Жыл құстары туралы сабақ жоспары, мектепке дейінгі топ

Білім беру саласы: Таным. Әлеуметтік сала.

Білім көздері: Айналаны қоршаған орта.

Тақырыбы: Жыл құстары.

Мақсаты: 1. Құстар тіршілігі, табиғатқа келтіретін пайдасы туралы түсініктерін қалыптастыру.

2. Дәптердегі тапсырмаларды орындату арқылы өз бетімен жұмыс жасауға баулу.

3. Қыстап қалатын құстарға қмқорлық жасауға үйрету.

Сөздік жұмыс: жыл құстары, қыстап қалатын құстар.

Іс – әрекет бөлімдері

Педагогтің іс-әрекеті

Балалардың іс - әрекеті

Ынталандыру.

Үнтаспадан құстардың сайраған дауыстарын тыңдату.

Құстарды дауыстарынан танып айтады.

Ізденістер.

Ұйымдастыру.

Слайд немесе плакаттан құстарды көрсету. Құстардың тіршілігі туралы әңгімелеу.

Жыл құстары және қыстап қалатын құстар туралы әңгімелеу:

Күннің суытып, жәндіктердің көпшілігі қырылып қалды, кейбір жәндіктер ағаштардың қуыстарына тығылады. Осылайша құстардың жемі азаяды. Өзен – көлдерде су қатып қалады. Осыған байланысты құстар жылы жаққа ұшып кетеді.

Жыл құстарына жабайы үйрек, тырна, көкек, ұзақ, қарлығаш, қараторғай, т.б. жатады.

Құстардың бір бөлігі күзде ұшып кетпей, сол жерде қыстап қалады. Оларды қыстап қалатын немесе отырықшы құстар деп атайды.

Отырықшы құстарға: қарға, көгершін, торғай, көкшымшық, тоқылдақ, т.б. жатады.

1.Дәптермен жұмыс: Суреттен өзіңе таныс құстарды атату. (Үкі, бүркіт, үйрек, аққу, тырна.) Осы құстар туралы мағлұмат беру.

Үкі-түнде ғана ұшатын имек тұмсық, үлпілдек майда жүнді жыртқыш, отырықшы құс.

Бүркіт-таулы, далалы жерлерді мекендейтін имек тұмсық жыртқыш, отырықшы құс.

Тырна-мойны ұзын, аяқтары сыриған, ірілеу жыл құсы.

Үйрек-тұмсығы жалпақ у құс. Жабайы үйректер жылы жаққа ұшып кетеді.

Тоқылдақ-орман құсы. Қыстап қалатын құстар тобына жатады. Тоқылдақты «орман дәрігері» деп атайды, өйткені ол ағаш қуысына тығылып, ағаштың діңін жеп жатқан зиянкес құрттармен қоректенеді. Сөйтіп орман ағаштарын емдейді.

3.Қорытындылау:

Сабақта алған білімдерін пысықтауға арналған сұрақтар:

Өзің білетін жыл құстарын ата.

Құстар немен қоректенеді?

Құстар не себепті жылы жаққа ұшып кетеді?

Құстар, табиғатқа, адамға қандай пайдасын тигізеді?

Балалар тыңдайды, түсінбегендерін сұрайды, ұрақтарға жауап береді.

Сұрақтарға жауап береді.Суреттерге қарап, құстардың аттарын атайды. Өз өлкелерінде тіршілік ететін құстар туралы әңгімелейді.

Тоқылдақтың суретін сәйкес түспен бояйды.

Сұрақтарға жауап береді, бір-бірінің жауаптарын толықтырып айтады.