Жемқорлыққа жол беру ұрпақ болашағына сахналық қойылым

«Жемқорлыққа жол беру-ұрпақтың болашағына балта шабу» тақырыбында сахналық қойылым

Мақсаты: Сыбайлас жемқорлық туралы балаларға түсіндіре отырып, одан аулақ болуға шақыру, жемқорлықтың соңы қайғы, қасіретке апарып соғатыны жайында баяндап жеткізу.

Түрі: театрландырылған қойылым

Сахнаға үстел, орындықтар қойылады. Сол орындарға комиссар, хатшы жайғасып отырады.

Телефон шырылдайды:

-Алло, сәлеметсіз бе? Атырау облыстық әскери комиссариаты бөлімшесі тыңдап тұр. Айта беріңіз!

-Сәлеметсіз бе! Мені комиссар Айтбаевпен байланыстырыңыз!

-Комиссар мырза, сіз байланыстасыз! Жоғарғы жақтан телефон шалып жатыр.

-Алло, ассалаумағалейкүм!

-Салаумағалейкүм! Айтбаев мырза, осы жылдың наурыз айына дейін облыс бойынша 18-27жас аралығындағы 1000жуық жастарды әскер қатарына өткізуге міндеттісіз! Сізге осындай бұйрық!

-Бұйрық қабылданды! Орындаймыз! Сау болыңыз!

Комиссар ойланып отырады да, хатшы қызға тапсырма береді.

-Барлық қызметкерлерді осында жина!

Барлық қызметкерлер келеді. Орындарға жайғасып отырады.

Комиссар:

-Құрметті, әріптестер! Жоғарыдан бұйрық берілді. Наурыз айына дейін облыс бойынша 18-27жас аралығындағы 1000жуық жастарды әскер қатарына өткізуге міндеттіміз екен. Тізімді толық тексеріп, әскерден жалтарып жүргендерді қайтадан шақыртуымыз керек. Олардың дәрігерлік тексеруден өткен анықтамаларын толықтай тексеру жұмысы қолға алынсын. Бұл жұмысты ақпан айының 21-іне жоспарлаймыз! Сұрақтарыңыз бар ма?

-Жоқ!

-Онда боссыздар!

Бөлімше алдына жастар жиылып жатыр. Бір бай жігіт тұрады. Қасына досы келеді.

-Кал қалай, Ермек!

-Ооо, сен бе, Марат! Халің жақсы ма?

-Шүкір, шүкір! Военкоматтан шақырту келді. Менің жүрегім әлсіз, жылда әскерден қалдырылып келемін. Міне, дәрігердің берген анықтамаларын алып келе жатырмын. Емделіп жүрмін. Өзің ше? Әскерге барасың ба?

-Ой, жоқ! Мені әкем алып қалады. Әскерде маған не бар? Сайраңдап қыдырып жүрмейміз бе, одан да!

Әкесі келіп, комиссарға кіреді:

-Сізбен оңаша сөйлессем бола ма?

-Кіріңіз!

-Мен баламды әскерден алып қалуым керек. Бір амалын табыңыз!

-Әскерден ешбір баланы қалдыра алмаймыз.Бала жетпей жатыр.

-еңбегіңізді жемеймін, келісейік! Денсаулығы нашар деген анықтама әкелейін бе?Бір таныс дәрігерім бар еді.Бәрі де құпия болады, қорықпаңыз, менің аузым берік!

-Бұл жайында басқа жерде сөйлесейік! Әзірше бара тұрыңыз!

-Міне, еңбегің мынау! Алыңыз, алыңыз! (Ақша ұсынады)

-Жақсы, бір амалы табылып қалар! (ақшаны алады)