№17 Шұғыла бөбекжайындағы инклюзивті білім беру жүйесі

Сақтағанова Анаргул Амандыковна

МКҚК №17 «Шұғыла» бөбекжай- балабақшасының дене шынықтыру жетекшісі

Тақырыбы: МКҚК №17 «Шұғыла» бөбекжай- балабақшасындағы инклюзивтік білім беру жүйесі

Абайдың 7-ші қара сөзінде айтылғандай « Әр адам анадан туғанда екі түрлі мінезбен туады: біреуі – ішсем, жесем, ұйықтасам деп тұрады, енді біреуі- білсем екен, көрсем екен, үйренсем екен » деген, бірақ барлық бала мұндай мүмкіндікке ие бола бермейді. Себебі, өмір біз ойлағандай емес.... Болашағымызға дайынбыз деп ойлап жүргенде, аяқ астынан біз ойламағандай басқаша келешекке тап боламыз. Алдымыздан шыққан жаңа ситуацияға бейімделуден басқа жол жоқ.Алғашқы әсер- әрине өзімізді ауыр сезіну,көңіл- күй түсініңкі. Ал екінші әсер- алға қарай ұмтылу. Міне, осындай қағидаға сүйене отырып, Ақтөбе қаласында №17 «Шұғыла» мектепке дейінгі ұйымы инклюзивтік білім беру кабинеті жұмыс жасайды. Инклюзивтік білім беру кабинеті 2008 жылы қазан айынан бастап ашылды. Инклюзивті білім беру кабинетінің жұмысы жүйелі түрде жүргізіледі: әр баламен мамандар жұмыс жасайды, Психолог, дефектолог, логопед, әлеуметтік мұғалім. Сондай – ақ команданың белсенді мүшелері баланың ата- аналары болып табылады. Команданың әр мүшесі ортақ жұмысқа өз үлесін қосады – әртүрлі мамандар баланың мәселесін өз көзқарасымен көреді. және оны жоюға мүмкіндік береді инклюзивтік білім беру кабинеті балалардың даму деңгейін, динамика

Сонымен қатар сіздердің назарларыңызға бірнеше түзету-дамыту бағдарламасын ұсынғалы отырмыз:

Эмоциялық қимыл-қозғалысын дамыту.

Сенсорлық қабылдауын дамыту.

Есту арқылы қабылдау мен зейінін дамыту.

Сипап-сезу қабылдауын дамыту

Есте сақтау процесін дамыту.

Ереже бойынша жоспарлық консилиум жылына 3 рет жүргізіледі. Бірақ кейде ата-аналар және тәрбиешілердің сұранысы бойынша жоспардан тыс консилиумдер жүргізілініп отырады.Әр маман консилиумға қажетті құжаттарын дайындайды. Барлығын баланың жеке портфолиосына жинақтайды. Инклюзивтік білім берудің жұмыс формалары- фронтальды, топтық және жеке жүргізіледі.Баламен жеке түзету жұмысын әлеметтік педагог, муз.жетекшісі, дене шынықтыру жетекшісі, медбике, тәрбиешілер бірлесіп жүргізеді.Әр балаға жағымды психо- эмоционалдық атмосфера құру біздің басты міндетіміз.

Ерекше білімді қажет ететін балаларды дамытуда дәстүрден тыс әдістемелер,вариативтік бағдарламалар жүргізіледі:

Тастар құпиясы

Көпіршік патшалығы

Театр Тантамаресок

Фитболмен пилатес

Резистбол

Кішкене музыканттар.

Қазіргі таңда 14 мүмкіндігі шектеулі бала әртүрлі жастағы (4 жастан бастап)білім алуда және екі эксперименттік алаңға қатысуда. Олар:

1.«Дене тәрбиесі жүйесінде дәстүрден тыс әдістер арқылы мүмкіндігі шектеулі балаларды қолдау»

2.«Развитие ансамблевых умений у детей с ограниченными возможностями в процессе создания оркестра».

Жылына 3 рет жүргізілген диагностика нәтижесінен инклюзивтік топтағы балалардың даму деңгейі ілгері екенін көрсетті.

Арнайы мамандардың күнделікті жасалған еңбегі – ұлы іске айналуда. Біз өз тәжірибемізбен Ақтөбе қаласындағы мектептермен бөлісіп отырамыз.Біздің мектепке дейінгі ұйымында міне 3 жылдан бері шебер класстар өткізілуде. Жылдан жылға мүмкіндігі шектеулі балалардың өмір сапасы өзгеруде. Біз олардың болашақта тік тұруына шамалы да болса көмегімізді беруге әрдайым дайынбыз.

Бүгін біз армандар әрқашан орындалады деп үлкен сеніммен айта аламыз.

Түзете-дамыту бағдарламасын құруда және оны жүзеге асыруда мамандар міндетті түрде бірігіп әрекет етеді: жұмыстың нәтижесін бірге талқылайды, балада болған өзгерістерді, алдағы сабақты өткізуге ұсыныстар айтады, бағдарламаға түзетулер енгізеді.

Мақсаты: Мектепке дейінгі жастағы мүмкіндігі шектеулі балаларға жүйелі педагогикалық, әлеуметтік –психологиялық көмек көрсетіп оларды қалыпты дамыған балалардың ортасына кірістіру.

Міндеттері:

1) тірек қимыл аппараты, зияты, естуі, көру қабілеті бұзылған балаларды әлеуметтік оңалтуда, оларды қалыпты дамыған балалардың ортасына кірістіруде жүйелі педагогикалық, әлеуметтік –психологиялық көмек көрсету;

2) Баланың мәселесін жүйелі түрде пәнаралық команда мамандарының тексеруі мен түзету- педагогикалық, және әлеуметтік көмек көрсету үшін баланың қажеттілігі мен мүмкіндіктерін анықтау;

3) баланың дамуын әлеуметтік жағдайда ескеріп, жеке дамыту бағдарламасын құру және өңдеу;

түзете- дамыта оқыту формасын жеке және топтық түрде өткізу;

мүмкіндігі шектеулі балаларды отбасында тәрбиелеуде ата-аналарды оқыту және кеңес беру;