Жеңіс күніне арналған мерекелік іс-шара балабақшаға

«Жеңіс күніне арналған іс-шара»

Ақтөбе қаласы

№2 «Бұлбұл» бөбекжай бақшасы

тәрбиешісі Римова Луиза Тенеловна

Мақсаты: Балаларға Ұлы Жеңістің 69 жылдығына байланысты түсінік бере отырып , жеткіншектерге Отаның сүюге, аялауға, қорғауға, бағыт беруге патриоттық сезімдерін ояту да еңбекқорлыққа, батылдыққа тәрбиелеу.

Тәрбиеші: Алпыс тоыз жыл. Сонау сұрапыл жылдар басталған шақта дүниеге келген сәбилер – бұл күндері елуді еңсерген ел ағалары. Әйтсе де, сол бір қайратты жылдар жыл сайын қайта жаңғырып, өткенді еске салады. Сол жаңғырықтар жеткіншек ұрпақты,бейбітшілікке,Отан сүйгіштікке үндейді

Қош бол,досым,жақыным,

Уақыт тығыз, сөз қысқа.

Кетіп бара жатырмын,

Сұрапыл бір соғысқа.

Тәрбиеші : Бұл 1941 жылғы 22 июнь күні келді. Соғыс осылай басталды. Фашистік Германия қарапшылықпен Совет Одағының шекарасын бұзып,басып кірді.

Ұлы Отан соғысы басталды.

Сен шақырсан,партия,

Өмірің ортақ маған да,

Домбырамды алам да,

Айнала жас нөкерің,

Мен де барма, қалам ба ?!

Тәрбиеші : Соғыстың алғашқы күндерінен бастап – ақ Совет халқы жан – тәнімен Отанын қорғады. Әрбір село, әрбір қала үшін ұрыс болды, қан ішер неміс басқаншыларымен еліміз аянбай шайқасты.Қазақстандықтардан құралған генерал Панфилов атындағы 8 –ші гвардияшы атқыштар дивизиясы жауынгерлерінің ерлігі Ұлы Отан соғысының тарихына алтын әріппен жазылады.

( слайд арқылы көрсету )

Тебінгілер терге шіріп,

Мұқалмады ұшы көк сүңгінің,

Панфиловтың өзі кіріп,

Күркіреді күнше бүгін,

Тас – талқаны шығып дүлей,

Күл боп танк қалды қырда,

Өтті зәулім дүниедей,

28 жатты тұлға.

Тәрбиеші :Қазақтың батыр өрімдей қыздары ерлікпен жаумен алысып, қаза тапты. Әлия мен Мәншүк апаларымызды біз ешқашан ұмытпай, есте сақтаймыз. Әлия мен Мәншүктің ерлігін әнге қосып шырқап жүреміз. Жауынгер – батыр атанған Бауыржан Момышұлы, Төлеген Тоқтаров, Талғат Бигелдинов, Нүркен Әбдіров, Мәлік Ғабдуллин, т.б. батырларымызға бас иеміз – деп, барлығы үнсіз тік тұрып тағзым етеді.

Көп қой батыр ағалар,

Халық сүйіп бағалар.

Көп қой батыр ағалар,

Жаттап алар балалар.

Би: « Жас батырлар биі»