4 сыныпқа арналған диктанттар жинағы, 8 бет

Самат

Самат үйге қайтып келе жатты. Ол қалың шіліктің тұсына келді. Қымыздық термек болып жолдан бұрылды. Шілік өскен ойпаңдағы шөп арасында қымыздық көп екен. Самат екі қолдап тере бастады. Қолындағы тобатайын қымыздыққа лезде толтырып алды. Осы кезде шөп арасынан шиқ-шиқ еткен нәзік үн естілді. Самат төмен қарады.Дәл алдындағы тобылғының түбіндегі ұяда жұмыртқадан жаңадан ғана шыққан бес –алты балапан жатыр екен. Бұл құрдың балапандары екен. ( М. Ғабдуллиннен) 64 сөз

Тапсырма :

1. Күрделі етістіктерді тап 2. Қымыздық сөзін қалай тасмалдауға болатынын жазып

көрсет.

Кеш

Күн батуға таяп қалды.Батыстан самал жел есе бастады. Күн көзінің қызуына біржола құтылғандай жан- жануарлар тыныс алды.Тек ыстық-суықты елемейтін балалар ғана кешкі самалға мән бермеді. Үйір-үйір жылқы ауылға қарай беттеп келеді. Күн ұзын жайылған мал тойынған. Олар аяқ астындағы жайқалған шөпке қарамайды. Бәрі де ауылға қарай тура тартатын сияқты. Сиырлардың желіні жер сызып тұрғандай көрінеді. Құлын- тай жарысып балаша ойнайды.

Тапсырма: 1. Мәтінде неше сөйлем бар. 2. Кел етістігін үш шаққа айналдырып жаз.

Қайырымды бала

Бір кісінің баласы мектептен үйіне келіп, әкесіне сабағын тыңдатты. Баласы сабағын білген соң, әкесі қуантайын деп, он тиын күміс берді. Баласы әкесінің берген ақшасына бір нәрсе сатып алу үшін базарға барды. Жол үстінде ол бір аш-жалаңаш шалды көрді. Бала ойлады. Керек нәрсем болса, сатып алуға әкем ақша береді. Бұл ақшаны орынсыз жерге жұмсамайын деп әлгі қайыршы шалға берді. Үйіне келіп, бұл істі әкесі мен шешесіне айтты. Әкесі ұлының ісін құптады.

Тапсырма: 1. Мәтінде неше сөйлем бар. 2. Қайырымдылық сөзін буынға бөліп жаз

Көкек

Көкек жұмыртқа баспайды. Бұта арасынан басқа құстардың ұясын тауып алса, жұмыртқасын соған туады. Басқа құс мұны байқамай қалады, өйткені көкек оның бір жұмыртқасын алып тастайды да, өз жұмыртқасын соның орнына салып қояды. Жұмыртқалардың түсі де бірдей болады. Ұяда сарғыш жұмыртқалар туады.Содан күндердің бір күнінде өзге балапандармен қатар көкектің балапаны да дүниеге келеді. Жұмыртқаны басып шығарған құс балапандарын ұядан лақтырып тастайды да, тек көкектің балапанын азықтандырып жетілдіреді.

Тапсырма:

1. Мәтінде неше сөйлем бар. 2. Көкек сөзіне дыбыстық талдау жаса.