Жыл оқушысы Зерде сайысы 6 сыныпқа арналған

«Жыл оқушысы» сайысы І кезең

Сайыстың мақсаты: Оқушылардың білім деңгейлерін анықтау, жеке шығармашылық қабілеттерін, логикалық ойлауын, ой- өрісін дамыту, әр түрлі жағдайда қалыптасуын үйрету. Білімге деген қызығушылығын арттыру. Өз білімдерін үнемі дамытуға тәрбиелеу, дарынды оқушыларды анықтау.

Көрнекілігі: даналық сөздер, жазылған плакаттар, сұрақтар жинағы, кеспе қағаздар, төсбелгілер.

Сайыстың бағдарламасы.

І Бөлім. «Бәйге»

ІІ Бөлім. «Тіл өнер»

ІІІ Бөлім. «Көкпар»

ІV Бөлім. «Көшбасшы»

Сайыстың барысы

1 – жүргізуші:

Уа, халайық, халайық!

Бәріне жар салайық,

Бүгінгі кеш төрінде,

Білімділер елінде.

Есеп шешіп жарысып,

Жұмбақ щешіп аңдысып,

Шабыттасып, шалқысып,

Көңілді кеш жасайық

Сұрақ шеру шашайық,

Мұнда қызық табылар,

Ал, сайыскер балалар,

Білімдеріңді сынайық,

Жыл оқушысын табайық.

2 – жүргізуші:

Армысыздар, құрметті ұстаздар мен оқушылар және ойынға қатысушы сайыскерлер! «Халықтың кемеліне келіп, өркендеп өсуі үшін ең ал-

дымен азаттық пен білім қажет» деп Ш. Уәлиханов, «Ғылым мен майданның қатардағы жауынгері тек үнемі оқу, іздену, талпыну, тану,

өмір мектебінен өту арқылы ғана оның ірі қайраткері дәрежесіне

дейін көтеріледі» деп Қ. Сәтбаев айтып кеткендей еліміздің болашағы тек қана білімді, жастар екені даусыз. Ал, бүгінгі 5-6 сынып оқушылары арасында өткізілгелі отырған «Зерде» атты сайысымыздың І кезеңін ашық деп жариялаймыз.

1 – жүргізуші:

Шын жүйрік шабысынан танылады,

Қатты білім,терең ой саналады.

Баға берер әділқазы ортамызда

Сіздерге құрметпен қол соғылады

Сайысымыздың әділқазы алқаларымен таныстырып өтсек:

Директордың оқу ісі жөніндегі орынбасары:

Ноғайбаева Раушан Расулқызы

Директордың оқу ісі жөніндегі орынбасары: Нурабилова Гульбану Азимжанқызы

Директордың оқу ісі жөніндегі орынбасары: Саймасаева Орал

2 – жүргізуші:

Мәңгі бақи есте қалар,

Қызықты бір жиын болсын.

Білімдірек шәкірт озар,

Сұрақтары қиын болсын -дей отырып, сайыскерлерімізді ортаға шақырамыз.

1 – жүргізуші:

(Сайысқа қатысатын оқушыларды таныстыру)

5 «а» сынып оқушысы

5 «ә» сынып оқушысы

5 «б» сынып оқушысы

5 «в» сынып оқушысы

5 «г» сынып оқушысы

5 «д» сынып оқушысы

5 «е» сынып оқушысы

5 «ж» сынып оқушысы

5 «з» сынып оқушысы

5 «и» сынып оқушысы

5 «к» сынып оқушысы

6 «а» сынып оқушысы

6 «ә» сынып оқушысы

6 «б» сынып оқушысы

6 «в» сынып оқушысы

2 – жүргізуші:

Сайысты бастамас бұрын әр оқушы келіп өздерінің реттік нөмірлерін таңдап алады. Сайысқа осы реттік нөмір бойынша қатысады.

1 – жүргізуші:

Ойынның шарты: сайысқа 8 оқушы қатысады.

ІІ бөлімнен кейін ұпай саны аз 3 оқушы ойынан шығады.

ІІІ бөлімнен кейін ұпай саны аз 3 оқушыны шығарып саламыз.

Соңғы кезеңнен 2 оқушыдан жеңімпаз анықталады.

2 – жүргізуші:

Қазылар орнықтырар әділдікті

Кімдердің жауаптары кәміл шықты

Білім мен тапқырлықтың жарысында

Жеңіске жетер дейміз нағыз мықты - деп біз сайсымызды бастаймыз.

Бүгінгі сайыс 4 бөлімнен тұрады:

1 – жүргізуші:

І Бөлім. «Бәйге»

ІІ Бөлім. «Тіл өнер»

ІІІ Бөлім. «Көкпар»

ІV Бөлім. «Көшбасшы»

2- Жүргізуші:

Бәйгеге түсіп жарыспай,

Жүйріктің бағы жанар ма.

Бұл бәйге ойдың бәйгесі,

Кім жүйрік ойға, сол алда – деп

І бөлім – «Бәйге».

Ойыншыларға жалпы сұрақтар қойылады. Реттік нөмірін бірінші болып көрсеткен ойыншы жауап береді. Сұраққа тез және нақты жауап беруі тиіс. Дұрыс айтылған жауапқа 10 ұпай беріледі. Сонымен оқушылар, іске сәт.

1- Жүргізуші:

Буынның түрлерін ата /ашық буын, тұйық буын, бітеу буын/

Сиырдың пірі? /Зеңгібаба/

Ел басқару саласындағы ең жоғарғы лауазымды тұлға /президент/

Ғұн мемлекетінің негізін қалаушы? /Мөде Шанью/

Заттың қимылын білдіретін сөз табы? /етістік/

Ғалымдардың ең ежелгі адамдарды атауы /епті адам/

Күнге ең жақын орналасқан ғаламшар /Меркурий/

Қазақтың ұлы ақыны /Абай Құнанбаев/

Тарихтың атасы /Герадот/

«Мұғалім» сөзінің синонимі /ұстаз/

Қазақтың жаңа жылы /наурыз/

Қазақ хандығының негізін қалаушы хандар? /Керей, Жәнібек/

Қазақ тілінде қанша төл дауысты дыбыстар бар? /9 –а,ә,о,ө,е,ы,і,ұ,ү/

Қазақ тарихында тұңғыш рет ғарышқа кім ұшты? /Т.Әубәкіров/

Сөйлеу тілінде дыбыстау мүшелері арқылы айтылып, естілетін тілдік құбылыс /дыбыс/

Адамзат тарихы дамуының ең алғашқы кезеңі /тас дәуірі/

ҚР Мемлекеттік Туының авторы? /Шәкен Ниязбеков/

Қытай тарихшысы? /Сыма Цянь/

Дауысты дыбыстардың тілдік қатысына қарай түрлері /жуан, жіңішке/

ҚР Ата заңы қашан қабылданды? /1995ж/

Галактика дегеніміз не? /жеке жұлдыздар тобы/

Дауыссыз дыбыстардың түрлері /қатаң, ұяң, үнді/

Әбілхан Қастеев кім?/суретші/

Түркі тілінде «қазақ» атауының мағынасы /еркін адамдар/

Аспан денелерін зерттейтін ғылым /астрономия/

Тәрбиелік мәні бар, ақыл-нақыл сипатында айтылатын сөздер тобы /мақал/

Ай жерді қалай айналады? /бір жағымен/

2- Жүргізуші:

Әрбір тілде сөйле , әлемді таң қылып,

Ана тілін білу деген заңдылық.

Өсер балаң, байтақ далаң тұрғанда,