Жырлаймын, тәуелсіз елімді өлеңі, 7-сынып

Жырлаймын тәуелсіз елімді

Қош келдіңіз ,мүшайраға көрерменім,

Жырдан шашу шашатын өрендерім.

Тана мырза мектебінің атынан

Арналсын ортаңызға өлеңдерім!

Тәуелсіздік-ақ арманы елімнің,

Тәуелсіздік – атқан таңы әр үйдің,

Тәуелсіздік – тартуы ол тәңірдің.

Тәуелсіз боп Қазақ елі танылдың.

Менің елім көптен күткен бұл күнді

Көк аспанда қалықтаған қыраны.

Серпілгендей тәуелсіздік түндігі,

Күн астынан көрінгендей тұнығы.

Азаттықта шат күндерім бүгінгі

«Елімді ел етемін,жерімді көгертем»-деп,

Еске түсер Күлтегіндер бұрынғы

Талай соғыс,өткергендер қырғынды.

Тәуелсіздік алған күні менің елім

Тәуелсіз Қазақстан –Қазақ Елін

Жариялап барша әлемге жар салды,

Алғаш танып,Түрік елі қарсы алды.

Келер жылы БҰҰ-на мүше болды,

Ту,Елтаңба,қабылдап Ата Заңды.

Көк аспанда Әнұраным қалықтады,

Бір тудың астына жиды халықтарды.

Абай,Шәкәрім,Мұхтар алыптарды

Мың өліп,мың тірілткен қазақ тілім.

Тіл туралы Заң қабылдап мәртебелі

Айбыным,мақтанышым,ғажап тілім.

Тәуелсіздік –асыл сөзім,ана тілім,

Тәуелсіздік – бүгінгідей азат күнім.

«Тіл – ұлттың жаны»-Мағжан ақын айтқан

Әр азамат ардақтасын қазақ тілін.

Жырлаймын тәуелсіздік,елдігімді,

Жырлаймын ,бабаларым, ерлігіңді.

Қорғаймын Отанымды,жерімізді,

Жырлаймын,асқақ рухты өрлігіңді.

Тәуелсіздік тұрса деймін тұғырында

Бабалар қанымен келген ұғымымда.

Жырлайтын Қазақ Елі,сізді әрқашан

Қасқайып,шаттанып тұр ұлың мұнда.

Абай облысы Ақсуат ауданы

Тана мырза орта мектебі КММ

7-сынып оқушысы Аманғазыұлы Аян

Жетекшісі:Енсебаева Жулдуз Шакоровна