Жолда жүре білейік тәрбие сағаты балабақшаға

Тақырыбы: «Жолда жүре білейік».

Мақсаты: жолда жүру ережесін есте сақтауға, бағдаршамның атқаратын қызыметімен таныстыру. Жол ережесін есте сақтау қабілетін, қызығушылықтарын арттыру. Барлығымызға ортақ қойылған тәртіпті бұзбауға тәрбиелеу.

Тілек шеңбері:

Біз балдырған тең басқан,

Дос құшағын елге ашқан.

Тілегіміз тыныштық,

Ашық болсын кең аспан.

Мықты болсын іргеміз,

Бәрімізді біргеміз.

Сәлеметсіздер ме тәтейлер!

Бүгінгі күніміз сәтті болсын!

Тәрбиеші: Балалар бүгін күніміз қуаныш пен шаттыққа толы болсын.Бүгінгі ашық ұйымдастырылған оқу іс –әрекетімізді бастайық. Балалар орнымызға жайғасайық. Мен жұмбақ айтам, соның шешуін тапсаңдар, біз сол көлікпен қала ішіне саяхатқа шығамыз.

Бұл тұлпар су ішпейді, жем жемейді,

Ескіріп ешбір адам емдемейді.

Жүк емес жануарға жүз адам да,

Киіп ап төрт дөңгелек дөңгелейді.(Автобус)

Тәрбиеші:Қане, балалар енді осы автобусқа жайғасайық. Ал қозғалдық. Сәт сапар! Біз қазір қаланың көшесімен келе жатырмыз.

Енді балалар құр отырмай, жол ережелерін есімізге түсіріп отырайық. Өйткені, жолда түрлі жол белгілері кездеседі.

Көше қиылыстарының бәрінде бағдаршам тұрады екен.

Ой, көлік неге тоқтап қалды екен?

Балалар алдымыздан не көріп тұрсыңдар?

Балалар: бағдаршамға тоқтады!

Дұрыс бағдаршам!Ал осы бағдаршамды орыс тілінде қалай айтамыз?

Светофор қайталайық.

Балалар, бағдаршамның неше көзі бар?

Дұрыс, үш көзі.

Түстері қандай екен екі тілде айтып беріңдерші.

Бағдаршамның қай түсі жанғанда біздің автобусымыз жүру керек?

Ал енді бағдаршам туралы тақпақты кім айтады?

Бағдаршам: Темирлан:

Менің атым – Бағдаршам!

Бар әдемі үш көзім,

Алдамаймын, аңғарсаң,

Ақылдымын тіпті өзім.

Тәрбиеші: Жарайсың! Ал енді қандай белгі көріп тұрсыңдар?

Ескерту белгісі дұрыс! Кім ескерту белгісі туралы тақпақ біледі?

Ескерту белгісі: Ақзере:

Қызыл шеңбер ішінде

Үшбұрыш боп тұрамын

Қателеспес үшін де,

Көз сал маған, шырағым!

Құрар үйде сауықты,

Жолдан аман келсе адам -

Жолда күткен қауіпті

Ескертемін мен оған.

Тәрбиеші:Саяхатымыз қызықты өтуде балалар, сендер жол белгілерін біледі екенсіңдер.

Балалар тағы бір белгі шықты, бұл қай белгі?

Осы белгі туралы тақпақ білетін боларсыңдар!

Тыйым салу белгісі: Аяла:

Болмау үшін қиын күн,

Қажеті бар тыйымның.

Қызыл шеңбер ішінен

«Болмайды!» деп бұйырдым.

Тұрады әркез сапта аман –

Сол тыйымды сақтаған.

Тыйым көрсең, тұра қал –

Әрі қарай аттама!

Тәрбиеші:Жарайсың тамаша! Мен тағы бір белгі көріп тұрмын бірақ, балалар мен білмейді екенмін, бұл қай белгі?

Анықтама белгісі: Ж. Руслан:

Түнде, күндіз, кеште де

Жөн сілтеймін жолға сай –

Аңғармайсың ештеңе

Анықтама болмаса.

Ой – шұңқырды алдағы,

Қалай өту керегін,

Жылдамдықты, ал, кәне,

Анық айтып берейін!

Тәрбиеші:Балалар сендер байқадыңдар ма? Біздің жүріп бара жатқан жолымызда белгілер көп екен.

Ал мен білем мынау қай белгі екенін! Бұл көрсеткіш белгісі бірақ мен бұл белгі туралы тақпақ білмейді екенмін.

Көрсеткіш белгісі: Қарақат:

Жол созылмақ қаншаға,

Қайда асхана, монша бар,

Қонақүй бар қай жерде,