Жомарт күз ертеңгілігінің ойындары мен сценарийі

Тақырыбы: Берекелі, жомарт күз!

(Балалар әуенмен залға қолдарына жапырақ ұстап кіреді)

Жүргізуші: Береке бақ дарыған, Жомарт көңіл, жарқын жүз. Сары алтынға малынған, Жетті міне, алтын күз! – Сәлеметсіңдер ме, балалар! Бүгін біздің зал қандай әдемі, қаншама түрлі – түсті жапырақтарға толы. Балалар, бүгін бізде қандай мейрам? Балалар: Күз мейрамы!

Айжан: Алтын, сары, қызы, көк, Алуан – алуан жапырақ.

А.Назар: Күзгі бақта күлімдеп, Көз тартады атырап.

Айсана: Ой, балалар, балалар, Қонырқай күз болыпты Құлап жапырақ солыпты.

Ойын: «Жапырақтар жинау»

Ән: «Күз»

Алтын, сары, қызыл, көк,

Алуан, алуан жапырақ.

Күзгі бақта күлімдеп,

Көз тартады атырып.

Қыстың жақын қалғанын,

Жапырақтар сезгендей.

Желмен ұшып барады,

Жерге қонып үлгермей.

Ертегіден көрніс: «Суретші күз ханшайымы»

Ерте, ерте, ерте де қалың ну орманда ай десе аузы, күн десе көзі бар өте көрікті күз ханшайымы мекен етіпті. Көркіне көз тоймайтындай сұлу болғаны соншалық, көрген жұрт сырттай сұлулығына қызғана да, қызыға қарапты. Ол сол ормандағы қайың, теректердің жапырақтарын түрлі-түсті бояуларымен бояп, әдемілейді екен. Оны көре алмаған жел қастандық ойламақ болып бояған жапырақтарын ұшырып, үрлеп жерге түсіріп тастайды, желдің бұл қылығын көрген бұлт, желді сабырға шақырмақ болып жаңбырлы нөсерін төге түседі. Бұл екеуінің сыртынан бақылап, қарап тұрған күн сәулесі былай дейді: Бауырларым, бәрімізде бір табиғат ананың баласымыз. Әр қайсымыздың өзіндік табиғат анамыз жаратқан сұлулығымыз бен өнеріміз бар. Бәрімізде табиғат анаға қажетпіз. Біз бір-бірімізбен тату тәтті болсақ, мына ну орманымыз құлпырып, гүлдене түсері сөзсіз. – деп, татуласып, әрқашан күн шуағын шашып, жан-жағын нұрландырып тұрады. Барлығы осылайша өздеріне табиғат ана сыйлаған тірліктерімен айналысыпты.

Жүргізуші: Ендеше балалар, осы ертегі кейпкерлерімен ойын ойнасақ қалай қарайсыңдар?

Ойын: «Жемістер мен көкөністер жинау»

Би: «Күзгі жапырақ»

Жүргізуші: Балалар, міне біздің мейрамымыз да аяқталды. Бірақ күз бізбен әлі қоштаспайды. Біз далаға серуенге шыққанда онымен кездесеміз.

Берекелі бақ – дәулет, Арта түссін тойланып. Сау болайық бәріміз, Келгенше күз айналып!