2 сынып бастауыш сыныпқа арналған он жеті беттік ашық сабақ

«Жол қозғалысы ережелері»

оқу бағдарламасы

3 «Л » сынып

Сынып жетекшісі: Мустафина А .А

«Жол қозғалысы ережелері» оқу бағдарламасы

2-сынып

р\с

Айы

Тақырыптың атауы

Сағат саны

Өтілу уақыты

Қыркүйек

Білім алушылардың көшеде және жолдарда жүрудің негізгі ережелері

Қазан

Реттелмейтін жол қиылыстары

Желтоқсан

Реттеуші және оның белгілері

Наурыз

Трамвайда және көліктің басқа түрлерінде сапарға шығу

Сәуір

Мектепке жол (Сенің күнделікті бағытың)

Мамыр

Қорытынды сабақ

«Жол қозғалысы ережелері» оқу бағдарламасы

3-сынып

р\с

Айы

Тақырыптың аауы

Сағат саны

Өтілу

уақыты

Қыркүйек

Балалардың көшеде,жода жүру ережелері

Қазан

Қай жерлерден жолдан өтуге болады?

Желтоқсан

Жол жүру белгілері мен таңбалары

Наурыз

Жарақаттанғанда көрсетілетін алғашқы медициналық көмек

Сәуір

Сен –велосипедші

Мамыр

Қорытынды сабақ

Сабақтың тақырыбы: Білім алушылардың көшеде және жолдарда жүрудің негізгі ережелері

Сабақтың мақсаты: Оқушыларға көше, жол туралы түсінік беру. Көше мен жолда өздерін қалай дұрыс ұстау керектігін түсіндіру.

Көше мен жолда өзін дұрыс ұстай білуді дағдыға айналдыруға үйрету.

Оқушыларды жауапкершілікке, жол ережесін бұлжытпай орындай білуге, өзіміздің шағын ауданымыздағы жол ережесі мен белгілерін есте сақтау дағдысына тәрбиелеу.

Сабақтың түрі: жаңа сабақ

Сабақта қолданылатын әдіс – тәсілдер: сұрақ – жауап, әнгіме, ойын.

Сабақтың көрнекілігі: тақырыпқа байланысты суреттер.

Сабақтың барысы:

Сәлемдесу.

Оқушылардың дайындығын тексеру.

Өткенді еске түсіру.

Кіріспе: - Көшенің қауіптілігін дамылсыз жүріп жатқан автокөліктердің тізбегінен байқауға болады. Автокөліктердің көптігі және күннен күнге көбейе түсуі көшедегі жағдайды реттеуге қиындық келтіруде. Сондықтан әр адам көшеде және жолда қауіпсіздікте болу үшін жол ережесін білуі тиіс.

Жаңа сабақ: - Жолға шыққан балалар кездейсоқ қатерге ұшырамау үшін өздерін тәртіпті, әрі ұқыпты ұстап, ереже талабын бұзбауы тиіс. Ол үшін жол ережелерін жақсы біліп қана қоймай , оның талаптарын орындауға дағдылана білу маңызды.

Қазақстан қалаларында күн сайын бірнеше бала көлік апатына ұшырайды. Өмір мен денсаулық үлкен – кішінің барлығына бірдей қымбат. Оны сақтаудың шарты – жолда жүру ережелеріне бағыну.

«Бағдаршам» ойыны. – Қане, барлығымыз өзіміз білетін ережеге сәйкес, бағдаршам ойынын ойнайық. (Қызыл – дегенде орнымызда тапжылмай отырамыз. Сары - дегенде орнымыздан тұрамыз. Жасыл – дегенде орымызда адымдап жүреміз.)

Көрнекілікпен жұмыс: - тақтаға ілінген суреттерге байланысты сұрақтар қою.

Шығармашылық тапсырма: «Мен көшеде жүргенде» осы тақырыпқа шағын эссе жазып көріңдер. 3 минут уақыт беремін. (оқушылар жазғандарын оқиды)

Сабақты қорытуға арналған сұрақтар:

-Өздерің білетін көше аттарын ата.

Көшелерге ат қою не үшін қажет?

Көшеде жүру тәртібін айт.

«Жаяулар өтетін жол» дегеніміз не?

Оқушылар өздерін көшеде қалай ұстауы тиіс?

Олар көшеден өту үшін неге зейін аудару керек?

Көше тәртібін бұзу неліктен қауіпті?

Оқушыларды бағалау, мадақтау.

Сабақ аяқталды.

Тақырыбы: Жарақаттанғанда көрсетілетін алғашқы медициналық көмек

Мақсаты: Жол-көлік оқиғалары кезінде жарақаттанғанда алғашқы көрсететін медициналық көмек туралы оқушыларға түсінік қалыптастыру, көмек көрсету түрлерімен таныстыру

Жол ережелерін сақтауға,орындауға дағдыландыру.

Көрнекілігі: суреттер

Әдіс-тәсілі: сұрақ-жауап,әңгімелеу.

Саб.түрі: жаңа сабақ

Сабақтың барысы:

1.Ұйымдастыру кезеңі.

2.Өткенді еске түсіру.

-Жол апатынан адамдар қандай жарақаттар алады?

-Автокөлік қаққан адамдар қандай жарақат алады?

-Қан кетудің қандай түрлері бар?

-Қан кетуде көрсетілетін алғашқы жәрдем қандай?

3.Жаңа сабақ.

Автокөлік апатынан қай кезде де адамдар жарақаттанады. Көшеде жарақаттанған,қолынан немесе аяғынан қан кетіп жатқан адамға қалай көмектесеміз?

Веналық,капиллярлық қан кетуде жарақаттанған жер қысылса,таңылса болғаны, ал артерияллық қан кетуде- тамырды таңбайынша ол тоқтамайды. Жарақаттанған жер адамға көрініп тұрса, онда адам өзіне-өзі алғашқы медициналық жәрдем көрсете алады.Қан тамырын саусақпен қысу, ол жерді қысып таңу.Алдын-ала жарақаттанған жерді анықтап, байқап, жуып-шаю ерітінділерді спирт,йодты пайдалануға болады.

Жаяу жүргіншіні көлік соққанда кездесетін жарақаттарға мүшенің көгеруі, ісінуі, қан тамырлардың жарылуы, қан кету, соққының күшінен мидың шайқалуы, адамның естен айырылуы жатады. Мұндайда, әсіресе, кейінгі жағдайда жарақаттанған адамға тыныштық керек, яғни қозғалтуға болмайды.

4.Жол белгілерін еске түсіру, атау.

5.Сабақты қорытындылау.

- Қан кетуді тоқтату жолдары қандай?

- Жол-көлік оқиғаларына ұшырағандар қандай жарақаттар алады?

- Көлік қаққан жаяу жүргіншілер қандай жарақат алуы мүмкін?

Тақырыбы: Балалардың көшеде,жода жүру ережелері

Мақсаты: Оқушыларды жолда дұрыс жүріп-тұруға тәрбиелеу. Қоғамдық мекемелердің күнделікті тұрмыста алатын орны , онда көптеген адам жұмыс істейтінін айтып түсіндіру. Олардың қандай көліктермен жұмысқа баратынын анықтау.

Қалалық және ауылдық жерлерде жолда жүру ережесінің айырмашылығын анықтау. Жол белгілерін ажырата білуге баулу. Жол жүру ережесін сақтауға тәрбиелеу.

Көрнекілік: Үй макеті , бағдаршам , жол белгілері.

Сабақ барысы

І. Ұйымдастыру кезеңі.

ІІ. Сынып сағаты.

-Балалар біз бүгін « Жол тәртібін жадыңда сақта » тақырыбында сынып сағатын өткіземіз.

Мұғалім: Жолда жүру ережелеріне арналған сынып сағатымызды Шөмішбай Сариевтің мына өлең жолдарымен бастаймыз.

Арманға алдан күткен асығамыз,

Біз қалай толқын атпай басылармыз.

Жол жүру ережесін жақсы біліп,

Сақтықта тұра алатын жас ұланбыз.

Жалғайтын достастырып бар елменен,

Жолдардан тұрады ғой әлем деген.

Бүгінгі бізге келген қонақтарға,

Алдымен беріледі сәлем деген.

1-оқушы:

Жол тәртібі кімге керек – бірге ойланып көрелік,

Әрқайсыңның қылығыңа әділ баға берелік.

Ережені жақсы білген ортаға шық, жас ұлан,

Біліміңді сарапқа сал, біз етейік төрелік.

2-оқушы:

Қызыл көзін ашқанда,

Сынық сүйем баспа алға.

3-оқушы:

Сары көзін ашқанда,

Қарап қалма аспанға.

4-оқушы:

Жасыл көзін ашқанда,

Өте бергін жасқанба.

Ескерту белгі:

Өзі қызыл, үшбұрышты ескертуің мен болам,

Хабарлайтын бар қауіпті, оң сапарды жолдаған.

Тыйым салу:

Мен бәріне әрқашанда тыйым салып тұрамын,

Қауіп болса алда тұрған, жібермеймін бір адым.

Түсім қызыл, өзім шеңбер сызық болып бітемін,

Осы жолы үндемеймін, барма тағы сұрағың?

Анықтама:

Белгімен көрсетер жылдамдық пен бағытты

Ой, шұңқыр, бұрылыс, қатерді, қауіпті.

Барлығын да анықтап көрсетіп жіберем,

Сондықтан бәрі де мені тез таныпты.

5-оқушы:

Баратын сапардың қашығын, тұрағын,

Үн-түнсіз жол сілтеп, көрсетіп тұрамын.

Төрт топтан құрылған белгілер туыстай,

Жөн сілтеп тұрамыз у-шусыз ұрыспай.

Мұғалім: Жол белгілерін, міндеттеріңізді жақсы біледі екенсіңдер. Сендерге көп рахмет. Ал енді, балалар, олай болса , қазір жұмбақ шешіп, викториналық сұрақтарға жауап беріп көрелік.

1-жұмбақ:

Арқаным бар тым ұзын,

Ала алмайсың бір үзім.

Ақылға салып ойланып,

Тапшы мұны пысығым. ( жол)

2-жұмбақ:

Бір тұлпар, су ішпейді, жем жемейді,

Ескеріп ешбір адам емдемейді.

Жүк емес жануарға жүз адам да,

Шылбырын сымға байлап тез жөндейді. (трамвай)

3-жұмбақ:

Бұйырмапты бас та, ауыз да, құлақта,

Бақырайған үш көзі бар бірақ та. (бағдаршам)

Викториналық сұрақтар.

1-сұрақ . Жолаушылар дегеніміз кімдер ?

Жауап: Кез-келген көлік түрін пайдаланатын адамдар.

2-сұрақ. Бағдаршам дегеніміз не ?

Жауап: Бағдаршам автомат жүйесіне қосылған үш көзді аспап. Жол қозғалысын реттейді.

3-сұрақ. Велосипедпен неше жастан бастап жолмен жүруге болады ?

Жауап: жол бойына 14 жасқа толған балаларға ғана рұқсат.

4-сұрақ. Жиекжол жоқ жерде қалай жүру керек ?

Жауап: Ауылдық жерлерде жиекжол болмау мүмкін, ондай жағдайда жолдың бір шетімен келе жатқан көлікке қарама-қарсы бағытта жүрген жөн

Көрнекіліктермен жұмыс.

А) жолда жүру ережесінің сақталуы

Ә) көлік түрлері

Б) жол белгілері

Қорытынды. Ән.«Әрқашан күн сөбесін» аяқтау.

Көшеде тек жүрелік,

Өзінше бұл да бір ерлік.

Ата-ана қынжылмасын,

Сабақтың тақырыбы: Сен-велосипедші

Сабақтың мақсаты: Оқушыларға көше, жол туралы түсінік беру. Велосипедшілердің қозғалысына қойылатын талаптар туралы айту.

Көше мен жолда өздерін қалай дұрыс ұстау керектігін түсіндіру. Көше мен жолда өзін дұрыс ұстай білуді дағдыға айналдыруға үйрету.

Оқушыларды жауапкершілікке, жол ережесін бұлжытпай орындай білуге, өзіміздің шағын ауданымыздағы жол ережесі мен белгілерін есте сақтау дағдысына тәрбиелеу.

Сабақтың түрі: жаңа сабақ

Сабақта қолданылатын әдіс – тәсілдер: сұрақ – жауап, әнгіме, ойын.

Сабақтың көрнекілігі: тақырыпқа байланысты суреттер.

Сабақтың барысы:

Сәлемдесу.

Оқушылардың дайындығын тексеру.

Өткенді еске түсіру.

Кіріспе: - Жолда жүру кезінде жол-көлік оқиғаларының салдарынан қаншама адамдар жарақаттанып жатады. Сол себепті қандай көлікпен жүрсең де абай болу керек.

Жаңа сабақ: - Мәселен велосипедпен жүрген болсаң, арнаулы велосипедшілерге арналған жолмен немесе жаялар жүретін жолмен жүру керек.

Қазақстан қалаларында күн сайын бірнеше бала көлік апатына ұшырайды. Өмір мен денсаулық үлкен – кішінің барлығына бірдей қымбат. Оны сақтаудың шарты – жолда жүру ережелеріне бағыну.

«Дәрігер Айболит» ойыны. – Қане, барлығымыз өзіміз білетін ережеге сәйкес, «Дәрігер Айболит» ойынын ойнайық.

Көрнекілікпен жұмыс: - тақтаға ілінген суреттерге байланысты сұрақтар қою.

Шығармашылық тапсырма: «Жол-көлік оқиғасы болғанда» осы тақырыпқа шағын эссе жазып көріңдер. 3 минут уақыт беремін. (оқушылар жазғандарын оқиды)

Сабақты қорытуға арналған сұрақтар:

Жол апатынан адамдар қандай жарақат алады?

Автокөлік қаққан жаяулар қандай жарақат алады?Жолаушылар мен велосипедшілер қандай жарақат алады?

Велосипедші деген кім?

Көшелерге реттеушілер не үшін қажет?

«Жаяулар өтетін жол» дегеніміз не?

Оқушылар өздерін көшеде қалай ұстауы тиіс?

Олар көшеден өту үшін неге зейін аудару керек?

Көше тәртібін бұзу неліктен қауіпті?

Оқушыларды бағалау, мадақтау.

Сабақ аяқталды

Сабақтың тақырыбы: Қорытынды сабақ

Сабақтың мақсаты: Оқушыларға көше, жол туралы түсінік беруді жалғастыру. Көше мен жолда өздерін қалай дұрыс ұстау керектігін түсіндіру, жол белгілерімен және жолға салынатын таңбалармен таныстыру, көше мен жолда өзін дұрыс ұстай білуді дағдыға айналдыруға үйретуді қорытындылау. Жазғы каникул кезінде жол ережесін сақтауды ұйымдастыру.Оқушыларды жауапкершілікке, жол ережесін бұлжытпай орындай білуге, өзіміздің шағын ауданымыздағы жол ережесі мен белгілерін есте сақтау дағдысына тәрбиелеу.

Сабақтың түрі: жаңа сабақ

Сабақта қолданылатын әдіс – тәсілдер: сұрақ – жауап, әнгіме, ойын.

Сабақтың көрнекілігі: тақырыпқа байланысты суреттер.

Сабақтың барысы: Сәлемдесу.

Оқушылардың дайындығын тексеру. Өткенді еске түсіру.

Кіріспе: - Көшеде автокөлік жүрісіне және жаяулардың өтуіне бақылау жасап, жол тәртібін реттеп отыру үшін жол полициясы қызметкерінің көмегі қажет.

Жаңа сабақ: - Реттеушінің негізгі жұмыс құралы – алатаяқ (жезл) және ысқырық. Алатаяқ көлікті тоқтатуға белгі беру үшін қажет, ал ысқырық кейбір жүргізушілер белгіні байқамай қалған…