Бастауыш сыныппен қоштасу тәрбие сағаты, 4 сынып

Кіріспе сөз:Мұғалім: Бұл оқу тамақ болар қарны ашқанда,Жол табар қараңғыда адасқанда .Мал озбас біле білсең білім озар,Ақыры керек болар бір сасқанда – деп Міржақып ақын айтпақшы , тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізілгелі отырған «Аттанайық бала шақтан болашаққа!» мерекесін бастауға рұқсат етіңіздер!Қош келіпсіздер , құрметті ата – аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр. Бесіктегі баланың,Күлгенін көрген - бір мұрат.Алдына түсіп ананың.Жүргенін көрген- бір мұрат – дегендей, бастауыш сыныпты бітіруші түлектерімізді ортаға шақырайық!Толқимыз , толқып тұрсыз баршаңыз да Мұндай күй болған сірә қаншаңызда Қол соғып, қошеметтеп шақырайық4- сыныптарды ортамызға!

Музыка әуенімен бастауыш сынып түлектері ортаға келеді.

Мұғалім: Сіздердің алдарыңызда тұрған 4- сынып оқушылары осыдан 4 жыл бұрын 6 жасар бала болса, бүгін міне , ес біліп, етек жиған шәкірт. Олай болса, таныс болайық.

Журналдың тізімінде, 1-ші тұратын бұл ұл – Ақжалғасов Артур

2-ші болып тұрад – Аманкелдиев Эдуард

Үшінші мен төртінші – Алина мен Карина, айырмаймыз біз оларды, отырғанда, жазғанда да, айтқанда

Бесінші боп тізімде Мадина қыз кел төрге

Тізімде алтыншы, іздегенге серік, Джамбулатов Берік

Жетінші боп тізімде, Едилова Назерке

Сегізінші боп жазылған, Елемесова Аружан

Тоғызыншы кім демим, ол Имашев Рахим

Оныншы боп жазылып тұр, Кабаков Әмір

Он бірге келді кезек, Каирлапов Альбек

Он екінші боп тұр жай ғана, Камашива Айдана

Он үшіншіге келсем, ол Кенесова Әсем

Он төртінші тұр дара, Кенжегалиева Лунара

Тізімді 15-ші боп жалғар, Кузбаев Хайдар

Тізімдегі 16-шы жан, Кусалимов Роллан

17-ші сенсең, тұр Қанатқалиева Әсем

18-ші тұрғаны рас, Мырзагельдиев Мирас

19 бен 20-ны, айырмаймыз тағы біз, өйткені олар егіз, келді сізге де кезек, Арманбек пен Тұрланбек

21-ші кезек Насибуллин Айдарбек

22-ші қыз бала, аяғың шаршады ма, олай болса тез зула, Орынтаева Данэля

23-ші боп тапты жалғас, Сейтмагамбетов Диас

24-ші боп келер, Шайханов Алишер

Журналдың тізімінің, ең соңына келіп ек, аяқтайды бұл тізімді, Дияров Жәнібек.

Армандасаң да , қиялдасаң да балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне , бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше қызықты да ғаламат өзгерістер сыйлаған , білім нәрімен сусындатқан , өмірде өз жолдарын табуға жол сілтеген ұстаздарына, ата- аналарына өз өнерлерін көрсетуге дайын. Олай болса жүргізушілерімізді ортаға шақырайық!

Есен : Бала шаққа болашақты жырлатып,Шәкірттерге ой түзеткен сымбатты .Күн нұрындай сәуле құйған көңілге,Армысыздар , ұстаздарым қымбатты!

Гаухар: Армысыздар әжелер мен аналарҰрпағыңыз күнде өзіңнен бата алар.Ел дәстүрін мәңгі сыйлап оқы деп,Үйреткен ғой Абай, Ыбырай бабалар

Тұралбек: Армысыздар өр тұлғалы әкелер!Қыран құстай балапанын мәпелер.Бүгін міне бастауышпен қоштасады,Азамат боп , кешегі сәби- еркелер!

Айнұр:Армысың сен , алтын ұя мектебім Саған айтар жыр- алғысым көп менің Жүректерге жаққан білім шырағын ,Мектебіме арналады бұл әнім!

Есен : Дұрыс айтасың Айнұр ! Бұл мектептен қаншама адам тәлім алған десеңші. Менің атам да, әжем де , әкем де, анам да , енді мен де мектептен тәлім алудамын.

Айнұр : Олай болса Есен алтын ұя мектебімізге арнапБота Бисенова апамыздың «Мектебім» әнін шырқайық!

Ән: Мектебім.

1. Мектебім, аяулы мектебім,

Өзінсің өмірдің көктемі.

Нәр алып, қолымды созамын,

Арманға көктегі.

Мектебім келеміз тағыда,

Күн сайын өзіңді сағына.

Сыңғырлап соғылды қоңырау,

Бар бала бағына,

Қайырмасы:

Мектебім, аяулы мектебім,

Бағында гүлдей боп көктедім.

Өзіңсің білімнің бұлағы,

Нәр алып келемін.

2. Келеміз куанып біз дәйім,

Мектебім, сен жайлы жыр дайын.

Айқара есігін ашады,

Қарсы алып күн сайын.

Мектебім, өзінді сүйемін,

Білімді санама түйемін.

Аяулы ұстаздар алдында,

Басымды иемін! Слайд: «Мектептегі мерекелер»

Тұралбек : Иә мектебімізге қандай жыр арнасаң да жарасады. Ендеше сыныптастарымыздың мектепке арнаған жырларын тыңдайық

1 оқушы : Мектеп деген білім кені , жыр кені,Мектеп деген ғылымның ең үлкені.Мектеп деген тәрбиеші адамға.Мектеп деген даналардың мекені.

2 оқушы: Мектебім- білім берер алтын ұям.Ер жетіп сенде сөзім, артты санам.Баулыған 4жыл бойы ата- анамдай.Әрқашан қасиетті атың маған.Арада өтсе дағы дүркіреп жыл ,Әр күні балалықтай бір жүрек бұл.Өзіңе борыштармын өмір бойы Есейген шәкіртіңнің серті деп біл.

3 оқушы:Армысың сен алтын ұя мектебім,Саған айтар жыр алғысым көп менің.Жүректерге жаққан білім шырағын,Мақтан етем сені мәңгі мектебім.

4 оқушы:Ұлылықты ардақ тұтар үнемі,Алтын ұя, ақ босаға киелі.Қанат қаққан білім алып өзіңнен,Күллі шәкірт саған басын иеді.5 оқушы:Мектебім , алтын ұям , нұрың жарық,Жайнаттың үмітімнің гүлін жарып.Сүйкімді сенің күміс қоңырауың,Тұрады құлағымда сыңғыр қағып.

6 оқушы: Мектеп – үйім , ұстазым менің – ата- анам,Сеннен өсіп, сеннен ғана нәр алам.Саяң ыстық , сен мәуелі бәйтерек.Тамырланып , сан тарапқа тараған.

7 оқушы: Мектебім- сүйікті мектебім,Бауырыңда түлеймін , көктеймін.Сен – бұлақ, мен- қайың бүр ашқан,Өзіңнен нәр алып көктедім.

8 оқушы: Мектеп – кеме , білім – теңіз,Барар жерге тез жетеміз.Төрт жыл алған білім нәрін ,Азық етіп ер жетеміз.

Ән : «Мектебім»

1-ж::Дүниеде адамға ең жақын ыстық жанның бірі кім?

2-ж:Адам өміріндегі ең қымбат жанның бірі – ұстаз. Өйткені оның көкірек көзін ашып, дүниетанымын кеңейтіп, қиялға қанат қақтырады.

1-ж:Дұрыс айтасың:

Ұстаз еңбегі – ұлы еңбек.

Сондықтан да ұлы ақын Абайдың:

Ақырын жүріп анық бас,

Еңбегің кетпес далаға

Ұстаздық еткен жалықпас

Үйретуден балаға, – деп айтуында терең ой жатыр.

2-ж: Олай болса, келесі жырлар ұстаздарға арналады

1-оқушы: Әріптерді үйретіп,

Жақын болған кім бізге?

Жамандықтан жиреніп,

Ақын болған кім бізге?

Десек, ол жан – мұғалім

Қапастағы елдердің

Мұңын айтқан кім бізге?

Көрікті сан жерлердің,

Сырын айтқан кім бізге?

Рахмет, саған мұғалім!

2-оқушы: Отанның ұланын,

Баулыған мұғалім.

Өзіңсің ағытқан,

Білімнің бұлағын.

Мен сенің көктемің

Нұрыңмен көктедім.

Сол үшін өзіңе,

Алғысым көп менің!

3-оқушы: Анамдай сүйем мен,

Шеберін ғылымның.

Ұстаздан үйренем,

Өнерін білімнің,

Үйретіп іс сазын,

Мың жаса ұстазым!

4-оқушы: Сүйікті мұғалім,

Бес алсам ұнадым,

Екі алсам сынадың,

Алдыңда әрқашан,

Бас иіп тұрамын,

Сүйікті мұғалім!

5-оқушы: Сен менің әкемдейсің ,анамдайсың

Мен үшін армандайсың, алаңдайсың.

Ұстазым сенен артық ақылшым жоқ,

Адалдық пен парасаттан жаралғансың.

6-оқушы: Бастауыштан алдық біз білім нәрін,

Бар білімнің жинадық шырын балын

Бала деген ұстазға тартады екен,

Менің осы мектептен ұғынғаным,

7-оқушы: Жүрегімде ұстаз берген сабағы,

Өн бойыма тамырланып тарады

Ұмытпаймын салған жолын ,ақылын

Мәңгі,мәңгі есімізде қалады.

8-оқушы: Атағым Алатаудай болса биік

Тұрса төбем өсіп ,көкке тиіп.

Алдында әрқашанда тағзым етіп

Тұрамын ұстазым деп басымды иіп.