3 сыныпқа арналған тәрбие сағатының үлгісі

(Балалар музыкамен залға кіреді)

Ердаулет:

Құрметті қонақтар, ата-аналар! Мінеки өлкемізге алуан түсті жапырақтарымен айналаны сары алтынға бөлеп күз де келді. Күздің келуін бәріміз асыға күттік. Ал күз бізге мол өнімін сыйға тартуда. Ендеше, алтын күзімізге арналған мерекемізді бастаймыз.

Іңкар:

Күз – адам баласына молшылық, береке әкелетін мезгіл. Сондықтан да адамдар күзге берекелі күз, алтын күз деп баға берген. Алтын, себебі, біріншіден, айналаның бәрі сап-сары бояуға малынған, екіншіден, алтын – байлықтың белгісі. Екеуін астастырып Алтын күз деп атаған.

Берекесін сыйлауға,

Өлкемізге күз келді.

Жемістерін жинауға,

Шақырады біздерді.

Құстар қайтты ән салып

Бұлт торлады аспаңды.

Қыс келеді жар салып,

Күзгі суық басталды.

Ердаулет:

Өнер десе жайнаймыз,

Сандуғаштай сайраймыз.

Алтын күзге арнаған

Әнімізді шырқаймыз- деп Елемес Айселдің орындауында «Алтын күз» әнін қабыл алыңыздар.

-Өте тамаша Айсель, өнерің өрге жүзсін.

Іңкар:Балалар,олай болса күзде болатын өзгерістерді тақпақпен айтып беріңдерші.

Балалар тақпақтар айтады.

Диас

Жерде жаңбыр жалтырайды

Жапырақтар қалтырайды

Көкте ай,күн балқымайды

Көлде аққу қалқымайды

Жел тұрудан жалықпайды

Күн жылытып жарытпайды

Жапырақтар жерге қарай

Қалықтайды,қалықтайды

Елдос.

Береке бақ дарыған

Жомарт көңіл жарқын күз

Сары алтынға малынған

Жетті міне,Алтын күз

Берекесін сыйлауға

Өлкемізге күз келді

Жемістерін жинауға

Шақырады біздерді

Даулетхан

Ағаштан үзіліп

Ұшты ұзақ сапарға

Тырналар тізіліп.

Жасыл шөп қурайды

Жойды түс ажарын

Тарқатып.шулады

Қалың құс базарын

Ерболат:

Көкжиекпен ұштасып

Күн астында ақ бидай

Билейді қол ұстасып

Дала сары киінді

Самал соқты салқындау.

Қырмандарға үйілді

Алтын астық-алтын тау

Бегжан

Аспанда сұрғылт

Жан-жақты жабады

Күн бірте суытып

Жауын көп жауады

Күз жомарт дейміз біз

Жемісін жейміз біз

Далада егін жай.

Айсель

Қыстың жақын қалғанын

Жапырақтар білгендей

Желмен ұшып барады

Жерге қонып үлгермей

Сайға барып бекінді

Қалған бала секілді

Ақниет

Түсті алтын жапырақ

Ағаштардан үзіліп

Ұшты ұзақ сапарға

Тырналарда тізіліп.

Жемісі мол теретін

Күз дос деген бізбенен

Бәрін тауып беретін,

Жомарт екен күз деген

Нұрбекжан

Ұшты талдан жапырақ

Сары көбелек секілді

Аспанда жай шатырлап

Тамшы жерге секірді

Қамба толды астыққа

Алғыс алған алтын күз

Бір уыс дән шаштық та,

Қап-қап бидай алдық біз.

Ердаулет: Мінеки, күз келіп, күн суытып, аспан бұлттана бастады. Жаңбырдың исі шығып тұр.Балалар сендер де жаңбырдың иісін сезіп тұрсың дар ма? Олай болса қыздардың орындауында «Бұлттар мен күн» биін тамашалаңыздар. (Би біткенде бұлттар күнді қоршап тұрады)

Бұлттар: ( Ақниет)

Біз бұлттармыз, бұлттармыз

Қолымыздан ұстаймыз.

Көк аспанды торлаймыз,

Күнді жасырып қоршаймыз.

(Ердаулет)

Көрінші бізге қымбатты күнім

Қуантшы бізді нұр шашып бүгін

Күн: (Айгерім)

Қуантар ем бұлттар мені қоршап алды,

Көк аспанды қара бұлттар торлап алды

Шуағымды шаша алмаймын мен жерге

Желді шақыршы көмектессін сендерге.

Ердаулет

Күзгі жел, тез келші мұнда қалыспа

Бұлттарды ұшырып, қушы өте алысқа

(Музыкамен жел келеді)

Жел: Нұрбекжан

Мен күзгі желмін, өте жылдам желемін,

Бұлттарды алысқа қуу үшін келемін.

Бұлттар: Ақниет

Біз бұлттармыз, үлкейе береміз, (шеңберді үлкен жасайды)

Ашуымызға тисеңдер,

Жаңбыр болып нөсерлетіп төгеміз.

Ердәулет:

Сұрғылт бұлттар! Біз сендерден қорықпаймыз,

Күнді сөндіре алмайсыңдар.

Күштіміз деп, мықтымыз деп

Мақтануды неге қоймайсыңдар?

Жел: Нұрбекжан

Балалар, бұлттар қанша мықты болса да олар желден қорқады. Сондықтан маған көмек керек, кәне бұлттарды үрлейікші, әйтпесе жалғыз шамам жетпейді. (Бәрі үрлейді)

Бұлттар: Ақниет

Ай, ай, ой, ой бізді қуып жатыр, қашайық.

(Жел бұлттарды қуып кетеді, күн қалады)

Жүргізуші: Ердаулет

Мінеки балалар, күзгі жел бұлттарды қуып әкетті. Ал шуақты күніміз ортамызда жарқырап тұр. Енді біздің мерекеміздің шырқын ешкім де бұза алмайды.

Жарқын күн! Мерекеміз одан сайын жандана түссін, бізге шуақты сәулелеріңді шашып, нұрыңды төкші.

Күн: Айгерім

Жарайды, онда мен бар әлемге шуағымды шашайын.