1-сыныпқа арналған сынып сағатының материалы

Мақсаты:

• оқушыларды әдептіліктің алтын ережелерін қастерлеуге, өмір заңдылықтарын білуге үйрету.

• Оқушылардың сөздік қорларын молайту, әдептілік пен әдепсіздік туралы өз ойларын қорытып, тұжырымдай білуге үйрету.

• Үлкенді сыйлауға, адамгершілікке, имандылыққа тәрбиелеу, жақсы қасиетке үйрету, жаман қасиеттен жиренту арқылы адамгершілік қасиетін дамыту.

Шаттық шеңбері

Сабақтың алдында қағаздан қиылған жүрекшелер қобдишаға салынып қойылады.

- Балалар мен бүгінгі сабақта көргеніме қуаныштымын. Сендердің күлімдеген жүздеріңді көріп, сүйсініп тұрмын. Сол себептен мен сендерді көңілашар сәтіне шақырамын! Бұнда түрлі - түсті жүрекшелерге толы. Есімізде түстерді сақтайық. Олар адамның құнды қасиеттерін білдіреді екен.

Қызыл – адамгершілік

Сары - адалдық

Қызғылт - мейірімділік

Көгілдір – сүйіспеншілік

Жасыл-әдептілік

Көк-ізеттілік,

Ақ-қайырымдылық.- Балалар осы жүрекшелерді алып, биікке ұшыруға тырысайық. Балалар жүрекшелерді аспанға лақтырады.- Қараңдаршы қандай керемет! Біздің сыныптың іші осы құнды қасиеттерге толды- Ондай болса бәріміз бірге әдептілік, мейірімділік сыйлайтын күнмен сәлемдесейік

.Сәлем Күн - Анамыз! /қол жоғарыда/Қуанатын күн бүгін / қол ұстасады/Қайырлы таң! Қайырлы күн! /қол көкіректе/Күліп шықты күн бүгін! /қол жоғарыда/

Топтастыру стратегиясыМақал – мәтелдер сөздерін жинау арқылы топтасады:І топ: Әдепті бала — арлы бала,Әдепсіз бала — сорлы бала.

ІІ топ: Жақсыдан үйрен - жаманнан жиренІІІ топ: Әдептілік белгісі – иіліп сәлем бергені,Жақындықтың белгісі — келіп – кетіп жүргені.

ІV топ: Аға әдепті болса - іні әдептіАпа әдепті болса - сіңлі әдепті Осы мақал – мәтелдерді түсіндіріп беріңдерші: (Әр топ өзінің мақал – мәтелдерінің не жайлы екенін түсіндіреді)Шығармашылық жұмыс

Парталарыңыздың үстінде екі парақ қағаздың біріне адам бойындағы жаман қасиеттерді жазыңыздар. Екінші параққа адам бойындағы жақсы қасиеттерді жазасыздар.

Жазып болсақ, жаман қасиеттерді жазған қағаздарыңызды бүктеп қоямыз да ал жақсы қасиеттерді оқимыз

Мұғалім: осы жаман қасиеттерден аулақ болу үшін манағы жазған жағымсыз қасиеттерді жыртып тастайық.

Балалар, енді әдептіліктің алтын ережелері туралы не айта аласыңдар? Соны алдарыңыздағы плакатқа жазамыз және де осы ережені бұзған оқушыларды қалай жазалаймыз?

Мәтінмен жұмыс

Әдептілік

Бір жұрттың үлкен оқымысты кісісі екінші бір елдің байымен сөйлесіп тұрғанда, қастарынан бір жарлы адам өтіп бара жатып, оқымыстыға келіп, басын иіп сәлем береді.Оқымысты басын одан да төменірек иіп сәлемдеседі.Қасындағы бай:

- Тақсыр, осынша біліміңіз бар ғалымсыз. Сөйте тұрып, жарлы адамға соншалық иіліп сәлемдесуіңіздің мәні қалай? – деп сұрайды.Сонда ғалым тұрып:Ешбір ғылым - білім үйренбеген ол кісі әдептілік көрсеткенде, мен одан әдепсіз болып көрінсем, лайық па? - деген екен.

• Жарлы адам мен ғалымның кішіпейілділігі олардың қандай іс - әрекеті арқылы көрінеді?• Әңгімеден қандай ой қорытуға болады? Қорытындылау- Балалар, біз бүгінгі сабағымызда әдептілік, сыпайылық жайлы сөйлестік. Әдепті, сыпайы балалар айналасындағыларға жағымды, сүйкімді екенін түсіндік. Әрдайым әдепті, сыпайы болуға, кездескен адамдармен амандасуды, кешірім сұрауды, өтінемін деген жылы сөздерді үнемі айтуға үйрендік.

№43 жалпы орта білім беретін мектеп

Тақырыбы: «Әдеп пен әдет»

Өткізген: Нұратдинов Қ.Б

Сыныбы: 9 «Б»

Орал, 2019 жыл

Мақсаты:

Жас желектей жайқалып өсіп келе жатқан жас жеткіншектеріміздің санасына ішімдік, темекі, нашаның адам баласын аздыратынын, одан аулақ болу жақтарын мысалдармен дәлелдеп түсіндіру.

Салауатты өмір салтына тәрбиелеу.

Құрал-жабдықтар: плакаттар, суреттер, жемістер, стикер, видеоролик, слайдтар.Мұғалім сөзі:

Елбасының «Қазақстан - 2030» жолдауында көрсетілген өзекті мәселелердің бірі салауатты өмір сүру, оны насихаттау мәселесі. Салауатты өмір салты дегеніміз не? Ол әлеуметтік тұрмыстарды жақсарту, бос уақытты тиімді пайдалану, зиянды әрекеттерден аулақ болу деген сөз. Қазіргі кезде етек алған заманымыздың келесі дерттері шылым шегу, нашақорлық. Өмір - өмір сүру үшін беріледі. Сондықтан да жат қылықтардан аулақ болуға тәрбиелеу және салауатты өмір салтын насихаттау.

Грек тілінде « ұйқы» мағынасын білдіретін «narke» сөзі ағылшын тілінде « narkotik» деген сөзге айналып, ұйықтату, жансыздандыру, сезімсіздендіру деген мағынаны береді.I. Ой қозғау. «Тәні саудың – жаны сау» (сұрақ — жауап).

1. Шылымның зияны тиетін мүше? (Өкпе)

2. Салауатты өмір салты деген не? (Салауатты өмір салты – спортпен шұғылдану, күн тәртібін сақтау, жеке бас гигиенасын сақтау, оң эмоциялардың көп болуы, маскүнемдіктен, нашақорлықтан, шылым шегуден аулақ болу)

3.Адамға ең қымбат. Ол не? (Денсаулық)

4. Денсаулыққа зиянын тигізетін қандай факторларды білесіңдер? (Шылым шегу, ішімдік ішу, нашақорлық, аз қозғалу, жеке бас тазалығын сақтамау)

5. Құрамында этил спирті бар. Ол не? (Ішімдік)

6. Гигиена деген не? (Грек тілінен аударғанда «денсаулық әкелуші» деген мағына береді)7. Темекіден туындайтын ауруларды ата? (қолқа демікпесі, өкпе ауруы).II. Бейнефильм «Ұрпақ шежіресі»

Өмірге адам бір - ақ рет келеді,Жастық шағың өміріңнің кемелі.Күте білсең саулығыңды өрелі,Табиғаттың бергеннен көп берері. Әр топ өздерінің тобының аттары мен ұрандарын айтады.

1 - топ аты. Өз өміріміз үшін күресе білейік! Ұраны: Шынықсаң шымыр боларсың.2 - топ аты. Салауатты өмір салтын қолдаймыз! Ұраны: Нашақорлыққа жол жоқ.3 – топ аты. Өмірімізді ұзарту да, қысқарту да өз қолымызды! Ұран: Талпынған жетер – мұратқа.

III. Топпен жұмыс:

Топтастыру: Енді балалар, нашақорларды теледидардан немесе өмірден көріп жүрміз, баспасөзден оқып жүрміз, ал олардың зардаптары туралы не білеміз, нашақорлық неге апарып соқтырады, осы сұрақтарға жауап іздейік. Сонымен, балалар нашақорлықтың шын мәнінде қоғам үшін, отбасы үшін зардабы зор екенін білдік. Енді мынандай жұптық жұмыс істеп көрейік. Алдарыңыздағы үлестірмені таңдап, тапсырмаға жауап береміз.

1 - топ.

Нашақор адам мен дені сау адамды салыстыру.

2- – топ.

Нашақорлықпен күресу жолдарын іздеу.

3 – топ.

Салауатты өмір сүруге қандай әрекеттер кері ықпалын тигізеді?

Ойын. “Темекі ” сөзінің бас әріптеріне мақал — мәтел немесе қанатты сөз жазу.

Т — тазалық денсаулық кепілі.

Е — екі ауру бір келсе ажалыңның жеткені.