Жолда жүру ережесін сақтауға арналған мақала, 2 сынып

Жолда жүру ережелерін білеміз бе?

Көлік жолдары, жол белгілері жайлы әңгімелер өте қарапайым болып көрінгенімен, жол қаупі қазіргі таңда, өте күрделі мәселеге айналып барады. Оның бірнеше себептері бар. Басты себептерінің бірі көше көліктерінің саны жыл сайын артуы болса, ал келесі себептер көлік жүргізушілері мен жаяу жүргіншілердің жолда жүру ережелерін сақтамауы немесе жолда жүру тәртібін білмегеннің салдарынан болып жатады.

Осы қауіптердің алдын алу мақсатында, Алматы облысы, Қарасай ауданы, Шамалған бекетіндегі Ы.Алтынсарин атындағы орта мектебінің Бастауыш сыныптар бірлестігінде, 4-14 қыркүйек аралығында, «Жол ережесін білейік, аман-есен жүрейік!» атты іс-шарасы болып өтті. Апталық барысында, барлық бастауыш сынып ұстаздары, ата-аналармен бірге көше жолдарында жүру қаупінің өзекті мәселелері жайлы талқылап, оның алдын алуды алдарына мақсат етіп қойып , сынып ережелерін құрастырды.Балаларға жолда жүру ережелері жайлы жиі ескертіп отыру- әрбір ұстаздың міндеті. Әрбір сынып жетекші өз сыныптарында, оқушыларға «Көшеде немесе жолда жүру тәртібі» жайлы тәрбие сағаттарын ұйымдастырып өткізді. Оқушылар көшеде кездесетін бірнеше келеңсіз жағдаяттарды ескере отырып, қауіпсіздік ережелерін қалай қолдана білу керектігі жайлы, жол белгілері және көлік түрлері, жолда жүру ережелері туралы кеңінен білім алды.

Мұғалім ең алдымен ана! Олар өз балаларының қауіпсіздігін қадағалаушы жанашыр адам. Мектеп оқушылары үшін мектеп ұжымы, әрқашанда аянбай еңбек етіп, білім нәрін егеді.

2 и жетекшісі Реймова Г.