1 мамыр халықтар достығы ертеңгілігінің сценарийі

«1-мамыр қазақстан халықтарының бірлігі күніне» арналған «Құлыншақ» 2-кіші тобының «Халықтар достығы» тақырыбында өтетін ашық оқу іс-әрекеті.

Мақсаты: балаларға бірлік, ынтымақ,достық туралы айтып түсіндіру. Көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

Көрнекіліктер:ұлттық костюмдер, қима көгершіндер,шарлар,даналық сөздер.« Ырыс алды-ынтымақ», «Ынтымақ-достықтың бірлігі», «Ер бірлігі-ел теңдігі».

Кіріспе:

1-мамыр-Қазақстан халықтарының бірлігі күні. 1995 жылдың наурызында Дүние жүзіне үлгі болып отырған, ұлтаралық татулық пен тұрақтылықтың феномі-Қазақстан халықтары ассамблеясы құрылды. Бұл ешбір елде болмаған ерекше, саяси маңызы зор құрылым.

Қазақстан мемлекеті көп ұлтты. Біздің елімізде жүз отыздан астам ұлттар тұрады: ұйғыр, кәріс, дүнген, өзбек, қырғыз, түркімен, тәжік, армян,әзербайжан, украин, белорус, түрік, шешен тағы басқа шет елден келген ұлттар біздің елімізде тіршілік етуде. Олардың өз ұлтына сай арнайы киімдері, салт-дәстүрлері болады. Біз олармен доспыз, татумыз және бір-бірімізбен аралас өмір сүріп жатырмыз. Олай болса;

Достығымыз жарасқан,

Ақпыз,қара,сарымыз,

Қара жер мен көк аспан,

Ортақ дала тауымыз.- деп, «Достық» әнін орындайық.

Тәрбиеші:

-балалар,әлемде барлығымыз не болғанын тілейміз,қалай ойлайсыңдар?

-Әриене,халықымыз ең әуелі тыныштықты қалайды.

-Ал, «тыныштық» деген сөздің мәнін білеміз бе?

-Дүниежүзінде соғыс болмаса, тыныштық деген сол. Елдегі тыныштықты халық «береке- бейбітшілік» дейді. Олай болса ;

Барлығымыз қосылып:

Бейбітшілік құсы, ақ көгершін,

Биік ұшып самғасын.

Тілегімді жерге жайсын,

Қанаттары талмасын-деп «Ақ көгершін» қимылын көрсету.

Тәрбиеші:

Қырғыз, қазақ, өзбектер,

Монғол, ұйғыр, дүнгендер,

Армян,тәжік, грузин,

Терезесі тең жатыр.

Енді бүгін қарасам,

Айналам бақыт кең жатыр.

Бір-бірімен туысқан,

Қол ұстасқан ел жатыр.-деп, «Халықтар достығы» биін билейік. Кәне,барлығымыз ортаға!

Қорытынды:

Т: -Балалар,бүгін қандай мерекені тойладық?

Б: «1-Мамыр – Қазақстан халықтарының достық мерекесі».

Т:-Қазақстан қандай мемлекет?

Б:-Көп ұлтты.

Т:-Қандай халықтармен доспыз,татумыз?

Б:-Өзбек,қырғыз,украин т.т.

Т:-Ұлттық киімдері қандай?

Б:-Әр түрлі ұлтына байланысты.

Т:-Жарайсыңдар, өте тамаша!

-Осымен бүгінгі ашық оқу қызметіміз аяқталды, сау болыңыздар