4-сыныппен қоштасу тәрбие сағатының сценарийі

Бастауышпен қоштасу

Мақсаты: Білімнің сара жолы бастауыштан басталатынын, бастауышта алған білімнің негіз болып қаланатынына көз жеткізу. Мектепті, ұстаздарды құрметтеп, еңбектерін бағалай білуге және де өз Отанының адал ұлы мен қызы болуға тәрбиелеу.

Көрнекілігі : «Шуағын төккен 4 жыл» фотомонтажы, слайдтар , гүлдер және шарлар.

Жүргізуші Ғаламат :

Бұлт торлады аспанды,

Жаңбыр жауды нөсерлі.

Сол жаңбырдан нәр алған,

Көбелектер тараған.

Мөлдіреп моншақ шашылды,

Аспан шайдай ашылды.

Көкте қызыл-жасылды,

Кемпірқосақ асылды.

Сол түстерге сәйкесті,

Ынтымақшыл, бірлікшіл,

Көбелектер бірлесіп,

Мектебіне қонады.

Ұстазсыз шәкірттерге бақ келгенбе,

Бар білімін балаларға ап келгенде.

4 жыл бойы білім беріп біздерге,

Ізгілік пен мейірімі бар бойында,

Сынып жетекшіміз: Ержанова Зинагүл Серікқызы

Жүргізуші Айкерім :

Әлемдік тәжірибені қолданумен,

Сындарлы білім алған тұлғалары.

Жаңашыл мектеп деген атқа ие боп

Ұшырар тәрбиелеп әр шәкіртті.

Жүргізуші Ғаламат:

Жиынымыз өткелі тұр салтанатты

Төгілген күн нұрының шапағаты

Ортаға шақырайық түлектерді

Халайық қол соғыңдар мархабатты.

(Әсем әуенмен сахна ашылады. Оқушылар ортаға екі-екіден шығады)

Жүргізуші Айкерім :

Жас жүректің өмірінің құштары гүл,Бағбан – ұстаз баулыған құстары бұл,Қоштасып бүгінгі күн бастауышпен ,Сол құстардың бір тобы ұшқалы тұр.

Мұғалім:Қайырлы күн, қадірлі де құрметті ұстаздар, ата-аналар! Бұл мерекенің негізгі мақсаты- бастауыш сыныппен қоштасу екендігі барлығымызға аян. Мерекемізге қош келдіңіздер!Сіздердің алдарыңызда тұрған 4 «Ә» сынып оқушылары осыдан 4 жыл бұрын 6 жасар бала болса, бүгін міне, ес білген шәкірт және бастауыш сынып түлектері. Армандасаң да, қиялдасаң да балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне, бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше қызықты да ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата-аналарына да өнерлерін көрсетуге дайын.

Мұғалім:

Мен үшін бәрің бірдей қарақтарым,

Орындалсын арман тілек талаптарың.

Ақ парақтай келдіңдер сәби болып,

Ұғындым, әрбіріңді парақтадым.

Өткіздік талай күнді, талай айды,

Уақыт сырғып артқа қарамайды.

4 жыл бойы сендермен бірге болдым,

Өткіздік талай қызық, талай жайды.

Ірге тасын қаладым, білім бердім,

Саналы ұл-қыздарым бүгін менің.

Ортада тұрған осы шәкірттердің,

Көрейік тамашалап өнерлерін.

Жүргізуші Ғаламат:

Армысыздар, ардақты ұстаздар, ата-аналар, қадірлі қонақтар, оқушылар. Бүгін біз бастауыш сыныппен қоштасып, үлкен өмірге аттанғалы отырмыз.

Көз салып қараңызшы бойымызға,

Ортақ боп бүгін өскен ойымызға.

Қошкеліпсіз ұстаздар, ата-аналар,

Бастауышпен қоштасу тойымызға.

Жүргізуші Айкерім:

Балашақтан болашақты жырлатып,

Шәкірттерге ой түзетін сымбатты.

Күн нұрындай сәуле құйған көңілге,

Армысыздар ұстаздарым, қымбатты.

Жүргізуші Ғаламат:

Армысыздар, әжелер мен аналар,

Ұрпағыңыз күнде өзіңнен бата алар.

Ел дәстүрін мәңгі сыйлап оқы деп,

Үйреткенғой Абай, Ыбырай бабалар.

Жүргізуші Айкерім:

Армысыздар өр тұлғалы әкелер,

Қыран құстай балапанын мәпелер.

Бүгінміне бастауышпен қоштасады,

Азамат боп, кешегі сәби – еркелер.

Жүргізуші Айкерім:

«Ұстаздық еткен жалықпас үйретуден балаға» , - деп Абай атамыз айтқандай, алғаш қолымызға қалам ұстатып, оңымыз бен солымызды танытқан, бізбен бірге қуанып, 42 әріпті танытып, білім нәрімен сусындатқан, мектептегі анамыз – ұстаз екені бәрімізге мәлім. Балалардың ұстазға арнаған ән-жырларын айтпас бұрын, ұстаз туралы не айтар едің Ғаламат?Жүргізуші Ғаламат:

Әр шәкіртін өз баласынан кем көрмей, оқуға, жазуға үйреткен мұғалім еңбегі шексіз. «Мұғалім – мектептің жүрегі» - деп Ыбырай атамыз бекер айтпаған.Жүргізуші Айкерім:Дұрыс айтасың Ғаламат, ғылым иесі ғалым да, ел қорғаған батыр да, тілінен бал тамған ақын да , тегеуріні темір балқытқан жұмысшы да , көкті шарлаған ғарышкер де , бәрі-бәрі ұстаздан білім мен тәрбие алған.Жүргізуші Ғаламат: Ия , бұл туралы батыр Бауыржан атамыз : «Болашақтың басшысын да , данасын да , ғалымын да, еңбекқор егіншісін де, кеншісін де ұстаз өсіреді» деген екен.Олай болса, келесі жырларымызды ұстаздарымызға арнаймыз.

Ақдаулет:

Шәкірттердің тыңдар жауап сұрағын

Жас санаға төгіп білім шуағын

Хат танытып жол сілтеген өмірге

Барша жанға құрметті жан мұғалім.

Ділдә:

Жүрегімде ұстаз берген сабағы

Өң бойымда тамырланып тарады.

Ұмытпаймын салған жолын ақылын

Мәңгі, мәңгі есімізде қалады.

Айдос:

Ұлы өмірге жетелеп

Ашқан білім есігін

Құрметтейік мәпелеп

Ұстаздардың есімін

Келешекке алтын бақ

Қосар таудың үлесін

Жасай берсін жарқылдап

Ұстаз атты ұлы есім

Жанель:

Ұқсаттыңыз сіз бізді балаңызға

Ұқсатып ек біз сізді анамызға

Жақын тарттық біртіндеп бауыр бастық

Жүргеніңді ұнаттық арамызда

Сұлтан:

Маған ұстаз үйретті,

Әліппесін өмірдің.

Жан жүйемді билетті,