2 сыныпқа арналған бастауыш білім беру бағдарламасы

Түсініктеме

Мақсат, міндеттері

1. 2-сыныпқа «Математикалық олимпиада және логика» пәнін енгізу арқылы математика пәнін қызығушылықпен оқып – үйренуге ынталандыру, оқушылардың ой қабілетін дамытып, логикалық қортынды жасау, оңтайлы шешім қабылдаудың тиімді әдіс тәсілдерін игерту, оқушылардың математикалық сауатын жоғары деңгейге көтеріп, бейіндік дайындық курстарын 2-сыныптан бастап нәтижелі өткізуге базалық мүмкіндік жасау.

2. Бастауыш білімінің мемлекеттік стандартына сай мүмкіндік деңгейіндегі білімін қалыптастыру; математикалықсанамақ, өлең, жаңылтпаштаржаттауарқылыоқушылардыңтіліндамыту;

Логика туралы ұғым; логиканы есептер шығарғанда қолдана алу; Фигураларға қатысты білімдерді үйрену және қолдану; Мәтін есептерді шығаруға мағлұматтарды оқи білу;

Логикалық тапсырмалар орындау арқылы оқушылардың ойлау қабілеттерін дамыту мен қалыптастыру;

«Математикалық олимпиада және логика» пәндерінің мазмұндарын үйлестіре отырып, стандарттан тыс математикадан тірек білім игерумен қатар, оқушылардың шығармашылық қабілетін, математикалық дарынын жетілдіру.

Сипаттама

Таяу мерзімде өркениетке жетуді мақсат еткен біздің еліміздің азаматтары ой өресі кең, өміршең де шығармашыл бола алса ғана біртұтас әлем стандартына сай келіп, әлемге елімізді, ұлтымызды танытып, мақұлдата алатыны даусыз. Осы маңызды істі ойдағыдай жүзеге асыруда бүгінгі білім саласының, соның ішінде дарынды балаларды оқытатын білім ошақтарының атқаратын міндеті зор екендігі сөзсіз.

Осы келелі істі жүзеге асыру мақсатында «Математикалық олимпиада және логика» сабағын бастауыш сыныптарда, стандарттан тыс оқыту мазмұнына сыйғызып, аталмыш бағдарламаны ұсынып отырмыз. Бағдарлама оқушылардың ой өресін жетілдіру ісін «Ақыл ой дамуы» кезеңінде бастап, жүйелі түрде олимпиадалық деңгейдегі сапалы дайындықпен жүзеге асыру арқылы математикалық дарынын, шығармашылық қабілетін жетілдіруді көздейді.

Бағдарлама, сұрыптау емтиханы бойынша таңдап алынған математикаға қабілетті оқушылардан құралған сыныпқа арналып, жеделдете, дамыта оқытуға бағытталып жасалған. Бұл сыныптарда «Математикалық олимпиада және логика» пәні аптасына 2 сағат өтуге жоспарланып жүзеге асырылуда.

Бағдарламаны жүзеге асыруға қолданылатын оқу әдістемелік құралдар кешенді түрде толық әзірленіп, өткен екі оқу жылында №73 ФТЛ сынақтан өтті. Сондай-ақ сабаққа қолданатын екі оқу құралы баспадан шығарылып, қолданысқа еніп отыр.

Бағдарламада жоспарланған оқытудың негізгі әдістемесі шығармашылықпен білім игеруді мақсат ететін, тұлғаға бағытталған.Әр оқушы айына бір рет шығармашылдық жұмыс жасап (тапсырма орындап), кіші ғылыми жоба деңгейінде әзірлеп қорғайды. Ай сайын рейтингілік бақылау жұмыстары алынып, қорытындыланып отырады.

Бағдарламаның қажеттілігі

Ең басты қажеттілік қазіргі кезеңде дамыта оқытуға арналған арнайы бағдарлама, қазақ тілінде басылып шыққан оқу құралдары жоқтықтан туындап отыр. Сондай-ақ тереңдетіп оқытуды жоғарғы сыныптардан бастап жүзеге асыру практикасы оқушылардың дарынын ерте ашып, белсенді түрде оқып үйрену кезеңінде (3-4 сынып) оқушыларға тірек білім, білік негіздерін берумен қатар ой өрісін дамытып, шығармашылыққа баулау арқылы математикаға деген қызығушылығын ерте оятуға кері ықпал етіп отырғандығы байқалуда. Сондай-ақ олимпиадаға жүйелі дайындық ісін тек жоғарғы сыныптарда таңдау курсы түрінде өткізіп келгендіктен, оған қамтылу мүмкіндігі шектеліп, (басқа да пәндерден қатысу қажеттілігінен) тиімділігі ойдағыдай болмай жүр. Бұл олқылықтардың орынын толтыру ісі 1-2 сыныптан бастап, арнайы бағдарлама бойынша, олимпиадалық алғашқы сатылы дайындық мазмұнын стандарттық мазмұнмен тығыз үйлестіре отырып оқытуды жүзеге асыру болмақ.

Бағдарламаның мақсаты

1. 1-2 сыныптан бастап «Математикалық олимпиада және логика» пәнін енгізу арқылы оқушылардың ой қабілетін дамытып, логикалық қортынды жасау, оңтайлы шешім қабылдаудың тиімді әдіс тәсілдерін игерту.Оқушылардың математикалық сауатын жоғары деңгейге көтеріп, бейімдік дайындық курстарын 3-сыныптан бастап нәтижелі өткізуге базалық мүмкіндік жасау.

2. Математика пәнінің тереңдетілген стандарттық мазмұнын жеделдете