Жүрегімде жақсылық өзін-өзі тану оқу картасы

Бекітемін

Ұйымдастырылған оқу іс-әрекетінің технологиялық картасы.

Білім беру саласы: Әлеуметтік орта

Бөлімі: Өзін-өзі тану

Тақырыбы: Жүрегімде жақсылық.

Мақсаты:

«жақсылық» ұғымының адамгершілік құндылық ретіндегі мәнін ашу.

Адам бойындағы құнды қасиеттер туралы түсініктерін кеңейту.

Көрнекілігі: әліппе-дәптері,түрлі түсті қарындаштар.

Оқу іс-әрекетінің барысы:

Оқу іс-әрекетінің түрлері

Тәрбиешінің іс-әрекеті

Балалардың іс-әрекеті

Ынталандыру.

Сезімді ояту.

Шаттық шеңбері.

Әнуарбек Дүйсенбиевтің «Біз- өмірдің гүліміз» өлеңін бірге айту.

1.Зеңгір көктен

Нұрын төккен,

Ортақ біздің күніміз.

Жайнап өскен,

Жайдары өскен

Біз өмірдің гүліміз.

Балалар шаттық шеңберіне тұрады,барлығы өлең айтады.

Ұйымдастыру кезеңі

Әңгімелесу.

-Жақсы болу дегенді қалай түсінесіндер?

-Адамдар бір-біріне қалай жақсылық жасай алады?

-Ал өздерің ше?

-Дұрыс,жақсылық дегеніміміз-айнала қоршаған ортаға,адамдарғадеген қайырымдылық,мейірімділік таныту,жақсы іс жасау.Осындай қасиеттер бар адамды-жақсы адам дейміз.

Әңгімелеу.

Қ.Көпішевтың «Өзім жүрем»әңгімесін оқып беру.

Сұрақтар:

-Дәурен қандай бала?

-Үйлеріңде үлкендерге қалай көмектесесіңдер?

Сергіту сәті

Жақсы оқып сабақты

Әдеп сақтау сәніміз.

Отыруға түп-түзу,

Дайындалдық бәріміз.

Дәйексөз.

«Нағыз адамдық-өз ойың мен ісіңді жақсылыққа бағыттай алу» деген нақыл сөзді түсіндіру.

-Нақыл сөзде айтылғандай күнделікті өмірде әрбір ісімізді,ниетімізді тек қана жақсылыққа бағыттай алсақ,бізді қоршаған орта көркейіп,туған-туыстарымыз,достарымыз өздерін бақытты сезінетіні сөзсіз.

Ойын. «Көлеңке» шарты:топқа бөлінеді,көлеңке болған балалар біріншібалалдрдыңжасаған іс-әрекеттерін,қимылдарынайнытпай жасаулары тиіс.

Ғажайып сөздер

-Сүйіспеншілік,жақсылық тілеу,жақсылық жасау

Балалар сұрақтарға жауап береді.

Әңгімені мұқият тыңдайды,қойылған сұрақтарға жауап береді.

Қимылмен көрсетеді.

Ойынға барлығы қатысады

Өнегелі сөздерді

қайталап айтады.

Қорытындылау

-Біз бүгін сабақта адамдардың әрқашан көңілі таза,пейілі ақ,адал болу керектігін ұғындық.

Басқаларға көмектесуге,шаттандыруға,көңілдерін көтеруге әзір тұрады.

Жүректен жүрекке

О.Әубәкіровтің «Балдырғандар әні» өлеңін тыңдайды.

Күтілетін нәтиже:1.

«Жақсылық» ұғымының адамгершілік құндылығын меңгереді.

2.Өзін және айналасын сүюге,жақсы көруге деген ниеттері

оянады.

3.Адам бойындағы құнды қасиеттер туралы түсініктері

кеңейеді.