Жемқорлықсыз салауатты қоғам тәрбие сағаты 7 сыныпқа

Қызылорда облысы

Қармақшы аудандық оқушылар үйінің

«Фитодизайн» үйірмесінің жетекшісі

Зұлпыхарова Майра Нұралханқызы

Сыбайлас жемқорлыққа қарсы іс - қимыл шараларын күшейту мақсатында «Жемқорлықсыз салауатты қоғам » тақырыбында өткізілетін тәрбие сағатының

Жоспары:

Мақсаты: сыбайлас жемқорлыққа қарсы күрес туралы түсініктеме бере отырып, болашақ ұрпақтың құқықтық сауатсыздығын жою және теориялық білімдерін арттыру. Адам құқықтары жайлы түсініктерін қалыптастыра отырып, «Жемқорлық» қоғамымыздағы алаңдатып отырған келеңсіз көрініс екенін ұғындырып, өз ойларын еркін жеткізе білуге, әлеуметтік психологиялық қабілеттерін дамыту, дүниетанымдарын кеңейту. Санаға сіңген жемқорлық жасауға итермелейтін әрекеттерден аулақ болуға ,озық ойлы саналы, иманды, дені салауатты сау ұрпақ қалыптастыра отырып , еліміздің экономикасының дамуына үлес қосуға тәрбиелеу.

Шараның жүру барысы:

І.Кіріспе бөлім

1.Ұйымдастыру кезеңі

2.Шараның мақсатымен таныстыру

ІІ.Негізгі бөлім

1.Кіріспе сөз

2.«Бәрі де өз қолымызда» тақырыбында бейнебаян көрсету

3. «Мақал - сөздің мәйегі» мақалдардың мәнін ашу

4. «Имандылық - адамгершілік қасиет» тақырыбында әдеби монтаж

5. «Өтірік өрге баспайды» тақырыбында сахналық көрініс

6.«Имандылық- асыл қасиет» және «Адалдық жоқ жерде , адамдық жоқ» тақырыбында постер қорғау

7. «Парасатты азамат» бұрышы (оқушылар стикерлерге өз ойын жазады)

ІІІ. Қорытынды

Қорытынды сөз

Шараның жүру барысы:

Саламатсыздар ма, құрметті ұстаздар , оқушылар! Бүгінгі «Жемқорлықсыз салауатты қоғам » тақырыбындағы ашық тәрбие сағатымызға қош келдіңіздер!

Мақсаты: сыбайлас жемқорлыққа қарсы күрес туралы түсініктеме бере отырып, болашақ ұрпақтың құқықтық сауатсыздығын жою және теориялық білімдерін арттыру. Адам құқықтары жайлы түсініктерін қалыптастыра отырып, «Жемқорлық» қоғамымыздағы алаңдатып отырған келеңсіз көрініс екенін ұғындырып, өз ойларын еркін жеткізе білуге, әлеуметтік психологиялық қабілеттерін дамыту, дүниетанымдарын кеңейту. Санаға сінген жемқорлық жасауға итермелейтін әрекеттерден аулақ болуға ,озық ойлы саналы, иманды, дені салауатты сау ұрпақ қалыптастыра отырып , еліміздің экономикасының дамуына үлес қосуға тәрбиелеу.

Елбасымыздың биылғы жолдауында айтып өткендей: « Біз елдегі сыбайлас жемқорлық деңгейін төмендету бағытында елеулі қадамдар жасадық. Алайда, басты назар көбіне сыбайлас жемқорлықтың салдарларымен күресуге аударылып отыр.Сыбайлас жемқорлықтың себептері мен алғышарттарын анықтап, оларды жою жұмысын күшейту қажет.Сыбайлас жемқорлықпен күресте көп нәрсе бүкіл қоғамның белсене атсалысуына байланысты. Әлеуметтік желінің, өзге де медиа-ресурстардың дамуы жағдайында, сыбайлас жемқорлыққа қарсы іс-әрекет барысында оны жалпы жұртшылықтың жек көруі күрестің қуатты құралына айналуға тиіс»

Жемқорлық (лат. сorruption – сатып алу) – мемлекеттік басқару құрылымындағы лауазымды қызметкерлердің өзіне тапсырылған қызмет мүмкіндіктерін жеке бастарының пайдасы мен мүддесі үшін пайдалану мақсатында жасаған қоғамға қауіпті қылмыстық іс-әрекеттері.

«Бәрі де өз қолымызда» тақырыбында бейнебаян көрсету

1989 жылы әлемнің дамыған 37 мемлекеті халықаралық бизнестегі жемқорлыққа қарсы күрес туралы конвенцияға қол қойды.Қазақстан осы конвенцияға қосыла отырып,1998 жылы 2 шілде де «Сыбайлас жемқорлыққа қарсы күрес туралы» заң қабылдады.Алайда Қазақстан әлі де сыбайлас жемқорлық деңгейі өте жоғары елдер қатарында.Бұл әлем елдеріндегі сыбайлас жемқорлық деңгейін анықтайды.Сыбайлас жемқорлық қазіргі заманғы қоғамның аса бір көкейтесті мәселелерінің бірі. Сыбайлас жемқорлық мемлекеттік негіздерін іштей күйретіп, экономикаға нұсқан келтіреді. Ең қиыны сыбайлас жемқорлық халықтың билікке деген сенімін жояды. 2002 жылы жемқорлықпен күресу және мемлекеттік қызметтік этиканы сақтау үшін президенттік комиссия құрылған. Осыған байланысты көптеген іс-шаралар болды. Сыбайлас жемқорлықтың деңгейін айтарлықтай төмендетіп, заңсыз ақша айналымын тоқтатуға табысқа жеткен. Сингапур, Ганконг, Португалия, Швеция және т.б мемлекеттер дәлелдеді.

«Мақал - сөздің мәйегі» мақалдардың мәнін ашу

1.«Адалдық жүрген жерде, адамдық жүреді»

2.«Алдау – зұлымдық, Алдану - ақымақтық»

3.«Әділ сөйлеп, адал жүр».

4.Өтірікші мен өсекші егіз.

5.Өтірікшінің шын сөзі зая кетеді.

6.Өтіріктің құйрығы бір тұтам.

7.Өнер алды - бірлік ,

Ырыс алды - тірлік.

8.Дүниеде тас қатты,Тастан да бас қатты.

9.Әдептілік ар-ұят – Адамдықтың белгісі,Тұрпайы мінез, тағы жат – Надандықтың белгісі.