16 желтоқсан Тәуелсіздік күні туралы мақала

16 желтоқсан –тәуелсіздік күні

Өсер елдің қай сәтте де бірлік болмақ қалауы,

Лаула , лаула желтоқсанның мұзға жаққан алауы.

Өздеріндей өр намысты жас өркені бар елдің,

Ешқашанда еңкеюге тиісті емес жалауы!

(М.Шаханов)

Қазағымның төл тарихын оқып-білу не үшін керек? Өз тарихымызды, өзге халықтар мен мемлекеттердің тарихын оқып, үйрену біз үшін ата-бабаларымыз қандай болғанын, қазір қандай екенімізді біліп, жан-жақты саралау үшін қажет деп ойлаймын. Біз тарихты білу арқылы өте маңызды оқиғаларды есте сақтаймыз. Туған жер, ата-бабаларымыздың батырлық, ерлік дәстүрі, тыныс-тіршіліктерін тарихқа көз жіберіп, оны жан-жақты оқып, көкірегімізге тоқып, анықтаймыз. Өнеге алып, болашағымызды болжап, қателіктерін қайталамауға тырысамыз.

Халықтың бастан өткерген тарихының әр беті мен үшін қымбат!

Қазақ елінің тарихын халықтың бастан өткерген мына оқиғаларын айтып өткен дұрыс. Ғасырлар қойнауының белестеріне үңілсек, өз жерін еш жауға бастырмаған, шыбын жанын шүберекке түйіп, садақ ұстап қол күшіне сеніп, найзаның ұшына үкі таққан ұлдары мен қыздарының жауынгерлік үлгісі бізге аманат болып жеткен. Солар көрсеткен үлгі, ұрпақтан -ұрпаққа табиғи түрде ауыса келіп 1986 жылғы желтоқсан жаңғырығына әкелді.

1991 жылы 16 – желтоқсан Тәуелсіздік таңын аттырды. Менің есіме Тәуелсіздік желтоқсан оқиғасы арқылы есте қалады, өйткені мен – сол ғасырдың перзентімін, оған өзімнің куә болғаным – мен үшін шексіз қуаныш. Халқыма ғасырлар бойы арман болған тәуелсіздік, егемендік ұстанымдарын биікке көтеретін бұл күн – біздің Отанымыздың әрбір азаматы үшін қастерлі мереке. Бізді бұл күнге дейін жеткізген ұмытылмас оқиғалар – ел қорғау соғыстары, ұлт – азаттық көтерілістері, қандай ауыртпалықты да көтере білген , жасымайтын асқақ жігерлі рухы, қайтпайтын табандылығы - өшпес өнеге, өлмес мұра. Осылайша бұл тәуелсіздік күнінің оңайлықпен келмегенін білеміз. Ата – бабаларымыздың алдында тәуелсіздік үшін күресу мақсаты тұрған болса, біздің алдымызда оны нығайта түсу міндеті тұр. Байтақ ел, күн сәулелі Қазақстан келісімі жарасқан прогрессивті адамзатпен бір сапта болу үшін жаңаша өмірге қадам басты, дамудың даңғыл жолына түсті. Егемендік алған жылдар ішінде өзіне тән барлық институттары бар, әлемдік қауымдастықтың ықпалды…