Жүзден жүйрік мыңнан тұлпар бастауыш материал

Жүзден жүйрік, мыңнан тұлпар Кештің мақсаты: пәнаралық байланысты нығайта отырып, оқушылардың оқуға, ізденуге ынтасын арттыру. Оларды ойлануға үйрету, намысшыл болуға тәрбиелеу. Көрнекілігі: суреттер, сөзжұмбақтар, кестелер. Типі: кіріктірілген, дәстүрлі емес сабақтар. Сабақтың барысы: І.Ұйымдастыру Бастаушы мұғалім: Құрметті оқушылар, ұстаздар! Бүгін біз жалпы пәндер бойынша жарыс ұйымдастырып отырмыз. «Математика – барлық ғылымдардың патшасы» деп тегін айтылмағаны анық. Оқушыларымыздың бұл пәндерден алған білімі қандай екендігі сынға түсетіндігі «Жүзден жүйрік, мыңнан тұлпар» атты кешімізден көрінеді. Бәріміз бірге тамашалайық. Жүйріктен жүйрік озар жарысқанда, Батырды батыр жығар алысқанда,- Дегендей, ортаға сынға түсер білімді шәкірттерімізді шақырайық. Біреу озса жарыста, Біреу артта қалады. Ренжімей тараса, Озбағандар жарады. Жарыс заңы ежелден, Жеңімпазды анықтау. Жеңімпаз болу шарты сол, Еңбектену, жалықпау, Сәт сапар тілеп бәріңе, Сайысты біздер басталық. Көрсетіңдер өнерді, Қалмаңыздар жасқанып. Үлгілі тәртіп, жақсы оқу,

Алға қою мақсаты. Әрқашанда мектепте, Шығып жүрген жақсы аты. Жиналған ылғи дарындар, Жүректе от,көздерінде жалын бар. Жарыстың шартымен таныстыру. Жарысымыз Ү тараудан тұрады. Әрбір дұрыс жауап- 10 балл. І тур. Бәйге(10 оқушы қатысады.Балы аз 3оқушы ойыннан шығады.) 1. 1кг тас ауыр ма? 1 кг жүк ауыр ма?(тең) 2. «Басқа кисең бөрік, сәнді сұлу көрік» дегеніміз не? (Конус) 3. Жерге ең жақын жұлдыз?(Күн) 4. Көшетті қай уақытта отырғызады?(көктемде) 5. Түйме қадау үшін не қажет?(ине,жіп,түйме) 6. Дененің қызуын өлшейтін құрал?(Градусник) 7. Адамдардың қатынас құралы?(Тіл) 8. Ұзындық өлшем бірлігі(см,дм,м,мм.) 9. Қазақтың ең бірінші ұшқыш – космонавты(Т.Әубәкіров) 10.Абылай ханның шын аты(Әбілмансұр) ІІ тур. Қызықты жұмбақтар(7 оқушының жинаған балдарына сәйкес 2 оқушы ойыннан шығады)

1. Жарқылдаған қос қылыш, Қолға тисе, жоқ тыныш (Қайшы) 2. Тап-тап, тап жорға, Табаны жоқ бозжорға. Желіп кетсе жеткізбес, Жерге түссе, таптырмас. (Ине) 3. Жалпақ бетті батыр, Белін буып жатыр (Сыпырғыш) 4. Тау басында түндіксіз отау. (Ұя) 5. Бір ағашта бес тармақ, Бес тармақта бес жаңғақ.