Бірлік күніне арналған балалар ертеңгілігінің сценарийі

Қазақстан халықтарының Бірлігі күні мейрамына арналған

ертеңгілігінің сценарийі.

Жүргізуші: - Құрметті қонақтар, балалар бүгін біз бақшамызда Қазақстан халықтарының Бірлігі күні мейрамына арналған ойын-сауығымызды бастаймыз.

(Залда «Әрқашан күн сөнбесін» әнінің әуені үнтаспадан естіліп тұрады. Залға ортаңғы топ балалары әуен ырғағымен кіреді)

Тақпақтар:

1.Жақсылыққа, бақытқа,

Талпынған әр уақытта.

Бала біткен дос бауыр,

Болмасын еш тосқауыл.

Ақпыз, қара, сарымыз,

Ағайынбыз бәріміз.

2.Ортақ болсын асқар тау,

Жеміс толы бақша бау.

Болсын жер мен су да ортақ,

Болсын бізге туда ортақ.

3.Ортақ мекен жер шары,

Төбемізде бір аспан.

Барлық ұлттың баласы,

Достығымыз жарасқан.

4.Ортақ бізге бір Отан,

Ортақ бізге барлығы.

Еңбек ортақ, жыр ортақ,

Ортақ бізге барлығы.

5.Туыспыз біз бәріміз,

Бір Отанды сүйеміз.

Бақытты елде туған соң,

Бақытты өмір сүреміз.

-Бүгінгі Қазақстан халықтарының Бірлігі күні мейрамдарыңыз құтты болсын! Дендеріңізге саулық, көңілдеріңізге шаттық тілейміз. Жер бетінде тыныштық, достық, бейбітшілік болсын!Ортаңғы топ балаларының орындауындағы «Достық әні» әнін қабыл алыңыздар!

Ән: «Достық әні»

Жүргізуші: Кептерлер қалқып,көкте ойнап,

Туымыз шалқып, көк бойлап,

Мәре де сәре, мәз мейрам,

Отанымыз той тойлап!

Балалар, бейбітшілік құсы деп қандай құсты айтады?

Балалар: Ақ көгершін.

Жүргізуші:Қанатына жазылған

Жалғыз ауыз ұран бар.

Не құдірет құралдан

Ең күштісі сол құрал.

«Бейбітшілік» делінген

Белгіні оқыр бар адам,

Бақыт құсы келді деп

Қанатына қараған.

Енді қазір осы көгершінді бейбітшілік тілеп, соғыс болмасын, тыныштық болсын деп қарсы алайық.

Би: «Ақ көгершін» («Ақ көгершін» әні (Сөзі:Н.Баймұхамедов; Әні:А.Жұбанов) үнтаспадан ойналып тұрады, ақ көйлек киген қыз екі қолында көгершіннің қанаты тағылған залды айналып, қолын самғап жүріп билейді.)

Жүргізуші:- Балалар, айтындаршы, біздің Отан қалай аталады?

Балалар: - Қазақстан.

Жүргізуші:- Иә, балалар, біздің Отанымыз – Қазақстан. Отан адамның туып-өскен жері, атамекені. Ал, Отан туралы тақпақ білесіңдер ме?

Ұлдар Отан туралы тақпақ айтады:

1.Отан менің ата анам,

Отан досым, бауырым.

Отан өлкем, Астанам,

Отан туған ауылым.

2.Отан тарих, Отан тіл,

Жасаған елім өз халқым.

Отан өлең, Отан жыр,

Көтерген көкке ел даңқың.