Жігіт сұлтаны тәрбие сағатына арналған сценарий

« Жігіт сұлтаны» 1 «Б» сынып

Мақсаты:

Ата салтын насихаттай отырып, нағыз қазақ жігітінің бойындағы қасиеттерімен таныстыру.

Әр баланың бойындағы қабілеттерін : ойлау, әр түрлі жағдайлардан шыға білу, өнерін көрсету, тапқырлық, сахна мәдениетін қалыптастыру, дамыту.

Ата салтын ардақтайтын, өз елін сүйер нағыз қазақ жігітінің қасиеттерін бойына сіңіре білер ұрпақты тәрбиелеу.

Көрнекіліктер: Слайдтар, шарлар, нақыл сөздер.

Байқауға қатысатындар: 1 «Б» сынып оқушылары

Байқаудың қонақтары: ата-аналар, оқушылар, мектеп әкімшілігі,бастауыш сынып оқушылары.

Байқау барысы:

Ұйымдасытыру кезеңі.

Ұлттық музыка әуені ойналып тұрады, қонақтарды орналастыру.

Мұғалім:

Құрметті ата-аналар, ұстаздар, оқушылар! Қадірлі қонақтар! Бүгін бізде «Жігіт сұлтаны» атты бойында өршіл рухы бар, парасатты жігіттер сайысы өтпекші.

Анеля:

Нағыз кәусар жігітті,

Нағыз қайсар жігітті,

Нағыз бұлбұл жігітті,

Нағыз дүлдүл жігітті,

Анықтайтын кез келді!

Мұғалім:

Ата жолын жалғамақ

Ел дәстүрін қолдамақ

Ел намысын қорғамақ.

Ұлдар шықсын ортаға,

Бүгін сұлтан атанбақ! – дей отырып, ортаға «Жігіт сұлтаны» байқауына қатысушы сайыпқырандарымызды шақырайық! Қарсы алыңыздар! (Байқауға қатысушылар кезекпен ортаға шығады)

Анеля:

Ахмедин Бекжан

Апсатар Бекжан

Әлмаханбет Ерзат

Жақанбек Ринат

Қизатолла Алихан

Сатыбалды Жандарбек

Шынарбек Бақдәулет

Мұғалім:

«Жігіт сұлтаны» байқауына қатысушы сайыпқырандардың ақыл-парасаты мен өнеріне, қайраты мен күшіне баға беруші қазылар алқасымен таныс болыңыздар!

1. Мектеп директорының ғылыми әдістемелік ісі жөніндегі орынбасары: Омарова Райхан әпкей

2.Мектеп директорының тәрбие ісі жөніндегі орынбасары:

Тайгенова Жамила әпкей

3.Дене шынықтыру пәнінің мұғалімі:

Мамаев Ерболат ағай

Анеля:

Қайсысы әнші, кім биші,

Талабына қарайық.

Кімдер зерек, кім жылдам,

Таланттарын табайық! – деп, өнер сүйер қауым бүгінгі сайыстың барысымен таныстырып өтейік.

Мұғалім:

І бөлім «Тегімді менің сұрасаң…» өзін таныстыру.

ІІ бөлім «Жігітке жеті өнер аз, жетпіс өнер көп емес» өнер сайысы.

ІІІ бөлім «Білімді мыңды жығады» білімдеріне байланысты сұрақ – жауап сайысы.

ІV бөлім «Ақылына күші сай» қол күресі сайысы.

V бөлім «Мақал сөздің азығы»

ҮІ бөлім «Өлеңді мәнерлеп оқу»

ҮІІ бөлім «Асық ату»

ҮІІІ бөлім «Ас- адамның арқауы»

Анеля:

Жігіттер, ойын арзан, күлкі қымбат,

Екі түрлі нәрсе ғой сыр мен сымбат.

Арзан, жалған күлмейтін, шын күлерлік,

Ер табылса, жарайды қылса сұхбат, – дей отырып «Жігіт сұлтаны» байқауын бастаймыз. Сайыскерлерімізге сәттілік тілейміз!

Мұғалім:

Ақыл – көрік бойларына жетеді,

Әлі талай сынақтардан өтеді.

Мына отырған баршаңызды өзімен

Тез арада таныстырып өтеді – деп, Сайысымыздың бірінші бөлімі «Тегімді менің сұрасаң…» деп аталады. Сайысқа қатысушы жігіт сұлтандары өздерін таныстырып өтеді.

Анеля:

Өнер қуып жігіттер өтер деймін,

Бір басына өнері жетер деймін.

Бәсекеге түскен жеті жігіт кезектесіп,

Таныстырып өздерін өтер деймін. (таныстыру)

Мұғалім:

Таныс болдық жігіттер тегіменен

Туып өскен мекені, еліменен.

Бәрі де ақын көрінеді,

Таныстырып кетті ғой төгіп өлең.

Парасатты ер жігіт,

Ақылымен әр іс біледі.

Өнерің барда жігіттер,

Тоқталып сірә, іркілме.

Жұрт қарасын қызығып,

«Бәрекелді!» деп шіркінге, – дей отырып, сайысымыздың «Жігітке жеті өнер аз, жетпіс өнер көп емес» бөлімін бастаймыз.(Жігіттер өнерлерін көрсетеді)

Анеля:

Ал кімнің өнері бар қаншалықты,

Би билеп, ал біреуі ән салыпты.

Сұлтандар жарысынан бәйге алуға,

Жігіттер аянбай – ақ жан салыпты.

Мұғалім:

Мықты болсаң сұрақтарға жауап бер,

Келді кезек тапқырлықты танытар.

Бұл сыннан да өтсең егер сүрінбей,