4 сыныпқа арналған Математика әлеміне саяхат ашық сабағы

Тақырыбы: «Математика әлеміне саяхат».

«Ақыл- ойды тәртіпке келтіретін математика».

М.В. Ломоносов

«Математиканың өз тілі бар ол – формула».

С.В. Ковалевская

Мақсаты: Оқушылардың ойлау қабілеттерін, тапқырлығын, жылдамдығын, таным белсенділіктерін арттыру.Математикалық сұрақтарға мәдени түрде жауап беру, қарым – қатынасты дамыту . Білімді, дарынды, озық болуға жетелеу және пәндерге деген қызығушылықтарын ояту.

Сабақтың түрі: Танымдылық ойын сайыс сабақ.

Сабақтың әдісі: Сұрақ-жауап.

Көрнекілік: слайд.

Сайыстың барысы:

Ұйымдастыру бөлімі:

- Құрметті ұстаздар, оқушылар бүгінгі 4 сыныптар арасында өтетін «Математика әлеміне саяхат» атты сайыс сағатына қош келдіңіздер!

Сайысымыздың негізгі мақсаты әртүрлі математикалық ойын тапсырмаларды орындау арқылы білімдерін одан әрі тереңдету. Алған білімдерін пысықтау.Сайыс сағатымыз бес бөлімнен тұрады. Берілген әр бөлімдердегі тапсырмалардың жауаптарын дұрыс айтуларыңыз керек. Әр дұрыс айтылған жауаптарыңды Әділ қазылар алқасы бағалап отырады. Сайыста ұпайды көп жинаған топ «Жас математиктер» номинациясына ие болады.

Бүгінгі сайыс сабағымыз мынадай бөліктерден тұрады:

1.Кім жылдам?

2. Суреттер сөйлейді

3. Шытырман.

4. «Ұшқыр ой» ойыны

5. Ойлан тап

Сайысты бастамас бұрын әділ қазылар алқасын сайлап алайық.

Сайыс – толқын, жатқандай асып тасып,

Біреу мығым, біреулер шалыс басып.

Бұл сайыста байқалар жүйрік ойлар,

Жеңсең де, жеңілсең де қалма жасып .

1-бөлім: «Кім жылдам?» Екі топқа ортақ сұрақ қойылады. Қай топ бірінші болып айтса, ұпай сол топқа есептелінеді. Әр сұраққа 1 ұпайдан беріледі

1. 1 километрде неше метр бар?

2. Жылдамдықты уақытқа көбейткенде не шығады?

3. Текшенің көлемін қандай формуламен табамыз?

4. Екі түзудің тік бұрыш жасап қиылысуын не деп атайды?

5. Бір қабырғасын 4-ке көбейткенде қай фигураның периметрін табамыз.

6. 10 дм неше см болады?

7. Параллелепипедтің көлемін қандай формуламен табады?

8. Қиылыспайтын екі түзу қалай аталады?

9. Диаметрді екіге бөлгенде не шығады?

10. Шеңбердің ұзындығы болады ма?

2-бөлім: «Суреттер сөйлейді» Бұл бөлімде екі топқа әр түрлі сурет берілген. Осы сурет бойынша математикалық тілмен шартын түсіндіру.