, тұңғыш Тәуелсіз ел дүниеге келді. Тәуелсіздік – теңдік, бостандық, еркіндік, бүкіл адамзат баласының қаншама мыңдаған жылдар бойы аңсаған арманы, мақсаты, ұраны болып келе жатқаны белгілі. А.Еңсеповтің «Ұлттық күйі » қойылады.

Әкімжан: «Тәуелсіздік»

Назым: «Тәуелсіздік монументі» Айы туып, жұлдыз күні жанған ел, Ата-бабам мәңгі аңсаған арман ел. Мәңгі тірі, мәңгі азатсың, қазағым, Мұндай ұлы монументті салған ел. Алтын адам – ата-бабам көзі бұл, Қанаттанып жауға шапқан барыстай.

Келешекке құс боп қанат қақты Адам,

Ұлы өнердің мәңгі отын жақты Адам!

Тәуелсіздік монументі алдында

Қазақ болып туғаныма мақтанам!