Жырласа, жастар жырласын шығармашылық сценарийі

Жырласа, жастар жырласын!

(Сахнада кіші ұл мен қыз. Ойнап жүреді. Желдің дауысы. Слайдта құм, ауыл бейнесі. Екі баланы ауыстырып үлкен ұл мен қыз шығады. Сырттан «Қарақұм» өлеңі оқылады.)

Жүргізуші: Поэзия, досым менің күй аңсаған,

Өзімді, Өмірімді қиям саған.

Шағымда шабыттанған, қиялданған,

Шапағы бар шаттығын құяр маған!

Армысыздар, қадірменді халайық! Бүгінгі кеш қасиетті Қарақұм даласын арда өнермен тербеткен, жыр бесікте сезім сырын селдеткен Қарақұмдай киелі топырақтан нәр алған жас өнерпаздар кеші!Бүгінгі кеш шуақты көктемде шабыты таситын,қоңыр күзде сағыныш боп жаситын, жаны жаз, сезімі көктем ғұмырлардың кеші.Бүгінгі оқылатын жыр да, шырқалатын ән де сол ауылдан шыққан жас ақындардың жүрегін жарып шыққан жыр әлемінің көрінісі. Құрметті қонақтар,сіз бен біз аспан мен жердің арасында алып-ұшып күн кешкен, өлең дейтін құдіретпен тілдескен өмірге ғашық болмыстың үніне құлақ түрейік.

Ән «Қазақстан»

Жүргізуші: Қарақұм өңірі дарындыларға толы. Жусаны аңқыған даласы да бейне бір сыр шерткендей әсер етері анық. Осындай дарынды жандардың

Талай мүшәйралардың жеңімпазы Алданазарова Әселхан. Әселхан жыры- көңілдің мұңы, жүректің шыны, өмірдің сыры.

«Көктем дейді» (Әселхан) –Балнұр

«Дос дейтіндей жаныңды ұғар кім қалды?» - Аружан

Ән: «Қайран балалық» - Есжанов Асылхан

Жүргізуші: Ән құдіреті туған жер аспанында әуелеп, қалықтап адам жанының нәзік қылын шертеді. Сіздер тыңдаған осы бір ән де туған жер перзенті Бейісов Тұрғанбектің жан тебіренісі, кеудесінен жыр боп ақтарылған аппақ арманы. Осы тұрғыда біздің Қарақұмның мұндай таланттардың талайын тудырғаны да көпке аян. Олай дейтін себебім, Жалиева Дидар мен Әбдіров Бүркіттің жүрек жарды жырлары соған дәлел. «Жан дүнием» - Гүлназым

«Ана»- Меруерт

Ән: «Қызық екенсің» - Қуатбай Аманжол

Жүргізуші: «Өлеңге әркімнің ақ бар таласы» деген аталы сөз бекер айтылмаса керек. Қазақтың әрбір ұл – қызы саналы ғұмырында қаламның қ

асиетіне бас иіп, сезімге толы сырын желдей желбіреген жалынды жырларымен ұштастырып жатады. Әрине, ақындық шабыт әр адамға берілмейді. Бойға шабыт келген күнде де оны дұрыстап ұйқасы мен буындарын үйлестіре білуі тағы бар. «Болмасаң да ұқсап бақ»…