16 желтоқсанға арналған тәрбие сағаты

Тәрбие сағат мақсаты: оқушыларды тәуелсіз еліміздің қысқаша тарихымен, мемлекеттік рәміздерімен таныстыру. Желтоқсан оқиғасы арқылы жүздеген жылдар бойы бабаларымыздың армандаған егемендігіне қол жеткізгенімізді, осы тәуелсіздікке жету жолында талай боздақтарымыздың жалған айыппен шейіт болғандарын көрермендерге жете ұғындыру, оқушылардың дүниетанымын кеңейту.

Тәрбие сағат көрнекіліктері: Мемлекеттік рәміздер, тақырыпқа байланысты жазылған плакаттар, «Тәуелсіз Қазақстан» бұрышы.

Тәрбие сағат барысы: Құрметті ұстаздар, оқушылар, бүгінгі кештің қонақтары! Сіздерді еліміздің ең үлкен мерекесі Тәуелсіздік күнімен құттықтай отырып, бүгінгі «Тәуелсіздік – теңдесі жоқ байлығым» атты тәрбие сағатымызды тәуелсіздіктің 24 жылдығына арнаймыз.

Қазақстан Республикасының мемлекеттік әнұраны орындалсын!

Гүлнұр: Осыдан 29 жыл бұрын, яғни 1986 жылы Алматының бас алаңында желтоқсан оқиғасы болды. Бұл оқиға дүниені дүр сілкіндірді. Ондаған жылдар бойы іште жинақталған наразылықтың бұрқ етуіне Мәскеудің республика халқының пікірімен еш санаспастан, ел мүлде білмейтін Ресейдің Ульянов облыстық партия комитетінің басшысы етіп қоюы себеп болды. 1986 жылы желтоқсандағы көтеріліске жастар жаман оймен барған жоқ. Олар бейбіт жолмен тәуелсіздікке қол жеткізу үшін қатысқан.

Қазбек: Жалғасып соғыс өрті сан ғасырға,

Біз көрдік қас дұшпанның балтасында.

Еліме тәуелсіздік келіп жетті,

Мың жылдық күрестердің арқасында.

Несібелі: Жаңғырды халқымыздың мың өшкені

Бар мұнда сан ұрпақтың үлестері.

Ел үшін мәңгілікке жалғасады.

Ақыл - ой, ар - намыстың күрестері.

Ерсұлтан: Ұлан-ғайыр далам менің кеңдігім,

Ұзақ күтті - ау елім менің теңдігін

Ата - бабам армандаған, аңсаған

Ұрпақтары көрді тәуелсіздігін.

Балқия: Тәуелсіздік бізге оңай келмеді,

Күрескерлер осы күнді көрмеді.

Қаны менен жанын берген ерлердің

Есімдері биіктерге өрледі.

Гулмира: Тәуелсіздік көптен күткен бақытым

Әзер жеткен баға бермес жақұтым

Өркендей бер, пейілі кең қазағым

Қалықтасын көк аспанда бақ құсым.

Хор: «Желтоқсан желі»

Ақнұр: 1986 жылғы желтоқсан оқиғасына биыл 29 жыл толды. Алаңға шығып өз ойларын айтуға тырысқан қазақтың өрімдей қарусыз жастарына мұздай құрсанған солдаттар мен милиция қызметкерлері қарсы қойылды. Қыз - жігіттерді аяусыз таяққа жықты, түрмеге қамады. Қайрат Рұсқылбеков, Ербол Спатаев, Лаззат Асанова сынды жаңа ғана бүршік атып келе жатқан талшыбықтай жастарымыздың өмірін көктей үзді. Ендеше сол желтоқсан оқиғасының құрбандарын 1 минут еске алайық.

Қуаныш: осы желтоқсан көтерілісіне қатысқан ағаларымыз бен апаларымыздың арқасында ата-бабаларымыз үш ғасырға жуық уақыт бойы армандаған тәуелсіздікке қол жеткіздік. Бұл оқиға дүниені дүр сілкіндірді. Бұл желтоқсан көтерілісіне қазақ ел аузында жүрген, тарихта аты қалған Қ.Рысқұлбеков, Л.Асанова, С.Мұхаметжанова, Е.Сыпатаев апаларымыз бен ағаларымыз қатысты.

Әсемай:Осы оқиғадан кейін арада 5 жыл өткенде 1991 жылдың желтоқсан айының 16-сы күні қазақ елі шынайы тәуелсіздік алды. Биыл, міне, 24 жыл толып отыр.Тәуелсіздік, бұл-басымызға қонған бақ, бақыт.

Ақниет: Көк аспанда тулардыңЖелбіреген күні - бұл,Елім деген ұлдардыңЕлжіреген күні – бұл.

Ақмарал: Тойланып мың мереке ұлыс күні,

Құйылған шаңырақтан ырыс нұры.

Халқымның бақыты үшін аз байлық па,

Тәуелсіз еліміздің тыныштығы.

Ішкі жау балағыңнан қаппасын кеп,

Сыртқы жау пәле - жала жаппасын тек.

Мен әркез отырамын Тәуелсіздік,

Қадірін білмегеннен сақтасын деп.

Сағи: Бақтың құсы әр адамға қонып бір