15 сәуір Қозы Көрпеш – Баян сұлу күніне байқау сценарийі

«15 сәуір - Қозы Көрпеш – Баян сұлу» күніне арналған сценарий

1 – жүргізуші: Армысыздар құрметті жиылған қауым!

2 –жүргізуші: Аса құрметті ұстаздар, студенттер, колледж ұжымы бүгінгі 15 сәуір - Ғашықтар күніне арналған колледжіміздегі белсенді студенттер арасында , Студенттік Парламенттің ұйымдастыруымен өткізілетін «Қозы Көрпеш – Баян сұлу» атты сайысымызға қош келіпсіздер!

1 –жүргізуші: Қазақ халқы ежелден махаббат сезімін, оның нәзік қылын, пәк махаббатқа жету жолындағы жүректі тербетер сан қилы оқиғаларды мейлі, өз жұртында болсын, мейлі, өзге жұртта болсын, жырлап, ұрпақтан-ұрпаққа жалғастырып отырған.

2 – жүргізуші: 15 сәуір – Ғашықтар күні қарсаңында тарихымыздағы қос ғашықтарымызды еске түсіре отырайық: Ләйлі –Мәжнүн, Жүсіп-Зылиха, Фархад-Шырын, Таһир-Зухра, Арзу-Қамбар, Еңілік-Кебек, «Қыз Жібек пен Төлеген , Қалқаман-Мамыр, Естай-Қорлан, Қозы Көрпеш-Баян сұлу. Аталған ғашықтардың арасындағы махаббат – шынайы, пәк, қазіргі жастарымызға үлгі боларлық.

1 – жүргізуші:

Қанша ғашық арманына ұмтылды,

Қанша жүрек құштарлықпен бұлқынды,

Ғашықтарды құрмет тұтып адамзат,

Ешқашанда ұмытпайды бұл күнді!

Шуақ шашып қап - қараңғы түнектен,

Ғашықтарды пәк сезіммен нұр сепкен,

Жарық болсын әрқашан да жұлдызың,

Құттықтаймыз , Қозы Көрпеш-Баян сұлу күнімен !!! – дей келе, сайысымызды бастаймыз!

2 – жүргізуші: Сайысқа колледжіміздегі белсенді студенттер, атап айтқанда: бөлім старосталары, «АСК», «Жас Отан»ұйымының , «Оратор дебат-клубының», «Студенттік Парламент» кординаторлары қатысады.

1 – жүргізуші: Сайыс 3 кезеңнен тұрады:

1 – кезең: «Махаббат лирикасы» (Ғашықтық, махаббат жайлы өлең жолдарын оқу және ән шырқау, видео көру.)

2-кезең : «Ұшқыр ойлы, жүйрік қиял жұпсың ба?" (Ғашықтық жайлы дастан, шығармалардан сұрақтар қойылады)

3 – кезең: «Әуенді анықта»

2 – жүргізуші:

Шын жүйрік сыналатын кезең келді,

Көрейік тамашалап сайысты енді.

Әділқазы ойы терең,ақылы кең,

Саралап,әділ баға берсін енді, - дей келе алдымен әділқазы алқасымен танысып алайық:

1- жүргізуші. Сайысымызды сіздердің рұқсаттарыңызбен бастаймыз! Олай болса, ортаға 1-жұп - «Бастауыш білім беру» бөлімінің старостасы ................... мен ......... – ты ортаға шақырамыз!

2 – жүргізуші : Ғашық жүрек сүйгені үшін бола алмайды жазалыАдам азса ғашықтықтың жоқтығынан азадыҒашық жыры-тіршіліктің көкейкесті өлеңі.Ешбір геометрияменӨлшенбейтін көлеміБұл сезімнің ұшан-теңіз адамзатқа береріҒашық болу келсе кімнің қолынан,әлем соған сенедіҚұлай сүю- ерлікпен тең себебі! 2-жүргізуші: Ия, қандай керемет өлең жолдары. Бұл Мұхтар Шахановтың поэзиясынан алынған емес пе?

1 – жүргізуші: Иә, ұлы сезімді жырламаған ақын жоқ шығар? Олай болса ортаға ұлы сезімді жеткізетін келесі жұбымызды ортаға шақырамыз: «Қазақ тілі мен әдебиеті» бөлімінің старостасы ................... мен ......... – қошеметпен қарсы алыңыздар.

2 – жүргізуші: Өте тамаша!

Уа, халайық, қараңдар,

Үлкен-кіші жарандар.

Еліктірер адамды,

Өнерімен әп - сәтте-ақ.

Жанды жаулап алатын,

Өнерлі жұпқа қараңдар, - деп келесі жұпты ортаға шақырамыз: «Мектепке дейінгні білім беру» бөлімінің старостасы мен ...... .

1 – жүргізуші: Бәрекелді! Өнерімен таңғалдыратын келесі жұбымыз «Шет тілін оқыту» бөлімінің старостасы мен ...... .

2 – жүргізуші: Бүгінгі жұптарымыз барлығы ерекше лайындықпен келіпті? Қошеметтеп, қолдау көрсетіп отырайық. Көңілдеріңізден шығатын келесі жұп «Дене тәрбиесі және спорт» бөлімінің старостасы.... мен ...... .

1- жүргізуші: Келесі өнер көрсететін колледжіміздің президенті Саулетбекова Іңкәр мен .....

Қошеметтеріңіз!