11-сыныпқа арналған Махаббат – өмір нәрі ашық сабағы

Өзін – өзін тану жоспары

Мектеп: №6 ХГ Мерзiм:

№ 7 сабақ Cыныбы: 11 «А»

Тақырып: Махаббат – өмір нәрі

Құндылық: Сүйіспеншілік

Қасиеттер: Қадірлеу, бағалай білу, сүю

Мұғалімі: Рыспаева А.А

Мақсаты: «Махаббат» құндылығы туралы түсініктерін кеңейту. Адам бойындағы махаббат сезімін, сүйіспеншілікті танып, оны құрмет тұтуға баулу;

Міндеттері:

-Өмірдің бар жақсылығының негізі махаббат екенін, ал сүю мен ғашық болу жаратылыстың адамға берген ерекше нұры екендігін түсіндіру;

-Адамды, өмірді, табиғатты, сүйе білуге баулу, оны қадірлеп, бағалай алу сезімдерін дамыту;

-Сүйіспеншілікке, нәзіктікке, махабатты бағалай білуге тәрбиелеу.

Сабақ барысы:

Ұйымдастыру кезеңi. Сәлемдесу, оқушыларды түгелдеу, «5Т» ережесін еске түсіру.

Тыныштық сәтi. «Нұрға бөлену».

Ыңғайланып отырыңыздар, денелеріңізді түзу ұстаңыздар. Аяқ- қолыңызды айқастырмаңыз. Қолыңызды тізеге немесе үстелге қоюға болады. Көздеріңізді жұмуларыңызды өтінемін.

Соңында оқушылар өз әсерлерімен бөліседі.

2.Үй тапсырмасын тексеру.

М.Әуезов. «Абай жолы» /үзінді/

1. Өнерлі тіл арқылы жүрек үнін қалай сездіруге болады ?

2. Тоғжанды сұлу етіп тұрған қандай күш ?

3. Махаббаттың адам өміріне, оның айналасындағыларға әсері қандай ?

Сабақ барысын талқылау:

3. Дәйексөз.

«Сүюге үйрету, махаббатты тануға үйрету, бақытты болуға үйрету, бұлар өзіңді – өзің құрметтей білуге үйрету, адам баласының бойындағы қасиетке үйрету болып табылады.» А.С.Макаренко

Оқушыларға махаббат барша сезімдердің жиынтығы екенін түсіндіру. Оқушылар дәйексөз мағынасын ашып, дәйексөз дәптеріне өз ойларын жазады.

Әңгiмелеу, оқиға айту:

Оқушыларға қазақ халқының қос ғашығы болған «Қозы Көрпеш – Баян сұлу» туралы бейнебаянын көрсету.

Қозы Көрпеш — Баян Сұлу — XIII-XIV ғасырлардан бастап жыр жыры. Поэма Сыбанбай, Бекбау, Жанақ, Шөже ақындардың орындауында ауызша таралған. 20-ға жуық нұсқасының ішінен ең белгілісі - Жанақтың нұсқасы. Алғаш ел арасынан жинап, хатқа түсіргендер: Г.Саблуков (1830), Ғ.Дербісалин (1834), А.Фролов (1841), Шоқан Уәлиханов (1856). Жырдың мазмұнын М.Путинцев орыс тіліне аударып бастырды (1856), кейін В.Радлов "Түркі тайпаларының халық әдебиеті үлгілері" жинағының 3-томына енгізді (1870).

Жырдың кейіпкерлері

Қозы — бастапқы кейіпкер. Ол алдынан шыққан қиыншылықтарға қарамастан, өз сезіміне берік болып, шынайы махаббаттың бар екендігін дәлелдейді.Баян — ақылына…