Жүз ән, жүз күй кімге бұйырады сазды ойыны

Бекітемін: Директордың тәрбие ісі жөніндегі орынбасары

Уақыты: 15.02.2019 жыл

Тақырыбы: «Жүз ән, жүз күй кімге бұйырады?» интеллектуалдық сазды ойыны

Мақсаты: Қатысушыларды эстетикаға, музыканы тыңдап, әр-түрлі жанрдағы музыкаларды ажыратып, мағынасын түсінуге, тез ойлануға, шапшаңдыққа үйрету.Қазақтың 100 ән,100 күйін насихаттау. Есту қабілетін дамыту, бос уақытын тиімді пайдалануға шақыру.

Көрнекіліктер: Ноталар, нота сызықтары, скрипка кілті, интербелсенді тақта, слайд

Жүргізуші: Қош келдіңіздер, құрметті жолаушылар -Сәлематсыздар ма?

Тренинг «Қол моторикасы» жаттығуы. Қатысушылар шеңберге тұрады. Әр адам күн сайын қолдарымен, әсіресе саусақтарымен бірнеше қимыл-қозғалыс жасап, қолдардың шаршағанын басып, еңбекке қабілеттілігін арттыру үшін оларды әрдайым жаттықтырып отыру қажет. Назарларыңызға саусақтар күшін, шапшаңдығын, қабілеттілігін арттыруға көмектесетін ауруларының алдын алатын жаттығулар жасаймыз. Саусақтарыңызды жұдырыққа бүгіп, қолыңыздың буынымен оңға қарай, кейін солға қарай айналма қозғалыс жасаңыз. Қол буынын астыға-үстіге бүгіңіз. «Орындық», «қайық», «мысық»жаттығуларын жасату.

Сайыстың жүру барысы:

Жүргізуші: -Бүгін біздің мектебімізде «Ұлы Жібек жолы» әуежайында білімділердің бағын сынайтын «Жүз ән, жүз күй кімге бұйырады?» интеллектуалдық сазды ойыны. Ойынды жүргізуші мен Бияшева Гулжан Ибраемовна, музыкалық жетекші : Шакенов Асылбек Шакенович, сарапшылар: Нургалиева Мукарама Жумагазимовна, Бактиярова Карылгаш Жаскабыловна

Біздің жан - жағымыз толы әуен, музыка. Сіздердің әр қайсыларыңыздың сүйікті әндеріңіз немесе сүйікті әншілеріңіз бар. Ал енді осы музыкаға қаншалықты құмар екенбіз, қаншалықты әнді сүйіп тыңдайтыныңызды бүгінгі сазды – ойын арқылы білетін боламыз.

Ойын ережесін таныстырып өтейін: Ойын шарты бойынша осы әуежайда отырған жолаушылардың барлығы ойынға қатыса алады.Ойын төрт бөлімнен тұрады. Сіздер күйсандықта ойналған шығарманы мұқият тыңдайсыздар. Ойналған ән немесе күйдің аты, авторы, не болмаса өлеңнің сөзінде айтуға сіздің мүмкіндігіңіз бар. Тапсырманы білсеңіз алдыңызда тұрған скрипка кілтін көтересіз. Кім бірінші көтерсе сол адам тапсырмаға жауап береді, егерде қателессе келесі көтерген адам жауап беруге болады. Әр тапсырмаға 1 баллдан беріледі. Олай болса қатысушыларымызға сәттілік тілейміз.

І тур: Қазақстан компазиторларының әндері:

«Гүлсезім» Е.Хасанғалиев

«Құстар әні» Н. Тілендиев

«Шынарым» Ш.Қалдаяқов

«Сағындым Алматымды» А.Қоразбаев

«Ағады Жайық» І.Жақанов

ІІ тур:Күйлер:

1. «Көңілашар» -Түркеш

2. «Тойбастар» - Д.Нурпейсова