Жүк машинасы тақырыбына арналған ашық сабақ жоспары

Білім беру саласы: Шығармашылық.Таным

Оқу іс – әрекеті : Жапсыру

Тақырыбы: Жүк машинасы

Мақсаты:

Балаларды көлік түрлері туралы білімдерін кеңейту. Көліктің бір түрі –жүк машинасы туралы түсінік беру.Дайын үлгілерді пайдалана отырып, жүк машинасын жасауды үйрету. Ұқыптылыққа, ептілікке қайырымдылыққа тәрбиелеу.

Әдіс – тәсілдері: көрсету, әңгімелеу, түсіндіру, сұрақ – жауап,сергіту сәті, жеке жұмыс, қозғалмалы ойын.

Құрал- жабдықтар: магнитті тақта, үнтаспа , көліктердің ойыншықтары, үлестірмелі материалдар.

Сөздік жұмыстар: көлік, жеңіл машинасы, жүк машинасы

Билингвалдық компонент: Көліктер –транспорты, жүк машинасы -

грузовая машина

Оқу іс-әрекетінің барысы:

Ұйымдастыру кезеңі

Жылулық шеңбері

Бала, бала, баламыз,

Бақшамызға барамыз,

Күні бойы қызыққа,

Батамыз да қаламыз.

Ойыншықтармен жұмыс.

Тәрбиеші: Жарайсыңдар,орнымызға отырайық.Балалар, мына ойыншықтарға қараңдаршы, өзімізге таныс ойыншықтардың атауларын атап көрейік. Мынау қандай көлік түрі? Ойыншықтардың атауларын атайды. Көлік түрлерінің атауларын балаларға жеке-жеке айтқызу. Бұларды бір сөзбен көліктер деп атаймыз, қане, қайталайық кө-лік-тер. Көліктер орысша-транспорты. Бүгін біз сендермен көліктердің бір түрі – жүк машинасымен танысатын боламыз.

Жүк машинасы туралы түсінік беру. Мынау - жүк таситын машина. Қане, бәріміз қайталайықшы жүк ма-ши-на-сы - грузовая машина. Жүк машинасының кабинасы, терезесі, кузовы және доңғалағы болады. Жүк машинасы үлкен бе, жеңіл машина үлкен бе?

Балалар: жүк машинасы үлкен. Дұрыс айтасыңдар. Жүк машинасымен әр түрлі ауыр заттарды бір орынан екінші орынға апарады.

Сергіту сәті.

Бип-бип-бип (қолдарын кеуде тұсына қойып, төменге сермейді)

Жолдан бұлай тұр,-дейді.(қолдарын жанға қарай сермейді)

Күшікті басуға, басуға,

Болмайды машина (бастарын шайқайды)

Бип-бип-бип. (қолдарын кеуде тұсына қойып, төменге сермейді)

Тәрбиеші: Балалар бүгін сендермен дайын үлгілерден жүк таситын машинаны құрастыратын боламыз.

Магнитті тақтамен жұмыс. Ақ қағаздың үстіне жүк машинасын қалай орналастыру керектігін көрсету.

Тәрбиеші: Балалар сендердің алдарыңда жүк машинасы суретінің бөліктері бар. Осы бөліктерді дұрыс қоя отырып, жүк машинасын құрастырамыз .Алдымен кабинаны қоямыз, одан кейін кузовын, кейінен доңғалақтарын жалғаймыз.

Өздік жұмыс.(жүк машинасын құрастыру балалармен бірге жасалады)

Қ/ойын «Торғайлар мен машиналар »