№20 Алмалы орта мектебінің 11 сынып таңдау курсы

Түсінік хат

ХХІ ғасыр – білім беру жүйесін ақпараттандыру ғасыры. Олай болса, Қазақстан білім беру жүйесін ақпараттандыру еліміздің даму стратегияының негізгі бағыттарының біріне айналып отыр.

Қазақстанда жалпы білім беру жүйесін ақпараттандыру ақпараттық қоғамның қалыптасуы жағдайында қоғамдық маңызға ие болып отыр. Білім беру жүйесі тәжіребисінде қалыптасқан жағдайларға жасалған талдаулар – жалпы білім беру жүйесін ұлттық, әлеуметтік – экономикалық, рухани және мәдени құндылықтармен біртұтас қарастыра отырып, ақпараттық қоғамдағы өзгерістерге сай түбегейлі қайта қарауды қажет етуде.

Қазіргі кездегі білім беруді ізгілендіру мен демократияландыруға бағытталған білім стандартын, оқудың озық технологияларын, информатикадан білім негіздерін оқыту процесіне енгізу орта білім беру жүйесін ақпараттандыру негізі болып табылады.

Орта білім беру жүйесіндегі информатиканың ролі ақпараттық білімнің, ақпараттық орта мен адамның өзара қарым – қатынасын үйлесімді етудегі және ақпараттық қоғамда кәсіпкерлік қызметтің басты құрамды бөлігі болып табылатын ақпараттық технологияны қалыптастырудағы, сондай-ақ оның әлемнің жүйелік-ақпараттық бейнесін қалыптастырудағы алатын орнымен қамтамасыз етіледі. Информатиканың мектепке енуі сонымен бірге педагогикалық ғылымдардың парадигмалық және методологиялық өзгерістерін талап ететін қазіргі ақпараттық қоғамға сәйкес келіп отыр. Олай болса, орта білім беру жүйесін ақпараттандырудың негізі – информатика курсының мазмұнын өзгерту болады. Сондықтан информатиканың мамандыққа баулу курсының мазмұнын ақпараттық қоғам жағдайында анықтау негізгі мәселелердің біріне айналып отыр.

Ақпараттық қоғам жағдайында қызмет ету салаларының барлық түрін ақпараттандыру – бүгінгі күннің негізгі талабына айналып отыр. Ал бұл талапты қанағаттандыру үшін мамандарды осы бағытта дайындау қажеттігі туындайды. Сондықтан аталған қажеттілікті шешу барысында ақпараттық қоғамға қандай мамандар дайындау мақсатында оқу бағдарламасын, оқу - әдістемелік кешендері, электронды оқулығы мен қолданбалы программалық құралдары жасақталған.

Компьютерлік графиканы білмей қандай да болмасын құжатты безендіру өте қиын. Сондықтан, графикаға арналған бағдарламаларды білу өте қажет. Қазіргі кезде компьютерлік графикаға байланысты кәсіби мамандықтар талап етілінетіні белгілі және де ондай кәсіпті таңдаған азаматтар графикамен жұмыс жасайтын бағдарламаларды бесаспап білуі тиіс. Сонда ғана бәсекеге қабілетті қоғамда өмір сүру мүмкіндігі туады.

Бағдарламаны оқыту барысында білімділік, тәрбиелік және дамытушылық мақсаттар кешенді түрде іске асырылуын қадағалау нақты міндет болып табылады.

Сондықтан да осы ұсынылып отырған бағдарлама компьютерлік графикамен ұштастыра отырып кәсіби мамандыққа баулуға көмегін тигізері сөзсіз.

Мақсаты: Компьютерлік графикамен жұмыс жасауды үйрету. Қазіргі заман талабына сай бәсекеге қабілетті, қарқынмен дамып келе жатқан қоғамда кәсіби маман болып қалыптасуына бағыт беру. Қазіргі кездегі графикамен өңдеуге арналған программалардың мүмкіндігін көрсете отырып оқушылардың қызығушылығын туғыз.

Міндеттері: Бағдарламаны үйрету арқылы оқушылардың танымдық, біліктілік қабілетттерін дамыту;

Оқушылардың компьютерлік графикамен жұмыс жасау барысында оларды кәсіби маман болуына ықпал жасау;

Күтілетін нәтиже: Inkscape бағдарламасын меңгерген және оны кәсіби мамандығында пайдалана алатын тұлға

Оқушылардың білім – білік дағдысына қойылатын талаптар:

Оқушы нені білуі керек: - Графика ұғымын сипаттай және талдай білу; - Inkscape бағдарламасының интерфейсін сипаттай білу;

- Inkscape бағдарламасының құралдар мен командаларын қолдана білу;

Оқушы нені үйрену керек: - Inkscape бағдарламасында қарапайым суреттерді өңдеуді;

- Бағдарламаның командаларымен жұмыс жасауды; - Коллаж жасауды; - Фильтр командаларымен жұмыс жасауды;

- Шығармашылықпен жұмыс жасай білу;

Оқу пәнінің мазмұны мен құрылымы: 1. Inkscape бағдарламасы. Негізгі ұғымдар. 2. Inkscape бағдарламасының негізгі және қосымша құралдары;

3.Қосымша элементтерді пайдалану;

Оқу курсының тақырыптық мазмұны

Компьютерлік графика және оның түрлері Тақырыпты меңгеруге қажетті сағат саны – 2 Компьютерлік графиканың негізгі бағыттары туралы жалпы түсінік беру. Қолдану салалары. Оның түрлері. Екі өлшемді графика: растрлық және векторлық.

Inkscape бағдарламасының интерфейсі. Тақырыпты меңгеруге қажетті сағат саны - 3 Inkscape бағдарламасын іске қосу,бағдарлама интерфейсі. Жаңа құжат құру, жаңа құжат көлемін орнату, сақтау, өңдеу, қайта ашу.

Inkscape бағдарламасының аспаптар панелінің құралдары Тақырыпты меңгеруге қажетті сағат саны - 2 Графиктік деректер туралы жалпы мағлұмат. Растрлық, векторлық графиктермен жұмыс жасау негіздері.

Inkscape бағдарламасының аспаптар панелінің құралдары. Тақырыпты меңгеруге қажетті сағат саны - 7 Inkscape бағдарламасының аспаптар панелінің басты құралдары. Ерекшелеу (Выделение) және басқа нұсқағыш құралдары.

Векторлық кескіндерді құру Тақырыпты меңгеруге қажетті сағат саны - 7 Түстер палитрасы. Кескіндерді түске бояу, градиент қосу және оны редакциялау. Қалам құралын қолдану. Векторлық кескіндермен жұмыс жасау.

Мәтін жазу батырмасы Тақырыпты меңгеруге қажетті сағат саны - 2 Мәтін жазу батырмасы. Inkscape бағдарламасында мәтінді құралдар тақтасындағы аспабын тінтуірмен шертіп, файл терезесіне орналастырып, мәтінді еңгізуді үйрету.