Жол тәртібін білейік тақырыбындағы тәрбие сағаты

Тақырыбы: Жол тәртібін білейік,аман-есен жүрейік.

Мақсаты:Балаларды жолда жүру ережесімен таныстыру.

Жол қауіпсіздігін есте сақтауға, білуге жол ережесінің белгілерімен таныстыру.

Жаяу жүргінші мен көліктің байланыс қатынасын білдіру.

Балаларды көшеде дұрыс жүріп, жол ережесін сақтауға тәрбиелеу. Көшеде жүру

ережесін түсіндіру арқылы жолда жүру мәдениетін үйрету.

Көрнекілік: суреттер,жол белгілері,бағдаршам.

Әдіс-тәсілдер: Жұмбақ,тақпақтар,сұрақ-жауап

Ұйымдастыру кезеңі:

-Сәлеметсіңдер ме балалар!

Шуақты өміріміз күндей күліп,

Жүректе бүршік атып гүлдейді үміт.

Арманға сапар тарту мүмкін емес

Жол жүру ережесін білмей тұрып.

-Жол заңы дұрыс жүріп, абай болуды талап етеді. Жол тәртібін бұзба, ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны, шаңғы тебетіні, жүріп бара жатқан машинаға жабысатыны, қалтарыстан жолға шығып кететін салдарынан бұзылады.

Жол тәртібін бұзғандықтан кейбіреулер машина дөңгелегіне ілініп қазатауып, кейбіреулері жарақат алады. Үлгілі, тәртіпті бала көшеде, жолда жүру ережесін, заңын бұзбайды.Сонымен қандай бала жол ережесін бұзбайды?

Балалар: – Үлгілі, тәртіпті бала.

-Балалар жол ережелерін сақтау үшін бізде көптеген жол белгілері бар,олар бізге көмек береді.

Қазір балалар мен сендерді бағдаршаммен таныстырайын,және ол туралы әңгімелесейік,мен сендерге бағдаршам туралы тақпақты айтып берейін

Қызыл көзін ашқанда,

Сынық сүйем баспа алға

Сары көзін ашқанда,

Қарап қалма аспанға!

Жасыл көзін ашқанда,

Өте бергін, жасқанба!

Қызыл түсі – Тоқта!

Сары түсі – Сақтан!

Жасыл түсі – Жол ашық!-деп білдіреді

-Енді балалар біз ең керекті жол белгілермен таныстырайық.

Балаларға белгілерді көрсету,олардың мағынасын түсіндіру.

Балалар енді мен сендерге жол ережесіне байланысты жұмбақтар жасырайын,сендердің тапқырлықтарынды сынап көрейін.

Жұмбақтар шешу

Арқаным бар тым ұзын,

Ала-алмайсың бір үзім.

Табыңдаршы, балалар,

Бұл жұмбақтың шешуін. (Жол)

Көзін ашып жұмады.

Бағыт сілтеп тұрады.

(Бағдаршам)

Сұрақтар:

Бағдаршам дегеніміз не? Адам үшін оның маңызы қандай?

Бағдаршамда қандай түстер бар?

Қандай жол белгілерін білесіндер?

Көліктер қайда жүреді?

Бағдаршамда түстер не білдіреді?

Кім жол ережесі туралы тақпақтар біледі?

Айбар:Шофер біткен бүгінде

Жол тәртібін біледі

Бағдаршамның түбінде

Ережемен жүреді

Д.Алинұр: Шуақты өміріміз күндей күліп

Жүректе бүршік атып гүлдейді