1 сынып пәндерін оқыту бойынша анықтама үлгісі

«№3 Кеген орта мектеп мектепке дейінгі шағын орталығымен» мемлекеттік мекемесінің І тоқсан бойынша 1 «а» сыныбының пәндерінің оқытылуы жайында

Анықтама

Сауат ашу пәні бойынша І тоқсанда 48 сағат және аптасына 6 сағат өтілді. «Өзім туралы» тарауында оқушылар сөйлеу түрлерін, сөз және сөйлем құрастыруды, сөздерге дыбыстық талдау жасауды, сөздерді буынға бөлуді, дыбыстардың айтылуы, өз ойларын еркін айтуды білді. «Менің мектебім» тарауы бойынша оқушылар дыбыстарды тануды және оларды ажыратуды, бірі біріне сәйкестендіріп оқуды бастады. А, Н, Л,Р, О, Т, У дыбыстарымен таныс болып, сөздер құрастыруды оқуды білді. Сауат ашу пәнінде айтылым, оқылым, жазылым, тыңдалым болып отырады. Айтылым кезінде оқушылар «өз туған елі», «сыныптағы танысу», «оқу құралдарымен таныс болайық», «әдептілікке үйренейік», «маған ұнайтын өлеңдер» тақырыптарында әңгіме айтып, өз ойларымен бөлісті. Тыңдалым бойынша аудио жазбаны пайдаланылып, ондағы тыңдалған мәтіннің мазмұнын айтуды, өз ойларын еркін жеткізуді үйренді. Жазылым барысында оқушылар №1 жұмыс дәптерін бітіріп, №2 дәптерлері бойынша дыбыстарды жазып үйренуде. Оқылым дағдысы бойынша оқушылар А, Н, Л,Р, О, Т, У дыбыстары бойынша құрастырылған сөздерді пайдалана отырып, оқып отыр. Бекжан Бақжанат, Мұратұлы Диас, Нұркелдіұлы Көркем, Шамғали Аружан сынды оқушылар өз сыныптастарынан ерекше жылдам оқып отыр.

Математика пәні бойынша І тоқсан бойынша 32 сағат, аптасына 4 сағат сабақ өтілді. «Сандар мен цифрлар» тарауы бойынша оқушылар заттарды санауды, реттік санауды, сандарды салыстыруды, артық, кем, 1-10 ға дейінгі сандардың құрамдарымен, біртаңбалы сандарды қосу және азайту, қаншаға артық? Қаншаға кем? салыстыра білуді үйренді. «Геометриялық фигуралар» тарауы бойынша заттардың айырмашылығын, кеңістік фигураларын, жазық фигураларды, жазық фигуралардың модельдерін жасауды танып білді. «Шамалар және өлшемдер» тарауы бойынша заттарды ұзындығы бойынша салыстыруды, ұзындықты өлшеуді, заттарды массасы бойынша салыстыруды, массаны өлшеуді білді. Қалыптастырушы бағалау бойынша жұмыстар жүргізіліп 1-10 ға дейінгі сандармен есептер шығарылып отырылды. Кері байланыс жасауда «фишбоун» әдісі пайдаланылып үйрене білді. Сабақ барысында оқушылар бағаланып, мақтау мадақтау жұмыстары жүргізілді. Логикалық ойлау қабілеттері дамыған Бекжан Бақжанат, Еркінұлы Нұржан, Нұркелдіұлы Көркем, Әліқұл Бейбарыс сынды оқушылар ерекше марапатталып отырды.

Жаратылыстану пәні бойынша аптасына 1 рет, І тоқсан бойынша 7 сабақ өткізілді. «Өсімдіктер» тарауында өсімдіктердің ғажайып әлемімен танысып, жанды және жансыз табиғат болатындығын білді. Өсімдіктердің ағаштар, бұталар, шөптер,…