3 сынып қазақ тіліне арналған көркем жазу жоспары

2-сыныпқа арналған «Көркем жазу» факультатив курсының күнтізбелік жоспары

2017-2018 оқу жылы

Түсінік хат

Факультатив курсының тақырыбы: «Көркем жазу»

Жүргізу формасы: танымдық сабақ,аралас сабақ , жарыс, дәстүрлі .

Үйірме курсын аяқтау: жаттығу

Аптасына 1 сағат. Жылына 34 сағат.

Оқушының каллиграфиялық қабілетін қалыптастырудың педагогикалық,қоғамдық тәрбиелік мәні зор.

Әріп таңбаларын әдемі,көркем етіп салуға жаттықтыру мақсатында жүргізілетін жұмыстар оқушы бойына жақсы қасиеттердің қалыптасуына ықпалы етеді.Таза,әдемі,дұрыс жазуды талап ету оқушының әсемдік сезімін оятып,мінез-құлқын тәрбиелеп,жауапкершілікке,ұқыптылыққа үйретеді.Бұл тұрғыдан қарағанда көркем жазу үйірме курсы оқушыларға бағыт-бағдар береді.

Ол үшін алдымен оқушылардың қолының икемділігі мен көзбен мөлшерлеу қабілетін жетілдірудің маңызы зор. Әріп элементтерін үйреткенде соларға сәйкес келетін таңбаларды таңдап алынады. Буын, сөз жазуда әріп таңбаларын бір-біріне қосып жазудың (ілмек сызық, жанастыру арқылы) тәртібі қатаң сақталады.

Бұл үйірме Қазақстан Республикасы үкіметінің 2012 жылғы 23 тамыздағы №1080 қаулысы мен бекітілген ҚР мемлекеттік жалпы білім беру стандарты негізінде Қазақстан Республикасы Білім және ғылым министрінің 2012 жылғы 8 қарашадағы Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы №500 бұйрығына негізделген.

Мақсаты:

Оқушылардың ойларын еркін және дәлелді түрде ауызша да, жазбаша да сауатты жеткізе білуін жетілдіру. Ауызекі және жазба тілде қарым- қатынас жасау дағдыларын дамыту,орфографиялық дағдылар мен көркем жазу дағдыларын қалыптастыру.Жазудың түрлі тәсілдері /көшіріп жазу,әріптік,буындық,сөздік,сәйлем,шағын мәтін т.б./арқылы сауатты жазуға үйрету.

Міндеттері:

-бас және кіші әріптерді каллиграфия талаптарына сай жазуға дағдыландыру;

-әріптерді бір-бірімен өзара байланыстыра қосып жазуға үйрету;

-сауатты жазу дағдыларын қалыптастыру;

-эстетикалық талғамға сай жазу әрекетін игеру арқылы каллиграфиялық көркем жазуын қалыптастыру;

Қүтілетін нәтижелері:

-әріптерді каллиграфия талаптарына сай жазуға дағдыланады;

-әріптер сырын толық игеруге мүмкіндік алады;

-грамматикалық тапсырмаларды орындай алуға машықтанады;

-шығармашылық тапсырмаларды орындап үйренеді.

- сауатты жазу дағдылары қалыптасады;

«Көркем жазу» факультатив курсының күнтізбелік жоспары

2 сынып

2017-2018 оқу жылы

Тақырыбы

Пәнаралық байланыс

Сабақтың түрі

Сағаты

Өтілетін уақыты

Жазу ережелерімен таныстыру.

Дүниетану

Кіріспе сабақ

Әріптерден буындар құрау

Қазақ тілі

Танымдық сабақ

И,Ш,І бас әріптерін жазу

Дүниетану

Танымдық сабақ

Г, Ғ, Р, П, Т әріптері.

Қазақ тілі

Танымдық сабақ

П,т,м,р кіші әріптерін жазу

Қазақ тілі

Танымдық сабақ

Л, М, А бас әріптері

Қазақ тілі

Танымдық сабақ

Сс бас және кіші әріптерін жазу

Математика

Танымдық сабақ

Жұмбақтарды жатқа жазу.

Математика

Танымдық сабақ

Көшіріп жазу «Жеті күн»

Әдебиеттік оқу

Танымдық сабақ

К, Қ әріптерінің жазылуы

Дүниетану

Танымдық сабақ

И, Й әріптерін көркем жазу

Өзін-өзі тану

Аралас сабақ

Е е ,Ё ё әріптерінің бас жән кіші әріптерін жазу

Өзін-өзі тану

Аралас сабақ

О ,ө әріптерінің бас және кіші әріптерін жазу

Өзін-өзі тану

Аралас сабақ

Ұ,Ү әріптерінің жазылуы

Өзін-өзі тану

Аралас сабақ

Н н және ң әріптері

Өзін-өзі тану

Аралас сабақ

Р р әрпі

Өзін-өзі тану

Аралас сабақ

З з әрпі

Өзін-өзі тану

Аралас сабақ

Ж ж әріптерін салу

Өзін-өзі тану

Аралас сабақ

Диктант

Диктанттар жинағы

Аралас сабақ

Орыс тілінен енген әріптерді жазу: Ю,Я,Э,Ь,Ъ

Орыс тілі

Аралас сабақ

Л л әрпі

Дүниетану

Жарыс сабақ

Ы,Д бас әріптерін жазу

Дүниетану

Танымдық сабақ

Бас әріппен жазылатын сөздер

Дүниетану

Танымдық сабақ

Көшіріп жазу

Өзін-өзі тану

Жарыс сабақ

Суретке қарап мәтін құрастырып,жазу

Дүниетану

Жарыс сабақ

Әріптік диктант

Математика

Жарыс сабақ

Мәтінді есте сақтап, жазу.

Өзін-өзі тану

Шығармашылық сабақ

Сөздік диктант

Өзін-өзі тану

Дәстүрлі сабақ

Мазмұндама

Дүниетану

Дәстүрлі сабақ

Көру диктант

Өзін-өзі тану

Дәстүрлі сабақ

«Сөйлемді қайтала» /жаттығу/

Математика

Шығармашылық сабақ

Барлығы:

Пайданылған әдебиеттер:

1.«Әліппе» 1 сынып әдістемелік құрал, Алматы 2012 ж.

2. «Көркем жазу» ,авторлары Бекова Г.М.,Демеуова Г.Т.,Талдықорған 1997ж.

3. «Көркем жазу» дәптері,авторлары К.Калмухамбетова,К.А.Ерешева,Ұ.Ботабаева 1сынып Алматыкітап 2012жыл

Көркем жазу (Таңдау)

Мерзімі: -___________ Сыныбы: ______ Бекітілді: ____________________

Пән мұғалімі:________________________ 1- сабақ

Сабақтың тақырыбы: Жазу ережелерімен таныстыру

Сабақтың мақсаты: Білімділік: оқушыларды әріптер мен әріп элементтерін бұзбай

жазуға үйрету. Соңғы элементтері имек сызықтарға

аяқталған бас әріптер мен кіші әріптердің өзара

дұрыс байланыстырып жазу машықтандыру.

Тәрбиелік: көркем жазу арқылы оқушыларды әсемдікке,әдемі-

лікке, шыдамдылыққа тәрбиелеу. Ұжымда ойын

жүйелеуге,өз пікірін еркін айтуға,өзгенің пікірін

тыңдауға баулу.

Дамытушылық: әріптердің негізгі элементтерін біркелкі келбетпен

жазуға дағдыландыру. Оқушылардың зейінін,ойын

сөйлеу тілін , көру,есте сақтау қабілеттерін дамыту.

Көрнекілігі: көркем жазу үлгілері,суреттер,

Әдіс-тәсілдері: түсіндіру,ой қозғау,мағына ашу,өзіндік жұмыс,

сұрақ-жауап.

Түрі: аралас сабақ.

Сабақтың барысы:

І. Ұйымдастыру кезеңі а) Психологиялық дайындық

ә) Оқушылардың оқу құралдарының дайындығын тексеріп,назарларын сабаққа аудару.

ІІ. Үй тапсырмасын тексеріп,өткен сабақты пысықтау кезеңі.

а) Үзіліссіз және үзіліспен жазылатын әріптерге байланысты берілген тапсырманы дәптерлерінен тексеру.

ә) Білімдерін жан-жақты тиянақтау мақсатымен сұрақтар беріліп,оның жауабын тақтада жазу.

1. Үзіліссіз жазылатын бір элементті кіші әріптер тобын жазып бер.( ә,б,в,г,е,о,с,ь)

2. Үзіліссіз жазылатын көп элементті кіші әріптер тобын жазу.( а,д,з,и,л,м,н,ң.п,т,у,һ,ц,ч,ш,щ,ы,ю,я.)

3. Бір үзіліспен жазылатын кіші әріптер тобын жазу.(ғ,й к,қ,ө,р,ұ,х,і,э.)

4. Екі үзіліспен жазылатын кіші әріптер тобын жазу.( ё, ф,ж.)

5. Үзіліссіз жазылатын бас әріптерді жазу( Ә,В,Д,Е,З,И,Л,М,Н,О,С,У,Ү,Ц,Ч,Ш,Щ,Ы,Ю,Я)

6. Бір үзіліспен жазылатын екі элементті бас әріптер тобын жазу( А,Б,Г,Р,Х,К,Қ,Ұ,Ө,Э)

7. Екі үзіліспен жазылатын бас әріптер тобын жазу( ё,Ғ,Ж,П,Ф)

8. Үш үзіліспен жазылатын төрт элементті бас әріптерді жазу ( Т)

ІІІ. Жаңа сабақ

1) Мұғалімнің кіріспесі:

- Көркем жазу көзбен қабылданады да,қолмен іске асады. Жақсы үлгілерді көп қайталап жазудың арқасында көркем жазу туады.

Көркем жазу табиғаты ,әрине асықпай жазуды талап етеді.Алайда жазудың өте баяу болуы біздің сабағымызға кедергі келтіреді.Сынып жоғарылаған сайын жедел жазу міндеті жүктеледі.

Әдемі,көркем жазу сендердің мінез-құлықтарыңды тәрбиелейді.Таза,сұлу,көркем жазылған жазба жұмыстары даоңай ,тез оқуға мүнкіндік беріп қана қоймайды,сонымен қатар көрер көзге де сүйкімді.

2) Ой қозғау

Интерактивті байланыс тақтасынан бірнеше суреттер көрсетіледі.

( торсық,ою-өрнек,ер-тұрман,гүл,аққу)

Сұрақтар беріледі.

- Осы суреттерді мұқият көріп алып,барлығына ортақ белгіні анықтаңдар.( оқушылар ортақ белгі имек болып тұрғанын айтады)

3) Жаңа сабақтың тақырыбын хабарлау.

4) Мұғалімнің түсіндірмесі.

- Әріптердің бір-бірімен қосылу ерекшеліктеріне қарай қазақ тіліндегі әріптер екі топқа бөлінеді

Бірінші топ.Соңғы элементтері имек сызықтарға аяқталған бас әріптер мен кіші әріптер.

Екінші топ. Оң жағы дөңгеленген элементтерге аяқталған бас әріптер мен кіші әріптер.

- Бүгін біз бірінші тобымен танысамыз.Бұл топтағы әріптердің соңғы негізгі элементтері келесі әріптермен үзіліссіз жазылады.Мұның өзі жазу жылдамдығын жеделдетуге айтарлықтай мүмкіндік береді.( тақтадан әріптер тобы көрсетіледі)

5) Тақтадан даярлық жаттығулары көрсетіледі.

6) Дәптермен жұмыс

Күн ретін,сабақтың тақырыбын, даярлық жаттығуларын дәптерлеріне жазып алады.

7) Мұғалімнің түсіндірмесі.

- Бұл топтағы әріптердің ішінде кейбір ғ,ё,и,ө,ұ,і сияқты әріптердің үстіне,ортасына қойылатын қосымша белгілерсөзді үзіп жазуға мәжбүр етіп,жазу қарқынын баяулатады. Мұндай әріптерді жазған кезде қосымша белгілерін қоймай кету немесе бұрмалап жазу сияқты қателер кетеді.

-Бұл әріптердің басым көпшілігі келесі әріптермен төменгі жағынан қосылады. Кейбір дөңгелекшелермен жазылатын әріптермен жоғарғы немесе ортаңғы жағынан байланысады.

8) Жаттығу жұмысы.

9) Балаларды сергіту мақсатымен «Тізбек сөздер» ойыны ұйымдастырылады.

Ойынның шарты: берілген әріптерді пайдаланып, тек сол әріптерден құралған сөздерден сөйлем құрастыру. Жақсы бір сөйлем тақтаға жазылады.( берілетін әріптер Т, Ш, Е, Ж, М, Ә .)

10) Жазу дәптерінің сатылары түсінік. ( мүғалімнің қосымша түсіндірмесі)

а) -Көркем жазу техникасының аса бір қажетті шарты-солдан оңға қарай көлбеу жазуға машықтандыру. Көлбеу жазу-икемді жазу.Оның ерекшелігі-әріп құрауға қатысты негізгі штрихтар дәптер сызығына солдан оңға қарай көлбеу орналасады.Көлбеу жазу жұмысы оң қол арқылы орындауға бейімделген. Бұл дәптерді пайдаланған кезеңдерде бас әріптің биіктігі 8 мм, кіші әріптің биіктігі 4 мм болады.

ә) – Екінші сатысы одан әрі жетіле түседі. Дәл осындай дәптерді пайдаланамыз,бірақ оның көлбеу сызықтары болмайды. Себебі көлбеу жазуға дағдыланған болатынбыз.

б) - Бұл үшінші кезеңде жазуды толығымен меңгеріледі. Қолданылатын дәптерімізде ара қашықтығы 9 мм болатын бір түзу сызықтар болады.Бас әріптердің биіктігі 7мм, кіші әріптердің биіктігі 3мм болады.

ІV. Алған білімдерін тиянақтау

а) - Балалар, көркем жазу сабағы бойынша білімдеріңді тиянақтау мақсатымен сұрақтар беріледі. Сендер қаншалықты меңгергендеріңді осы сәтте көрсете аласыңдар.

ә) Оқушылар тақтадан көрсетілген тірік сөздерді пайдаланып, соңғы элементтері имек сызықтарға аяқталған әріптерді қатыстырып тілек жазу. Ол тілекті алдан-ала дайындаған гүл,күн секілді қағаздарға көркем жазумен жазады.

( тірек сөздер: шаттық,көңіл,дәулет,денсаулық,береке,жігер,бірлік,бақыт,күн,ай )

V. Оқушылардың білімдерін бағалау.

VІ. Үйге тапсырма: соңғы элементтері имек сызықтарға аяқталған әріптерден басталатын сөз тіркестерін жазып,байланысын анықтау.

VІІ. Мұғалімнің қорытынды сөзі:

Көркем жазусыз оқу тиянақты болмайды.

« Сөйлегенде сөздің жүйесін , қисынын келтіріп сөйлеу қандай керек болса,жазғанда да сөздің кестесін көркем жазу сондай керек» деп жазған ғұлама ғалым,дарынды ақын Ахмет Байтұрсыновтың осы сөзін үнемі естен шығармауымыз керек

Тексерілді: Оқу ісі жөніндегі орынбасары:

Көркем жазу(факультатив сабақ)

Мерзімі: -__ Сыныбы:

Пән мұғалімі:

2- сабақ

Сабақтың тақырыбы: Әріптерден буындар құрау

Сабақтың мақсаты: 1) Білімділікке, әдептілікке, дыбыстық, буындық, талдау жасауға тәрбиелеу. 2)Ойлау, сөйлеу, оқу, жазу , сөз және сөйлем құрастыру қабілеттерін дамыту. 3)Пәнге деген қызығушылықтарын артыру.Бір-бірімен жұмыс жасауға баулу. Сабақтың түрі: Интерактивті сабақ Сабақтың типі: Жаңа сабақты түсіндіру

Көрнекілік: интерактивті тақта, қималар, есеп парағы, кітап,

Сабақтың барысы:

1 Ұйымдастыру кезеңі: сәлемдесу, түгелдеу, психологиялық дайындық

(1 мин)

2 Сабақтың мақсаты: Балалар, біз бүгін әріптерден буындар құраймыз.

-Әріптер әлеміне барғыларың келе ме?

-Жақсы, бүгін сабақта бірнеше аялдамаға тоқтап, әртүрлі тапсырмаларды орындаймыз.

-Әріптер әлеміне мына машиналармен барамыз.Ол үшін дұрыстап отырайық. Біз 2 топқа бөлініп барамыз.

Аялдамалардың тапсырмаларын қай топ жылдам орындаса, сол топ саяхатты бірінші бітіреді.Саяхатты бірінші бітірген топ жақсы баға,сыйлық алады. (1мин)

-Бірінші аялдамаға келіп жеттік: «Өзін жетілдіру» аялдамасы (5)мин

Екінші аялдама: «Таза, әдемі жазу» аялдамасы

Әріптерден буындар құрау.

Үшінші аялдама: «Жаңылтпаш» аялдамасы (7 мин)

1 Іштерінен оқу

2 Дауыстап оқу (әр топтан)

3 Не туралы?

4 Дыбыстық талдау 1топ-шеше, 2-топ кеше

Осы жаңылтпаштың ішінде жіңішке дауысты дыбыс бар ма?

Жаңа жолдан нүкте қойыңдар.

-Қандай жіңішке дауысты дыбыстарды білесіңдер? ( ә,ө,ү, і, е)

Төртінші аялдама: Жіңішке сөздер аялдамасы (4 мин)

Сөздегі дауысты дыбыстар жіңішке болса, сөз жіңішке айтылады.

Сөз құрастыру

Бесінші аялдама: Дәптермен жұмыс

Алтыншы аялдама: Мені үйіме қайтар! Аялдамасы (3 мин)

( оқушылар сөздерді жылжыту арқылы үйіне апарады)

Жетінші аялдама: Мәнерлеп оқу аялдамасы (7 мин)

Өлеңді мәнерлеп оқу

Ақыл – ойын дананың

Ана тілден аламын

Ана тілім ардақты

Ақ сүтіндей анамның

-Не туралы оқыдыңдар?

Сурет бойынша әңгіме құрастыру