16 желтоқсан Тәуелсіздік күні эссесі

16 желтоқсан - тәуелсіздік күні

Біз тәуелсіздікті ақылмен, ата-баба

жолымен алдық деп ойлаймын

(Н.Ә. Назарбаев)

1991 жылы 16 желтоқсанда еліміз «Қазақстан» деген атпен бүкіл әлемге тәуелсіз мемлекет болып жарияланды. 16 желтоқсан-еліміздің тәуелсіздік күні. Бұл күн –біз үшін үлкен мейрам. Бірақ, біз егемендік біздің елімізге қандай жолмен келгенін жақсы білеміз. Қазақстан үшін, қазақ халқы үшін тәуелсіздік жеңілдікпен келген сый емес еді. Халқымыз бостандықты аңсап, тәуелсіздікке зарығып жетті. Тәуелсіздік жолында еліміз өте көп қиыншылық көрді. Бірақ барлық қиыншылықтарға қарамастан, халқымыздың бостандыққа ұмтылысының және өшпес қайсар рухының арқасында Қазақстан тәуелсіздікке жетті. Тәуелсіздік алғаннан кейін де халқымызда, елімізде бірнеше қиыншылықтар болды. Мысалы: конституцияны бекіту, мемлекетіміздің ұлттық волютасы- теңгені енгізу, шекараны белгілеу және тағы да сол сияқты. Бұл іс-әрекеттердің ең басты мақсаты-егемендігіміздің айғағы. Қазіргі Қазақстан әлем сахнасында мақтанарлықтай беделге ие. Жас мемлекет болғанымен, Қазақстан көптеген экономикалық, саяси және әлеуметтік жетістіктерге жетті. Және де қазақ елінің басқа мемлекеттермен қарым-қатынасы өте жақсы. Мемлекетіміз жас болса да басқа мемлекеттерге қарағанда көш ілгері.

Менің елім нық тұрған, егеменді, тәуелсіз, мықты ел.

Қазіргі таңда «Тәуелсіздік күні»- барлығымыз үшін ерекше қасиетті күн. Бұл бірліктің, ынтымақтың және татулықтың күні. Мемлекетіміздің тәуелсіздігі-ең алдымен халқымыздың бақыты. Бақытты да, тыныш мемлекетте өмір сүру сондай керемет!