Бірлігіміз жарасқан тәрбие сағаты мектепке дейінгі балаларға

Ересектер тобындағы ұйымдастырылған оқу іс-әрекетінің технологиялық картасы

Білім беру саласы: Қатынас

Бөлім: Сөйлеуді дамыту

Тақырыбы: «Бірлігіміз жарасқан». Тәрбие сағаты

Мақсаты: «Достық», «бірлік» құндылықтарының мәнін түсінуге ықпал ету, қамқорлық бірлік туралы түсініктерін кеңейту, достық, қарым-қатынас дағдыларын дамыту, айнала қоршаған ортаға мейірімді болуға тәрбиелеу.

Қолданылатын көрнекіліктер: ватман, гүлдер, шөптер, ойынға қажетті құралдар, үнтаспа

Сөздік жұмыс: көпір

Билингвальді компонент: көпір-мост

Іс-әрекет кезеңдері

Мұғалімнің әрекеті

Балалардың әрекеті

Шаттық шеңбері

Қайырлы күн балалар! Күніміз сәтті болсын! Әдеттегідей сендермен кездесіп тұрғаныма қуаныштымын, қараңдаршы бәрің сондай қуанышты бір-бірің күліп қарап, жайдары ақжарқын болып тұрсыңдар.

Балалар шеңбер бойына жиналып өлең жолдарын қайталайық.

Достығымыз берік боп,

Бекітейік беріп қол.

Қуанышты шеңберге,

Қандай жақсы қол берген!

Әңгімелесу.

Е.Өтетілеуовтың «Бірлік» әңгімесін оқып беру

Балалардың ісінен қандай жақсы қасиетті байқауға болады?

Сенің достарыңа, достарыңның саған осындай көмек көрсеткен кезі болды ма?

Достық – адамдардың бір-біріне деген адалдығы, өзара сыйластығы, татулығы, сүйіспеншілігі, жанашырлығы қамқорлығының белгісі.

Дәйексөз.

Тәрбиеші:«Бірлесе көтерген жүк жеңіл» деген мақалды бүгінгі сабақтың дәйексөзі ретінде түсіндіреді.

Тыныштық сәті:

Балалар кілемшеге шалқасынан жатып, аяқ – қолдарын еркін созады. «Көздеріңді жұмайық, жеңіл әрі жаймен дамалайық. Өздеріңді керемет жаздың шуақты күнінде шалғанда жүргендеріңді елестетіңдер. Дәл қазір сендердің алдарыңда ғажайып көбелек гулден-гулге ұшып жүр.Ол қанаттарын жеңіл әрі әсем етіп қозғалтады. Енді әрқайсыларың осы көбелектің ғажайып үлкен әрі керемет қанаттарын өздеріңе қиялдап көріңдерші. Ауада баяу қалықтап қозғалып жатқанын сезініңдер. Қараңдаршы қандай жайқалып тұрған гүлдер. Енді сендер өздерінің гүлдерінің иісін сезініңдер. Тағыда жұпар иісімен демалыңдар. Ал енді көздеріңді ашсаңдар да болады.

Жағдаяттарды талдау

1-жағдаят

Әлихан мен Диасыл бірлесіп әдемі қайық жасапты. Олар қайықты өзенге жүздірмекші болғанда таласып қалыпты. Әлихан мен Диасыл ренжісіп қалады.

Әлихан мен Диасыл қалай татуласады деп ойлайсыңдар? 2-жағдаят:Салтанат пен Іңкәр бірлесіп гүл отырғызады. Гүлдері әдемі болып өсе бастайды. Олар гүлдерді суғаратын кезде сусепкішке таласып қалыпты. Салтанат пен Іңкәр өкпелеп кетіп қалады. Тапсырма: Салтанат пен Іңкәр қалай татуластырар едіңдер?

Сыңарын тап