Жұрнақ тақырыбын меңгертуге арналған ашық сабақ, 2 сынып

Сабақ тақырыбы: Жұрнақ

Сабақ мақсаты: жұрнақтың сөздің мағынасын өзгертетін қосымша екенін ұғындыру; сөздерге жұрнақты дұрыс жалғай білуге үйрету; сөз құрамына талдау дағдыларын арттыру.

Сабақ түрі: жаңа тақырыпты бекіту

Сабақтың әдісі: сұрақ-жауап, венн диаграммасы, ойын тәсілдері

Сабақ көрнекіліктері: Қазақстан Республикасының картасы, карточкалар, ертегі кейіпкерлерінің шаблондары, Павлодар жайлы бейнекөрініс.

Қолданылатын құрылғылар: ноутбук

Пәнаралық байланыс: әдебиеттік оқу, дүниетану

Сабақ жоспары:

І. Ұйымдастыру кезеңі

ІІ. Үй жұмысын тексеру

1. жаттығуды тексеру

ІІІ. Жаңа тақырып

1. Тест орындау арқылы тақырыпты ашу

2.Шығармашылық диктант.

3. Сөз құрау

4. Оқулықпен жұмыс

5. Сергіту сәті

6. Ішіне-сыртына

7. Венн диаграммасы

ІҮ. Қорытынды

«Кубизм» тәсілі арқылы сұрақ-жауап

Ү. Бағалау

1.Бағалау картасы

ҮІ. Үй тапсырмасы

Сабақ барысы:

І. Ұйымдастыру кезеңі

- Сәлеметсіздер ме, оқушылар! Бүгінгі ашық сабаққа қош келдіңіздер!

- Кезекші өз рапортын тапсырсын.

- Бүгінгі сабақтағы әрекеттерімізді бағалау үшін «Бағалау картасын» қолданамыз. Оны тақтаға іліп қоялық. Әр тапсырманы орындаған сайын бағасын қойып отырамыз, ал сабақ соңында ортақ бағаны шығарамыз.

Тапсырмалар

Үй тапсырмасы

Тест

Шығармашы лық диктант

Оқулықпен жұмыс

Ішіне-сыртына

Венн диаграммасы

Сөз құрау

Жалпы баға

Оқушы

аты-жөні

Байзоллаева Д

Бикибаев М

Сыздық Ж

ІІ. Үй тапсырмасын тексеру

- Алдымен, үй жұмысын тексеріп алалық.

ІІІ. Жаңа сабақ.

1.- Өте жақсы. Енді алдарыңызда, ноутбукте, тест жұмысы берілген. Соны орындалық. Әр дұрыс жауапқа әріп шығады.

1-б, 2-ә, 3-ә, 4-а, 5-а, 6-б

Сонымен шыққан әріптерді қосып оқылық. (Жұрнақ)

Сонда бүгінгі сабағымыздың тақырыбы қандай? (Жұрнақ) Немен жұмыс істейміз? (Сөз, сөз құрамын талқылаймыз)

Тақтаға назар аударалық. Ненің суретін көріп тұрсыңдар? (Шрэктің)

Оның көңіл күйі қандай? (Қабағы түсіңкі, ренжулі.) Неге екен, ә?

Балалар оның қолында хаты бар екен. Оқып көрелік пе? (хат оқылады) «Сәлеметсіңдер ме, балалар! Мен ертегілер елінен келдім. Достарымммен Қазақстанды тамашалауға қыдырып келген едім. Бірақ мен олардан адасып қалдым. Енді оларды қалай тапсам екен? Балалар, маған көмек көрсетіндерші.»

Қалай балалар, көмектесеміз бе? Шрэк қазір қай қалада екен? (Алматы) Олай болса, Шрэкке Алматы қаласы жайлы мағлұмат берелік. Ол үшін мына мәтіндегі көп нүктелердің орнына тиісті қосымшаларды қойып берелік. (Шығармашылық диктант)

Алматы – өте әдемі және үлкен қала. Алматы.... көшелері түзу әрі кең. Алматы... жақын жерде Медеу мұзайдыны салынған. Алматы... көруге еліміздің түкпір-түкпірінен келушілер өте көп. Алматы... салыстырғанда басқа қалалардың жер көлемі кішілеу.

- қосымшаның қай түрін қолдандыңдар? (жалғау)