Жұлдызды сәт сайыс сабағы 1-сыныпқа арналған

Пәндік сайыс 1-сынып

Сабақтың тақырыбы: «Жұлдызды сәт» Білімділер сайысы

Сабақтың мақсаты: Алған білімдерін өмірде қолдана білуге үйрету, дарынды оқушыларды анықтау, шапшаңдыққа, тапқырлыққа баулу.

Түрі: Интеллектуалды сайыс – сабақ

Көрнекілігі: гүлдер, шарлар

Барысы:

Жүргізуші: Амандасу

Бүгінгі кеш-қызықты кеш,

Көрермендер, халайық.

Ой-түйсікті қозғап қазір

Биікке қанат қағайық.

О заманда ашқан қазақ білім сырын,

Шақырған сайыстарға бірі-бірін.

Тыңдайық тамашалап, көрермендер

Көрсетеді сайыскерлер білімдерін.

1. Сайыс мақсаттарымен таныстыру.

2. Әділқазы алқасына бір сәлем,

Әділдікке бас иеді күллі әлем.

Жүйрік озар сайыстарда неше бір

Сарапқа сал әділдікпен шеше біл.

Әділқазылармен таныстыру.

Жүргізуші:

1. Оқушылар келіп жетті кездесуге,

Бойындағы бар дарынды көрсетуге - деп, кезекті ойыншылардың өздерін таныстыруына береміз. 18 оқушы

2. «Ширату» Сұрақтарға жауап беру (1жауап-1ұпай, жыл мезгілдеріне 4ұпай)

Қайсысы білгір, білімді,

Талабына қарайық.

Кімдер зерек, кім жылдам

Таланттарын табайық.

1. Жыл мезгілдерін ата.

2 Сөйлем неден құралады?

3. Қосылғыштардың орнын ауыстырғаннан қосындының мәні ....

4. Көру мүшесін ата.

5. Бір аптада неше күн бар?

6. Есту мүшесін ата. 7. Тәуелсіздік күні қай күн?

8. Әкеңнің әкесі саған кім?

9. Ән айтатын адам.

10. Ешкінің төлі қалай аталады?

2. «Жұмбақ сайыс»

Ал, балалар, ойнайық,

Ойнайық та, ойлайық.

Қандай жұмбақ болса да,

Шешпей оны қоймайық.

Жұмбақтың шешуін тауып, сол сөзді қазақша, орысша, ағылшынша аудару. Қазақша – 1ұпай, ағылшынша — 1 ұпай, орысша – 1ұпай беріледі.

1. Қабат-қабат қаттама,

Ақылың болса аттама. (кітап, книга,бук)

2. Оған күнде барасың

Оқу,білім аласың. мектеп-школа-скул

3. Бес алманың үшеуін,

Досың сұрап алады.

Айтшы сонда нешеуі

Өз қолыңда қалады? ( екі, два , түу )

4. Тілі жоқ өзінде,

Сөзі бар ізінде. (қалам, ручка,пен)

3 «Орнын тап»

Орны ауысқан әріптерден сөз құрау. Бір сөз 1 ұпай

л, а қ, б, ы (балық) қ, л,ұ, н, ы (құлын)

ғ, а, с, з, ы (сағыз) а, л, м, қ, а (қалам)

п, а, т, к,і (кітап) б,қ, а, с, а (сабақ)

«Математика әлеміне саяхат»