1 мамыр бірлігіміз жарасқан тәрбие сағаты

Математикалық логика

Түсінік хат

Мектептің бүгінгі реформасы, қоғамның информатизациялануымен қатар, білімді гуманизациялануына бағытталған, оның мектептің алдына қоятын негізгі мақсаты – ақпараттық қоғамда күнделікті өмірге оқушыны дайындау.

Математикалық пәндер бағытының арасында кең интегративті мүмкіншіліктерге математикалық логика ие болады, өйткені жүйелі түрде ойлау, дәлелді ойлау, болжамдар жасау, жоққа шығарулар өздігінен келмейді – бұл іскерлікті логика ғылымы дамытады. Сондықтан әмбебап қолдануына, қызықтылығына байланысты, сонымен қатар математикалық логика негізінде жоғары абстрактілігіне байланысты элективті курс барлық оқушыларға сөзсіз қызықты және пайдалы болуы мүмкін.

Бір жағынан берілген курс оқушыларға бағдарлама бойынша математикадан, білімдерін жалпылауға, тереңдетуге, математикалық объектілердің бірегейлігін, жоғары абстрактілігін көруге мүмкіндік береді (математикалық профильге дайындау), екінші жағынан математиканы техникада, өнерде, практикалық қызметте, тұрмыста қолданудың зор мүмкіндіктерін көрсетеді, дұрыс шешімді табуда, әртүрлі есептерді соның ішінде тұрмыстағы есептерді шешудегі логиканы қолдануға үйретеді (профильдердің техникалық, гуманитарлық және басқа түрлерінің таңдауына дайындау).

Бағдарлама 5-6 сыныпқа математика пәнінен барлығы 17 сағатқа арналған (2 аптада 1 сағат)

Мақсаты: жалпы логикалық есептерді шығарудың алғашқы теориялық негіздемелерін қалыптастыру, оқушының пәнге деген қызығушылығын арттыру, есептерді шығаруда формулаларды пайдаланып функционалдық сауаттылығының дамуына жағдай жасау.

Міндеттері:

Алған білімдерін іс жүзінде пайдалана білуге үйрету;

Ізденімпаздық, шығармашылық қабілеттерін дамыту;

Математикалық білім, білік дағдыларының белгілі жүйелерін меңгерту;

Ізденушілік, зерттеушілік жұмыстарын ұйымдастыру;

Әртүрлі әдістермен логикалық есептерді шешуге үйрету;

Есептердегі олардың практикалық маңыздылығын көрсету.

Күтілетін нәтиже :

Математикалық тұжырымдамаларды түсіне білуге және пайдалана білуге үйренеді

Кеңістікте дұрыс жорамалдап ойлай білуге үйренеді.

Кері жорамалдау арқылы тұжырымдама жасай біледі.

Оқу курсының тақырыптық мазмұны, құрылысы, күрделілігі, шығару әдістері бойынша 6 модульге бөлінген.

1.Арифметикалық амалдармен жаттығу: Арифметикалық амалдармен жаттығу, Цифралар арасына жақшалар мен таңбалар қою, Өрнекті үлгісі бойынша есептеу, Заңдылығын сақтап тізбектегі жұлдызша орнына керекті сан қою, Сиқырлы квадраттар, Бөлгіштер жұбын «іріктеу» тәсілімен теңдеудің натурал сан түбірін табу.

2.Математикалық ребустар: Цифрлардан құрастырылған ребустар: қосу, алу, көбейту, бөлу. Әріптерден құрастырылған ребустар. Математикалық күрделі ребустар.