Алтын күз тәрбие сағаты 1-сыныпқа арналған нұсқа

Алтын күз мерекесі

Мақсаты: Күз мезгілінің қыр- сырын жете меңгере білу. Күзгі еңбек және табиғатты сүю, қорғау.

Жүргізуші: Құрметті, оқушылар, ұстаздар , ата-аналар!

Сіздерді Алтын күз мерекесімен құттықтаймыз, сіздерге зор денсаулық, молшылық тілей отырып, бүгінгі мерекелік концертімізді ашуға рұқсат етіңіздер!

Қоңыр күз келдің бе,

Қабағың түйіліп.

Қауындар, жемістер

Қалыпты жиылып.

Сарғайып жапырақ,

Сыр тартқан өзгеден,

Суынып атырап,

Салқындық көздеген.

Қыздар тобының орындауында «Құстар қайтып барады» әні.

Құрметті халайық ,бүгінгі ертеңгілігіміз 2 бөлімнен тұрады.

І бөлім: Мерекелік ертеңгіліктің ашылу салтанаты

ІІ бөлім: Бар сыйымыз сізге, «Алтын күз!» сайысы.

1. Таныстыру (қорғау)

2. Мәнерлеп оқу

3.Білімін тексеру 2-3-ке тыйым сөз 4-ке мақал

4. Тамақ әзірлеп әкелу және оны дай. жолын айту

5. Кепкен жапырақтардан бір затты бейнелеу

6. Өз өнерін көрсету.

7. Кім епті? ( 2-3-ке картоп аршу, 4-ке қияр мен қызанақты тарелкаға әдемілеп турап, салу

1-оқушы: Қуандырып біздерді

Мерекелі күз келді

Кел жемісті алтын күз

Кемелденсін халқымыз

Ортаға себет толы жемістері бар Күз келеді (қол соғып қарсы алу)

Күз: Сәлем өрен достарым

Өмірге көп қосқаным

Қымбатты сый алыңдар

Молайтыңдар шаттықты

Ән айтыңдар бақытты..

2-оқушы: Астық жеміс жиылды

Қамбамызға құйылды

Ардақты күз мың алғыс

Алдық өнім сыйыңды

Хормен: Ардақты күз мың алғыс.

Күз: Мен күзбін, өте еркемін, сәл нәрсеге ренжіп бұртиып, қабағымды түйе қаламын. Кейде болмашыға өкпелеп, көз жасымды аямай төгіп- төгіп жіберемін. Әйтсе де менің жомарттығым мен ақкөңілділігім үшін бәрі де ұнатады.

1-оқушы: Иә, біз сізді дархан алтын күз деп байлық, молшылық, дархан алтын күз деп білеміз.Біздің сізге аранаған сыйымыз бар .Қыздарымыз сізге арнап өз өнерлерін көрсетпек.

Би:Көбелектер

2-оқушы: Көбейді құт- береке

Астық толы қоймамыз

Құтты болсын мереке

Алтын күзді тойлаймыз.

Күз: Барлығыңды қимаймын

Барымды мен сыйлаймын

Бір айға бір демім

Өздеріңмен біргемін.

Жүргізуші: Уа, халайық, халайық!

Мұнда назар салайық.

Мерекесі халықтың,

Алтын күзді бастайық

Алтын күзге арналған

Сайысты біз бастайық.

Жемістер жүр қадамын аңдап басып,

Келеді міне ортаға толқып –тасып.

Бөбектерін өбектеген халқым менің

Көңілді қошеметпен қарсы алайық!