Жыл мезгілдері кіріктірілген ашық сабақ

Тақырыбы: «Жыл мезгілдері»

Мақсаты: балаларға әр жыл мезгілдерінің ерекшеліктерін, әр мезгілде табиғатта болатын өзгерістерді түсіндіру. Тапсырмалар орындата отырып, олардың тілдік қорын байыту, үш тілде сөйлей білуге дағдыландыру, танымдық қабілеттерін, сонымен қатар логикалық ойлауын дамыту. Ұқыптылыққа, шапшаңдылыққа тәрбиелеу.

Оқу іс-әрекетінің барысы:

Шаттық шеңбер

Тәрбиеші: Күндей жадырап,

Айдай арайлап,

Жұлдыздай жарқырап

Судай таза көңілмен

Бүгінгі күнімізді бастайық, яғни бүгінгі күніміз жақсы өтсін деген ниетпен бір –бірімізге алақан жылуы арқылы жылы лебіздерімізді, тілектерімізді білдірейік.

-Жарайсыңдар, енді жайғасып отырыңыздар.

- Балалар, бір жылда неше мезгіл бар?

- Төрт мезгіл бар.

- Дұрыс айтасыңдар, сол төрт мезгілді ретімен атап шығамыз

- Қыс, көктем, жаз, күз

- Өте жақсы, ал қазір жылдың қай мезгілі?

- Күз мезгілі

- Дұрыс айтасыңдар. Бізге бүгін қонаққа осы айтылған төрт мезгілдің атасы келіп отыр, яғни ол – Жыл атасы. Қонағымызды төрімізге шақырайық.

Жыл ата келеді.

Сәлеметсіз бе, ата!

Сәлеметсіздер ме, бүлдіршіндерім. Қандай әдемі, үлкен балалар. Мен Жыл атасы боламын. Менің төрт қызым бар, олар: Қыс, Көктем, Жаз, Күз. Олардың әрқайсысының өзіне тән ерекшеліктері, сонымен қатар сендерге дайындаған тапсырмалары бар. Олар сендердің алған білімдерінді тексергісі келеді.

Ой, ата, біздің балалар өте ақылды, шапшаң, білімді кез-келген тапсырманы орындай алады. Солай ма, балалар?

Иә, солай тапсырманы орындаймыз.

Олай болса, мен қыздарымды шақырайын. Ал айтындаршы, қазір жылдың қай мезгілі?

Күз мезгілі.

Дұрыс таптыңдар, олай болса менің қызым – Алтын күзді қарсы алыңыздар.

Музыка әуенімен Алтын күз кіреді.

Сәлеметсіздер ме, балалар

Сәлеметсіз бе?

Мен сендерге келгеніме қуанып тұрмын. Менің сендерге әкелген тапсырмам бар. Бірақ алдымен ойын ойнап алайық.

Ойын: «Кім ақылды?»

Ойынның мақсаты: Балалардың күз мезгілінің ерекшіліктері туралы алған білімдерін тиянақтау, сұраққа толық жауап беруге дағдыландыру, тілдік қорын дамыту.

Ойын шарты: балалар шеңбер болып тұрады. Әр балаға допты лақтыра отырып, сұрақ қояды. Балалар сұраққа жауап бере отырып, допты қайтадан лақтырады.

Сұрақтар:

Күз айларын атаңдар?

Қазір қай ай?

Күз мезгілінде ауа-райында қандай өзгерістер болады?

Құстар қайда ұшып кетеді?

Қандай құстар жылы жаққа ұшып кетеді?

Адамдар қалай киінеді?

Жапырақтардың түсі қандай болады?

Неліктен «Жомарт күз» дейміз?

Жемістерді ата?

Көкөністерді ата?

Жемістер мен көкөністер қайда өседі?

Үлкендер қандай қызмет атқарады?

Күздің тапсырмасы: слайдтан күз мезгілінің суреті көрсетіледі. Балалар сурет бойынша сөйлем құрастырады. Құрастырған сөйлемді 3 тілде: қазақ, орыс, ағылшын тілдерінде айтып шығады.

Балалар, жарайсыңдар, үш тілді меңгерген екенсіңдер. Менің тапсырмамды оп-оңай орындадыңдар. Мен сендерге ризамын. Енді менің кетуім керек. Жақсы, сау болыңыздар.

Алтын күз балалармен қоштасып шығып кетеді.

Күздің берген тапсырмасын орындадыңдар. Күз мезгілінен кейін қай мезгіл болады?

Қыс мезгілі.

Жарайсыңдар, енді менің екінші қызым – Қысты қарсы алыңыздар.

Музыка әуенімен қыс мезгілі келеді.

Сәлеметсіздер ме, балалар.

Сәлеметсіз бе, Қыс мезгілі

Мен суық та, ызғарлы Қыс боламын. Сендер Қыс мезгілінің ерекшеліктерін білесіндер ме, олай болса атап шығындар (балалар қыс мезгілінің ерекшелігін атап шығады).

Менің мезгілімде далада қар жауып, адамдар жылы киініп, балақайлар қармен ойнайтын мезгіл. Қыс мезгілінде жаңа жыл мерекесеі болады.

Менің сендерге әкелген тапсырмам бар. Тапсырманы орындауға дайынбыз ба?

Иә, дайынбыз. Тапсырманы орындаймыз.