Қазақ тілінен көркем жазу үйірмесінің бағдарламасы

«Көркем жазу» үйірме жұмыс жоспары

2 - сынып

Түсінік хат

Қазақ тілі сабақтарындағы алған білімдерін одан әрі шыңдау мақсатында «Қазақ тілі» оқулығы, авторлары:Г.И.Уайсова, Р.С. Әміров, Ә.Е. Жұмабаева «Атамұра» 2013 жылғы 2 - сыныпқа арналған «Көркем жазу» дәптері

№1, №2, авторлары: К. Ерешева, Ш.Ыдырысова басшылыққа алына отырып құрылды.

Сабақ үстінде оқушылардың негізгі білім, білік дағдыларын қалыптастыру болса, ауызша айтқандарын дәптерге каллиграфия ережелерін сақтап жазу қиын да, маңызды да қағидалардың бірі болып табылады. Ал каллиграфия ережелерін сабақ үстінде оқушыларға толық меңгерту оңайға түспейді. Сауатты жазып қана қоймай таза, әдемі, әріп элементтерін байланыстыра жазу үшін оқушылардың каллиграфиясын қалыптастыруда бұл пәннің рөлі ерекше.

Ұсынылып отырған жоспар 2 - сынып бағдарламасына сәйкестендірілген. Жатқа жазу, көшіріп жазу, шағын шығармалар оқушылардың зейінін, есту қабілеттерін, есте сақтауды дамытады. Сондай - ақ жоспарда оқушылардың шығармашылық қабілетін дамытатын жұмыс түрлері бар. Сонымен қатар оқушылардың ой - өрісі мен дүниетанымын кеңейтуге өз ықпалын тигізеді. Көркем жазу оқушыларды сауаттылыққа, ұқыптылыққа тәрбиелейді, сөздік қорын көбейтіп, сөйлеу тілін жетілдіреді.

Мақсаты:

Оқушылырдың дұрыс, анық және тез жазу дағдыларын қалыптастыру. Әріп элементтерін дұрыс салып, әріптерді қосуды, сөзді, сөйлемдерді, мәтінді қатесіз көшіруге, жатқа жазуға үйрету.

Міндеттері:

Оқушылардың қолының икемділігі мен көзбен мөлшерлеу қабілетін жетілдіру

Графикалық дағдыларды, әріптерді дұрыс жазу

Сөз бен сөз арасындағы, сөйлем мен сөйлем арасындағы арақашықтықты сақтау

Күтілетін нәтиже:

Әріп элементтерін дұрыс салады

Әріптерді бір-бірімен байланыстырып жазады

Таза, ұқыпты, сауатты жазады

Қатесіз көшіреді

Пайдаланған әдебиеттер:

1. 2 - сыныпқа арналған «Көркем жазу» дәптері №1, №2, авторлары: К. Ерешева, Ш. Ыдырысова.

2. Қазақ тілінен сын жұмыстары ( 1 - 4 сыныптар) К. Ерешева, Ұ. Ботабаева, Р. Муханова. «Өлке» баспасы,

Алматы, 2008

3. Мақал – мәтелдер (1 - 4 сыныптарға арналған), «Өнер» баспасы, Алматы 2007)

4. «Бастауыш сыныпқа арналған көмекші құрал» 1-сынып